وقال تعالى: يَا أَيُّهَا النَّاسُ قَدْ جَاءتْكُم مَّوْعِظَةٌ مِّن رَّبِّكُمْ وَشِفَاء لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ{يونس: 57 }.
أمل: شروق شنو الي جاي تكولينه شنو لقيطة جاي تشوفين نفسج شنو تكولين؟
سعد(يحاول يهدء الوضع): اوكفي امل ، شروق احجيلي شنو هذا الكلام ومنين جبتي؟
شروق: بالاول جاوبوني اني بنتك لو لا
سعد(يحاول مايكون عصبي): كتلج منين جبتي هذا الكلام؟
شروق(بصوت عالي): كتلك جاوبني بالاول
امل: لا تعلين صوتج على ابوج ، وكلامج كله ماله وجود ومو صحيح
سعد: بنيتي الكلام الي سامعته مو حقيقي وانتِ بنتي وقطعه مني وبنت امل
•والتعب تملك على جسد شروق وحست بارهاق شديد قررت تنهي الحديث وتأجل الموضوع حست الالم احتل كل اعضاء جسدها وقررت تصعد لغرفتها بدون ماتكول اي شي.
سعد: وين رايحه شروق
أمل(تلزمه من ايده): اوكف ماتشوفها تعبانه خليها ترتاح وبعدين سولف وياها
سعد: اريد افهم هاي وين جانت وشنو هذا الحجي
أمل(تشرد بذهنا لثواني): اي ، ابو حسن خابره وكله وين وديت شروق !!
سعد : انطيني موبايلي اخابره
يتصل سعد بالسايق ابو حسن، سلام عليكم ابو حسن وين وديت شروق؟
ابو حسن: وعليكم سلام، وديتها لبيت صديقتها وبعدها وديتها لبيت عمها سلوان!!
سعد: اها عاشت ايدك
ابو حسن: وايدك عيني ابو شروق
أمل: ها شنو رايحه لغير بيت صديقتها؟
سعد: لا رايحه لبيت صديقتها بس مناك رايحه لبيت عمها سلوان
أمل: اها هنا الحجي اكيد هاي بنت بليس ذابه هذا الحجي بأذان شروق لان عرفت سوالف الفلوس ولقيطه ماتطلع اله من لسان هاي استغفرالله ياربي الله يصبرني على بيت اخوك
سعد(يتأفأف): هف هف يا أمل ماعرف شنو الي يردونه من عندي
أمل(بتنهد ): شمدريني اني بيهم خلي اكوم اشوف بنتي
غرفة شروق'( شروق رأسها بين رجليها وتحس بألم وحيره)
أمل(ترفع راس شروق): شروق بنيتي خلي نسولف
YOU ARE READING
من أجل نفسي
Romanceاخاويج اخاويج اخذ زوجج واخليج بهاي العباره يخذل النساء بعضهم البعض ويسلطن كيدهن وقساوة قلوبهن ، سوف تخوضون مغامرة لرواية غرور انثى وخذلان امرأه وغيره بنت وكسران الام هل سوف تكون رواية متعادله النصيب ام خذلان الحبيب؟ بعنوان (من أجل نفسي) ملاحظة🛑 1...
