المشعكة والبوهالي💞مكتملة💞

💞الجزء 42💞

المشعكة 🥀 والبوهالي 🖤
بقلم⁦✍️⁩ : Imane Ouss 🌊
البارت 🥀 42 🥀
أنا : سملي على با او گوليها ليه انا خاصني نطلع نوجد راسي بقات ساعة تقلع طيارة
مي : واخا زربتي ولكن ماشي مشكل طلعي دغيا
طلعت لبيت هزيت فاليز بلبوردو حطيتها فيها حوايجي او اي حاجة غانحتاجها او فاليز أخرة فيها سبرديلات او صنادل او لي بوط .. دوشت دغيا او درت ميكاب خفيف مع عكر بالبوردو او خليت شعري بوكلي لبست توشية لفوق بلا يدين بالبوردو او ميني بوط كيبان لبوط شوية او فلوفوق فيها خيوط او سروال بارا بالبيض طاي هوت او سبرديلة بيضة رشيت بارفان ديال ديمة هزيت نضاضر شمسية درتهم او نزلت دغيا لقيت بقات ليا 15 دقيقة سلمت دغيا على لوليدة او خرجت لقيت طاكسي حدا لباب مع صونيت ليه قبل او قلع دغيا وصلت كنجري بقات دقيقة حطيت وراقي او مشيت طيارة طلعت دغيا كولشي الأنضار عليا كاين لي حال فمو فالفوىمة او زك لي كيبان فداك سروال 😂 خير ربي او كاين لي كيسول مالها تعطلات كل واحد شكايگول مشيت بثقة فنفس الآخر مقعد بقا لقيتو حاشي وجهو فتيلي
أنا : حيد جاكيت تاعك بلاصتي
تبلوكا او هو عارف مزيان صوت تاع من هز راسو بشوية
عهد :( كيحاول مايبينش ) اك
حيدهم او جلست حداه هو كيشوف بنص عين او فديك ترمة لي خارجة من سروال قريب يتفرقع كارز على يديه ونا كنضحك
مضيفة الطيران : إربطو الأحزمة رجاءا سوف تقلع الطائرة حالا
ربط الكولشي الأحزمة او تهزات الطائرة حتى ولينا فسما هزيت تيلي بقيت كنلعب فيه مكاين مايدار بقيت هكاك شحااال حتى داني نعاس او طاح راسي على كتفو
        ------ ⁦✴️⁩   🖤بلسان عهد 🖤    ⁦✴️⁩ -------
عهد : ( فنفسو ) من نيتها هادي آش جايا دير فلندن واش تابعاني ولا شنو او داك سروال اععععع 😠😠 كون قدرت نهضر معاها كون قطعتو على راسها بففف
بقيت كنشوف فلامحها لطالما عشقتهم كانت ناعسة بحال شي ملاك محسيتش براسي حتى حطيت صبعي على عينيها كندوزوهم عليهم حطيتهم على شفايفها شفت ديك تعكيرة لي دايرة هزيت قرعة لما وكنينيكس مع كان ماط داروري لما مسحتو ليها بشوية
يتبع..