المشعكة والبوهالي💞مكتملة💞

💞الجزء 1💞

المشعكة 🥀 والبوهالي ⁦⁦🖤
بقلم ⁦✍️⁩: Imane Ouss
البارت 🥀 1 🥀
_____: وا لقردة نوضي اختي نوضي
انا : إيمان بروووجلة خليني نعس
إيمان : والله وماتنوضي غادي رفع 🙊🙊 استغفر الله العظيم اللهم اني صائمة
انا : ياك بعدة عارفة راسك صايمة إوا خليني نلهي راسي شوية مابين مايودن
إيمان : خديجة نوضي تهزي راه 3 هادي دابا تجي لواليدة تبعنا بشطابة راه خاص نوجدو لفطور
أنا : عبوش هادي ماشي خديجة يخخ ماتخليو بنادم ينعس 😡
نضت على وعدي وسعدي كنجر فرجليا خديت دوش دغيا نشفت شعري لبوكلي ، اجيو نعرفكم على راسي ( خديجة 21 عام عينيا عسليين او شفار كتاف نيفي منقاد او صغير خدودي مطبزين او حميمرين ، فم صغير غووووز شعري بوكلي او منفوخ بحال الى كنصايبو مي هو هكاك داير اما واحد لطاي مندويش عليها غليوضة شوية ماشي بزاف صدر بارز لكرش واااالو لمؤخرة واخدة كتر من حقها 😂 او ليهونش .. لون لجسم ديالي برونزي بحال ختي 🥀)
خرجت من دوش نشفت شعري لبست دوبياس بالبيض او دوني او شورط تاعو او فوقهم جلابة بزرق مخيطة بصفر خديت صندالة بلا محجرة بصفراو شال بصفر خرجت من لبيت لقيت إيمان لابسة جلابة بصفر مخيطة بزرق او نفس صندالة لي لابسة بزرق مع شال زرق . بست لواليدة على راسها
سعاد : فقتي الخمارة دردبي نتي وختك جيبو سخرة
خدينا لورقة لي مقيدة لينا فيها گاع داكشي لي بغات او خرجنا انا وياها
إيمان : ناري واينتا غير رجع لدار بغيت غير نكمل لقصة لي بديت
انا : اه فگروب سفاحات الدماء ( ديديكاس لگروب ⁦❤️⁩)
إيمان : اه حطو قصة جديدة سميتها ( لمشعكة والبوهالي ) او لبطلة سميتها خديجة او مشعكة بحالك
انا : دبا نوري مك شكون لمشعكة شعري بزاف عليك كيخسرو عليه زبابل ديال لفلوس باش يطلع ليهم هكا
إيمان : صافي صافي تحركي دوك جوج قرودة مورانا
انا : ( بلا ماتلفت ) لحسن او لعاربي
إيمان : اه دوك شماكرية يخخخ تفو حتى رمضان مكيعرفوه بانو لي مبوقين
لحسن : هاااح 🤤شفت زرق ونا نزلق
لعاربي : 🤤 شفت صفر ونا ندصر
يتبع....
# توقعاتكم 😂
كيجاتكم لقصة ⁦❤️😍
# جادوغ لكل بارت قريتي