لم اصب بامتلاك قلبك ولكن لا داعي للكراهية
سعد(بحسره): شنو الي تردي امل؟
امل: الي اريده لو طلكني لو نبقى بعيدين انتَ بمكان واني بمكان واجبي هنا بس شغل البيت
شروق(بخيبة): مامه فدوه صلي على النبي
سعد: اني طالع اكعد بصالة
شروق(بصوت عالي) شنو شبيكم شصار نحسدتو
امل(بضحكه خفيفه وكلها ندم): على شنو ننحسد من يوم تزوجنا لحد الان واني بهذا الحال بس مو كدامج لان مانريدج تعرفين بشي وتتأذين بعد هسه كبرتي ماكو شي ينظم
شروق: مامه خلص تقبلي الواقع
امل(وطلع كل الي بداخلها): انسى شبابي الي ضاع لو انسى طفلي
شروق( وكلها استغراب وخوف): يا طفل مامه
امل: خلص عوفيني اريد ارتاح
شروق: شنو انسى مامه يا طفل احجيلي
امل: جان عندج اخو اكبر منج
شروق: اخو اي كملي؟
امل(وعيونها متروسه ألم): جان عمره سنتين وانتِ عمرج اشهر
تحركت امل من مكانها واتجهت للبوفية،
شروق(عيونها غرغرت دموع قبل ماتسمع شي): مامه كملي
طلعت امل صور وانطتهن الشروق'
امل: هذا اخوج
شروق: كطعتي كلبي سولفي شنو جان اسمه
امل: اسمه محمد ، جان الجو مطر ،
العودة الى الماضي قبل 17 سنة
امل: سعد جاي تمطر بره اصعد نزل الملابس المشروره ، اني راح اسبح شروق وابدل الها
سعد: بعيني هسه صاعد
صعد سعد وركض ورا ابنه محمد، بدون ماينتبه سعد
وخلال دقائق نزل سعد يركض وبأيده محمد
سعد(بصريخ): ابني راح مني يا عالم ابني راح لحكوني
امل(بخرعه): اوكف سعد شبيك سعد اوكف شبي محمد
طلع سعد يركض بالشارع
امل: يمه ابني ولك سعد ابني شبي سعد
اخذت امل عبايتها وركضت وره سعد
وكف سعد على الشارع العام حتى يوكف تكسي والعالم اخذت ابنه محمد وصعدو بسيارة احد الجيران
أنت تقرأ
من أجل نفسي
Romanceاخاويج اخاويج اخذ زوجج واخليج بهاي العباره يخذل النساء بعضهم البعض ويسلطن كيدهن وقساوة قلوبهن ، سوف تخوضون مغامرة لرواية غرور انثى وخذلان امرأه وغيره بنت وكسران الام هل سوف تكون رواية متعادله النصيب ام خذلان الحبيب؟ بعنوان (من أجل نفسي) ملاحظة🛑 1...
