🌙أنــــــــاوجـــــــارتـــــــي🌙
البارت الثالث🌙💫
حلقة اليوم جاو وجابو معاهم الغدر💫💫
Sofie Âs 🌙🌙🌙
حليمة: كملي فطورك مايكون غير عباس مول الحمام
وردية:اش هادشي اش هاد صوت كملي كملي نمشي نطل
ناضت وردية مشات للجهة الشرجم حتى تصمكات ملي سمعات سميتها
وهي تفزع وهي تقول فبالها(اويلي صوت المقدم هذا والله الا صوتو الله اسمعنا خبار الخير) غير خرجات وهي تسمع سميت حليمة
واااااحليمه وخرجي وتانتي خرجي واخرجي من تم
خرجو بجوجهم حليمة عاااادية كتمشى ماعلى بالها أما واحد وردية كتمشى وخايفه كاتاكل ظفارها ودعي على راسها اشمن مصيبه دارت
وقفو قدام المقدم وحدة كاتمتم مع راسها ولاخرة واقفة حاطة يد على يد كتسنى المقدم يهضر وهي تخرج فاتين بنت المدينة
لاطاي واشمن لاطاي و اشمن شهر و العينين كالحوتا ام اما الشناف الله الله
اما واحد المقدم غمزهم واحد الغمزه
وكل وحده فيهم فهمت راسها
مرحبا مرحبا بك عندنا في الدوار
غزلان معرفات باش تبلات
غزلان: ميرسي ميرسي
وردية خرجات عينيها فغزلان
وردية: وحليمه اش قالت لنا هاذ خيتي قالت لك مرسنا مرسنا ياكما تعيبنا
حليمة: اربي اربي لما سكتي من نهار عرفتك انت ما كتعرفي لشاي خلينا نشوفو هاذ الحريره هذي
المقدم: احم احم غزلان هذي حليمه وهذي وردية هاذ العيالات منيمتا وهما هنا
غزلان:(بطريقة مبعككة)اووه سي مانيفيك ههم بصح تبارك الله
المقدم: غزلان خاصها تبات عند وحدة فيكم هاد 15 يوم من رمضان
وردية وحليمة شافو فبعضياتهم وبداو كيتجاراو كل وحدة عنقات غزلات من جيه
وردية: تبارك الله بغيت نسولك داك الفم عندك اش دايرة ليه بحال البانتوز
غزلان:وات نوو هذا بوطوكس
وردية:(بغباء)اااشنو بوكوكس
حليمة:ولا وبوتوس بوتوس
ورديه:ياوييلي على بوتوس وراه بونوس بونوس اش كتعرفي بلاتي نعيط للبنتي
وردية عللت صوتها وبدأت تعيط بحالا بنتها متقرى فلندن
وردية :واااا شاامة واتعلي وتعالي
دارت كتفرنس وعاجبها راسها وهي تجي بنتها شامة
وردية: تبارك الله عليك ابنيتي خمسة وخميس اجي اجي
قربات لودنها وهي تنطق
وردية:(وردية للغزلان)ابنيتي عاودي ليا اش قلتي شناهي ديك الكلمة
غزلان: بوطوكس بوطوكس
شامة:بروكوس بروكوس امي
حليمة زادت كضحك وهي تعيط للبنتها آسية
حليمة:اسييييه واااا اسييه
آسية:هاني يامي هاني
حليمة:(كتوجه هضرتها للغزلان)عاودي عاودي يالغزال الكلمة لي كلتي
غزلان:بوطوكس بوطوكس
المقدم:صاااااافي نونوس ولا كوكوس ولا اش سماه الله غزلان خاصها تبات عند وحدة فيكم
وردية:(طلعاتها وهبطاتها)ايييه ماݣلتي عيب تعالي يا زين صافي تعااالي
حليمة:اشمن تعالي يازين صافي وتعالي يالغزال تعالي تعالي تباتي عندي
وردية: اه اه باغا تباتي عند هادي خيمتهت عامرا غابلفيران
حليمة: ربي ربي نحمدو الله ونشكروه غير فيران ونتي لي خيمتك ولات زريبة بيت نعاس دايرة فيه حمير وبيت بناتك دايرة فيهم معاز كن غير رجعتيها حديقة حيوانات
YOU ARE READING
أنا وجارتي🌙مكتملة🌙
Romance💎مكتملة💎 ❌حصرية على الواتباد❌ ✨✨✨القصة شبه كوميدية وقصيرة✨✨✨ ✨🌙أَنَــــــــــــــــــــاوجَــــــــــــــــارْتِـــــــــــــــي🌙✨ 🌙🌙قصة عبارة عن التقاليد العائلة الضحك الاجواء الرمضانية 🌙🌙 ✨🌙بقلمي :sofie Âs 🌙✨ ...
