المشعكة والبوهالي💞مكتملة💞

💞الجزء 20💞

المشعكة 🥀 والبوهالي 🖤
بقلم⁦✍️⁩ : Imane Ouss 🌊
البارت 🥀20🥀
حيدنا دغيا من شرجم او هبط انا خليت إيمان حمرة او كتفرك فيديها بتوثر هبط مع دروج او وقفت حدا مي كنرحبو بيهم دخل فهد او عطا لبوكي او شكلاط لمي هزاتهم تبعو فهد بقا حال فمي فينو شعر لمشعكك لي كيجي معاها واخا سرحاتو جا معاها ولكن لبوكلي حسن ( هادشي لي كان كيدور لي فمخو )
دخل رحبات بيه مي ونا درت خمسة على فمي يلاه غايدوز ونا نعكلو برجلي كان غايطيح او شد فلحيط
أنا : ويلي غا عوينا او درباتك بانو ليا بنات درب غايطرطقو عينيهم شوف شوف عبيدة كتسناك
عهد : قيدي قيدي
أنا : مالي كناش
سعاد : برا ولباس عليك اوليدي دخل دخل لصالون
دخل لصالون او هو كيخنزر ونا كندير بتسامة افتزاز ليه ، رحبنا بيهم كاملين دخلو او بقينا مجمعين هما كيهضرو ونا وكوتر ( ديديكاس لكوتر ⁦❤️⁩) شادين نميمة 🤣
كوتر : ويلي ويلي شوفي فهد حاضي غا دروج
أنا : وياه تگولي قاعد على قنبولة غاينفاجر
كوتر : 😂😂 ويلي ويلي نتي رديتي لبال غا لهدا ماشتيش عهد من صباح غا حضيك بان ليا تزعط
أنا : ههه من نيتك قالك تزعط
كوتر : قفطانك زوين اصگعة كيشيه لديالي او صبحان الله نفس لوان غير ديالك فيه شي لمسات شمن مصمم صممو ليك انا يزيد بن شكير او نتي
انا : انا صمماتو ليا خديجة برادة
كوتر : شكون هادي شي وحدة عاد تشهرات ولا شنو
انا : هههه خديجة برادة انا هادي انا لي صممت تاعي او تاعك ختي بالحق تاع ختي زدتو نغيزات تاعها حسن من تاعي
كوتر : واو تباركلاه عليك نبقا نصمم عندم غانتي آش ندير بشي مصمم ولا لخرة هما لي بقاو ليا
انا : مرحبا على راس ولعين
سعاد : بنتي خديجة نزلي ختك راه حماتها بغات تشوفها
انا : اه هي لولة ، كوتر يلاه معايا
كوتر : يلاه
طلعنا بجوج عند إيمان لقيناها كلها كتڤيڤري حناكها غايطرطقو زغبية طايح عليها سر
انا : نوضي يلاه نهبطو
كوتر : وينو وينو على مرات خويا تيتيزة
ايمان : ربي خليك ⁦☺️⁩
نزلناها هي وصطنا او حنا فجنب سمية كتشوف فيها بنبهار او فهد حال فمو حتى كتبان ليه ضرسة لعقل گلشات وسط سمية او جداه كيهضرو معاها واحد شوية ناضت جابت بلاصو تاع اتاي كتفرقو عليهم او انا حطيت لحلاوي نواع او شكال او طمر او لحليب كلاو او دوا باه
عمر : راكم عارفين علاش جينا جينا طالبين راغبين فيد بنتكم لولدي فهد
لواليد : لكلمة لولة او لخرة لبنتي إيمان واش موافقة ولا لا
نزلات راسها حشمانة
سمية : السكوت علامت الرضى
او ضربوها سعاد او سمية بواحد تزغريتة سمعوها گاع المحسادات
يتبع....
تفاعلو تفاعلو 😚😘 راه مكنحطش لحيوط عطيوني آراءكم او توقعاتكم لأحدات الجاية