🌙أنــــــــاوجـــــــارتـــــــي🌙
البارت الحادي عشر🌙💫
Sofie Âs🌙🌙🌙
...:اش هاد صداااع
شافتو تخلعات تصدمااات تفزعاااات ماعرفات باش تبلات دارت بيها دنيا من كااع جوايه
حليمة:المقدم عتق عتق
المقدم:اش وااقع هنا ياك لباس اش هاد صداع واش مكاتراعيوش نااس وردية اش هاد الحالة والفوضة
وردية:والله اسي المقدم إلا هي لي جبداتني والله القسااام
حليمة:(كتخنخن)سي المقدم شفتي شنو وقع هئ هئ واااا ضيعات ليا شباابييييي
وردية تلفتات ليها وهي تحط صبعها على حنكها..
وردية:شبابك نتي باقي عندك شباب سكتي سكتي
حليمة:(كدوي مع المقدم)شفتيها شفتيها ياك سي المقدم ءءءءءءءهئ هئ
المقدم:صافي براكة من تبوحيط ونتي وردية تبعيني...
مشات وردية تابعة المقدم وهي كادعي فراسها وفالمصيبة الكحلة لي دارت...
وردية:سي المقدم هي لي جات ؤءء اويلي شنو سميتها هاديك حي
غزلان:تهجمات تهجمات
وردية:ايه هاديك تهجمات على خيمتي
المقدم:(بالغوت) دخلوو نتوما.اش هاد المهزلة لي درتي هنا اوردية وقدام غزلان واش محشمتيش ءءءء
وردية:والله مادرتها بلعاني حق مولانا
المقدم:سكتي علياااا ولينا ضحكة وشفايا عند الناس وأهل دوار...
وردية:(دايرة تغوبيشة ومقلقة)دير معايا لي بغيتي ياسي المقدم عيشك غير ماتكثرش عليا انا مزاوݣة
المقدم جر سلهامو قدامو وتم غادي للخيمة وردية لي فيها حليمة غير مازايدة فطبوحيط
غزلان:وصافي احليمة صافي خلاص عويناتك غاليين
حليمة:شفتيها شفتيها اش دارت فيا عيشك فكيني منها انا نزاوݣ فيك ونبوس رجليك
غزلان:لا صافي حشومة عيب عليك تقولي هاكا
دخل عليهم المقدم عاقد غوبشتو هاز حاجب ومنزل حاجب شافتو حليمة تكمشات كي المشة،وموراه وردية لي عااارفة راسها شدايرة حادرة رااس
المقدم سخط على الوضع وبقا كايضور يجي ويمشي وهو يتنهد تنهيدة طوييلة وهو يقول موجه للهضرة للعيالات دوار
المقدم:غادي ترجعو كيف كنتو وغاديرو بحالا ماوقع والو
وردية:هي صافي تبقى معايا دب تاتعشى حيت هي ضيفة عندي
المقدم:داكشي علاش درتي هاد الحالة قبل ماديري ليها اعتبار
وردية سكتااات وتكمشاات سدات فمها وجمعاتو معندها ماتزيد ولا تقول حيت عاارفة موصيبتها ماشي ديال رضان الهضرة
المقدم:غزلان جمعي حوايجك ويالله لعند حليمة
غزلان:اوكي
YOU ARE READING
أنا وجارتي🌙مكتملة🌙
Romance💎مكتملة💎 ❌حصرية على الواتباد❌ ✨✨✨القصة شبه كوميدية وقصيرة✨✨✨ ✨🌙أَنَــــــــــــــــــــاوجَــــــــــــــــارْتِـــــــــــــــي🌙✨ 🌙🌙قصة عبارة عن التقاليد العائلة الضحك الاجواء الرمضانية 🌙🌙 ✨🌙بقلمي :sofie Âs 🌙✨ ...
