لقد زرعوا فينا خذلاناً، نخشى بعده كُل يد تمتد إلينا وإن كانت صادقة ."
وفي يوم من الايام كانت أمل جالسه على الأرض ورأسها متكئاً على الجدار وتبكي بصمت حتى دخلت عليها شروق!!
شروق(باستغراب): مامه شنو نايمه بالكاع؟
ولكن دون فائده أمل تلتزم الصمت حتى قررت شروق ان ترفع يدين أمل من على رأسها
شروق: مامه شبيج تبجين شصاير؟
أمل: ماكو شي حبيبتي
شروق: اني صرت جبيره ولازم تسولفيلي
أمل: صح لازم تعرفين شنو الي بداخل امج وشنو الي مأذيها
شروق: سولفيلي شنو الي يخليج على هذا الحال ودائماً تبجين ومقهوره؟
أمل(والعبره خانكتها): ابوج من اجه خطبني ماجنت موافقه لان بعدني صغيره صح مرات اشوفج مستغربه من الفارق الي بينه بس انجبرت اخذ ابوج !
شروق: مامه بس العمر مجرد رقم مو انتِ هيج تكولين؟
أمل: صح بس اني من حقي رجال يهتم بيه ويدير باله عليه شنو ذنبي من تزوجت واني قاصر وعمري 19 سنة شنو ذنبي اخذتلي رجال غير عن تفكيري شنو ذنبي اخذت رجال يشيب قبلي شنو ذنبي من احد يشوفني بالشارع يكول هذا ابوج ، تعرفين ابوج من يدخل للبيت مايكلي شسويتي ماسويتي هاملني ومحسسني اني بس اطبخ وانظف حالي حال الخدامة
شروق: مامه ليش تكولين هيج بابه يحبج ومقدرج ومامقصر وياج بشي
أمل: بنيتي الحياة مو بس اكل وفلوس ومن تكبرين راح تعرفين شنو اقصد
شروق: مامه بس انتِ خلاص هاي قسمتج على شنو متأذيه وقاهره نفسج؟
أمل: من تكبرين راح تعرفين شنو اقصد بكلامي
بيت سلوان'
لؤي: اكلج براق شكد صار عمر شروق بنت عمي سعد؟
براق: صار عمرها 18 سنة اتوقع، بس ليش تسئل
لؤي(بأبتسامه)؛ لا بس هيج حبيت اعرف
براق(باستهزاء): ومن شوكت انتَ تهتم لشروق اشو حتى من اريد اروح يمها تتعارك وياي منين نزلتلك الحنيه؟
لؤي: ياعين اخوج مو اكو غايه براسي لعد شنو عبالج الي سوا عمي سعد لابوي ننسى بس لان تصالحو؟
براق: هاي شبيك ليش هيج حقود؟
لؤي: ههههه مو تدرين بيه احب اي شي بالدنيا بي أنتقام وخاصتاً اذا يخص بيت عمي سعد اتونس
براق: اسكت اسكت فارغ والله لو يسمعك ابوي يكص لسانك!
لؤي: وانتِ شكو لهل درجه تحبيهم؟
براق: لان عمي سعد راد مصلحتنه بس ابوي وامي همه الي غلطو بحق عمي سعد وهذا كلنه الي نعرفه والي صار هوه تعويض لعمي سعد والي خسره بسببنه
سجى: شدعوه عيني يالمحاميه تشتغلين محاميه بس بوقت دوامج اما هنا بالبيت الي عليج تكرمينه بسكوتج والي صار هوه بسبب عمج ومرت عمج السحليه
براق: كلمة الحق تزعل مامه وانتِ ماكو شي يرضيج غير المشاكل ولهذا سبب لا تحاولون مهما صار اني وشروق نبقى سوه وماكو شي يفرقنه ولا تحاولين مو لان انتِ امي لازم امشي وياج على الصح والغلط اني اصلي واصوم واخاف ربي واعرف شوكت لازم امشي وراج وشوكت لازم اتعامل وياج بالمعروف
لؤي: ههههه خلي صلاتج وصيامج يفيدونج
براق: شنو ارد عليك اذا بصلاة والصيام تستهين
سجى: وانتِ شنو الي تعرفينه عن الي صار حتى حمقانه ؟؟
براق: مامه اني ماحب احد يحجي حجي الي يحجي ابنج بغرفتي وهذا الكفر والاستهزاء بصلاتي وصيامي اذا سكتيله هل مره بعدين راح تتحملين عواقب افعاله؟
سجى: عادي هوه شاب طايش!
براق(بنرفزه): مامه الي تكولينه غلط اذا مو انتِ تعلمي الصح وتتسترين عليه بعدين انتِ تتاذين
سجى: شوف شوف لؤي منو تعلمني شلون اتصرف امشي مامه امشي نطلع لا تنكلب علينه شيخ
براق: لا حوله ولا قوة الا بالله العلي العظيم الله يصبرني عليكم يارب
بيت سعد' (في المطبخ)
شروق(تمسح الميز): مامه سؤال يدور بالي الله عليج جاوبيني بصراحه!
أمل: شنو حبيبتي كولي؟؟
شروق: شنو الخلاف الي بينه وبين بيت عمي سلوان؟
أمل: موضوع قديم وتصالحو ماله داعي نفتح دفاتر قديمة!
شروق: بس بصراحه اريد ترجع الايام واروح يم براق وهيه تجيني اشتاقيت لذيج الايام
أمل: حبيبتي شنو الي بيدي مرت عمج نسره وتكرهني كلش ماعرف شنو الي مسويته الها رغم همه الي غلطانين بحقنه بس مايحبون يعترفون
شروق: شنو الي صار مامه وهيج الكره صار؟
أمل: عمج سلوان أتهم ابوج ..........
ČTEŠ
من أجل نفسي
Romanceاخاويج اخاويج اخذ زوجج واخليج بهاي العباره يخذل النساء بعضهم البعض ويسلطن كيدهن وقساوة قلوبهن ، سوف تخوضون مغامرة لرواية غرور انثى وخذلان امرأه وغيره بنت وكسران الام هل سوف تكون رواية متعادله النصيب ام خذلان الحبيب؟ بعنوان (من أجل نفسي) ملاحظة🛑 1...
