المشعكة والبوهالي💞مكتملة💞

💞الجزء 27💞

المشعكة 🥀 والبوهالي 🖤
بقلم⁦✍️⁩ : Imane Ouss 🌊
البارت 🥀 27 🥀
مشيت لغرفة لي نقلوه ليها حليت لباب لقيتو حال عينيه
انا : احم على سلامتك
عهد : الله يسلمك قربي مال فيا جدام
أنا : ياك مايصحاب ليك نسيت ههههه فراك غالط
عهد : تبرعتي ليا بدمك او نقضتيني من لموت او من صباح قاعدة تنوحي آش كايعني هادشي
أنا : من باب الإنسانية
عهد : حتى لبكى من باب الإنسانية
أنا : أي واحد بلاصتي كان غايبكي فديك لحضة ماشي غير انا
عهد : جوابك فطرف لسانك اصلا هاديك لي شتي معايا راه ( قاطعتو )
انا : سولتك ماسولتكش يلاه بسلامة راه 6 صباح هادي غانمشي نعس او عيط على حبيبة لقلب تقابلك
عهد : راها قدامي معندي لمن نعيط
أنا : طنز على شي حد خر يلاه تهلا
خرجت او خليتو كيعيط
سمية : بنتي شكرا بزاف مغانساش ليك خيرك
أنا : لا اخالتي ماتگوليش هكاك هدا واجب
سمية : من ليوم بغيتك تعيطي عليا ماما ماشي خالتي
انا : ههه واخا اماما
سمية : عمر وصل لبنت حتى لدارهم ترتاح
عمر : اه يلاه ابنتي
انا : لا متخافوش جايبا معايا لوطو غير تهناو
سمية : لي بغيتي ابنتي
خرجت من لكنينيك او ركبت فلوطو تاع عهد تكيت كرض نفس او حاسة براسي مخنوق مشيت نيشان لبحر كان خاوي هبطت او گلست فوق رملة كنشم ريحة لبحر او الأحداث تاع هاد نهار كيتعاودو فراسي فكل مشهد كتنزل دمعة من عيني حسيت براسي مخنوقة بزاف نفاجرت بلبكا لا على وعسا نرتاح شوية
انا : اهئ اهئ اهئ اهئ اهئ 😭😭😭 لاش دار بحال هكا انا كنبغيه او هو غدرني طعني فدهري خلاني حتى تعلقت بيه او مشا 😭😭 فين هيا خديجة القوية لي قدام اي واحد كنخرج جبهة اهئ اهئ اهئ اهئ اهئ 😭😭😭 تحداو ليا دابا
بقيت ساعات حدا لبحر سكت من لبكا صوت تنخسيسة او شهقة لي كطلع مرة مرة هو لي كيتسمع او صوت الأمواج مرتافع حسيت بحال كيعبر على قلبي او شنو فيه هزيت راسي ملي حسيت بقطرة تاع لما على عيني ولاو قطرات حتى صبات شتاء مجهدة بقيت گالسة كنتنفس بجهد او كلي كنترعد بالبرد مع لابسة غاتيشورت ولكن ماحسيتش بيه قد ماحسيت بقلبي شاعلة فيه العافية گالسة لا على وعسى يبرد شوية ولكن دون نتيجة نطت كنتمايل وجهي صفر بالعية ركبت فلوطو كانت ساعة 9 تاع صباح
يتبع...