أنا وجارتي🌙مكتملة🌙

🌙الجزء 7🌙

🌙أنــــــــاوجـــــــارتـــــــي🌙

البارت السابع🌙💫

حلقة اليوم حشيان الهضرة🌙🌙

Sofie Âs 🌙🌙🌙

رمضان كريم🌙🌙🌙

حليمة بدات كتشاير بيديها للفوق وتهضر مع جارتها لي حداها وقالت ليها

حليمة:سمعتي سمعتي دبان بدا يزنزن أه أه..جمعات يديها وهي تقول للجارتها... دخلي دخلي وسدي عليك شرجم نتي عاارفة دبان عزيز عليه الخنز وهو اصلا خااااانز وهي ضرب حليمة الشرجم وهي دخل...

جارتها متسرطاتش ليها

(اباين المعنى)...

وردية حتى هي مرضاتش وبدات تسب ودعي وهي تنزل عند غزلان...

غزلان:مالكي شنو طاري شنو كاين

وردية:الله يعطيها جغضيض نشاعلاه كتعرف غير تحشي الهضرة (دارت يديها على وجهها ومسحاتو)

غزلان:علامن نتي تادوي واش حليمة...

وردية:شتي نتي نتي غا بعدي من هاد شبوقات

غزلان:اووو طاطي وردية ماتقلقيش مكايجيش معاك تكوني مقلقة

وردية:صافي صافي دب الفطور خاصو يوجد...

ناضت وردية للكزينة لي صغيرة ومضيقة شي شوية موحال تاواش تقدر تهز جوج دناس ودخلو ليها بدات وردية كاتجبد كاااع تقدية من لميكة وغزلان غير متبعاها مفهامت والو من نعمة الله...

دارت وردية للعند غزلان وهي تحط يد على يد..

ورديه:دب نتي اش واقفة ديري هاا؟..(هزات ميكة ومداتها للغزلان)شدي هاكي مطيشة نقيها وملي تكملي حكيها فالحكاكة...

غزلان:(بعياقة وتخراج العينين)ءءءءء كيفاااش مطيشة وانا ظفاري يالله البارح عدلتهم عند الكوافورة قبل مانجي درت ليهم مانيكير بيديكير نونونونو وشناهي هاد الحكاكة بعدا؟

وردية:الحكاكة ابنيتي هي لي غانحكك فيها إن شاء الله بإذن الله

غزلان:كيفااش هاد الهضرة عيقتي بزاف وزعما هاد زين لي قدامك اتحكك

وردية:ويتححححححكك وعلاه حنا ملي كانمشيو للحمام ياكي كانحكو

غزلان:اووووو مافهمت فيك والووو اش هاد الكلمات مرا الحكاكة مر الحكان اش هاد الكلمات الغير لائقة

وردية:خرجي خرجي عليا نسالي فطوري وجي نكمل ليك خرجي...