صلوا على محمد وال محمد
صوتوا + علقوا
قراءة ممتعة
سحبني صار وراي حط ايده يكتم انفاسي
صرخت بصوت مكتوم ضليت ارافس
برجلي اريد اوخر ايده مني
..... هشش
جيلان: امممم امممم
للحظه حسيت راح اموت هنا ومحد يدري
فجأه انفتح الباب وشتغل الضوه
مرام: سبرايززز
وخرت الايد من حلكي واجتي ضحكه
من وراي تخص منار ماكدرت التفت اجتي
وكفت كدامي
منار: كل عام وانتِ بالف خير ياحلوة
اباعلهن يضحكن عليه واني كلبي وكف
الا شويه
مرام: ردنا انسويلج مفاجأة
دمي كام يفور عليهن عطت بيهن
جيلان: الله ياخذجن وارتاح هاي سوايه
تسونها مادكولن خاف تموت وكفتن
كلبي بهل مفاجأة ماكلتن هاي تخاف
ملكيتن غيرها
_ دمعت عيوني كمت ابجي _
مرام: والله ماندري راح تخافين هيج
نعتذر منج
حجتها باسف واني ابدي اخنكهن اثنينهن
جيلان: لو ناسياته ومامتذكرات كاعدات
ومنجبات ولا هل سوايه ولن من وجهي
نزلت جوه دموعي تصب دخلت لغرفة
امي لكيتها تباوع مسلسل شافتني وشهكت
مناسك: شبيج ولججج منو ماتت
رحت يمها حضنتها حيل
جيلان: يمه خفت اموت
مناسك: اسم الله عليج شبيج يمه
مسحت على راسي بصوت احن ماعدها حاجتني
حجيتلها شسون مرام ومنار كامت تغلط
عليهن
مناسك: هاي سوايه يسونها
اني اعلمهن استهي بالرحمن يمه
ردت احاجيها بس ترددت بعدين كلت
خلي احجي
جيلان: يمه اريد اكلج شي
مناسك: كولي
جيلان: كاعد احلم باشياء مو زينه واحس
احد ويايه بكل مكان
شهكت وكامت ادك على صدرها
مناسك: شوكت هل حجي وشتحلمين
جيلان: مادري ساعه غابة سوده لو
كائن غريب قبل يومين حلمت مراة اجتي
فتحت صدري اخذت كلبي وشمرتني
امي نخطف وجها وصار ينقلب الوان
مناسك: من شوكت هل حجي
جيلان: تقريبا قبل امتحانات منار بكم يوم
مناسك: ولج ليش ماحجيتي كومي
سبحي بخل وملح ومن اطلعين صلي
ونامي يمي
كمت سويت مثل ماكالت سبحت بخل
وملح طلعت نشفت شعري وفرشت فراش
يمها اجتي مرام جان امي تعيط عليها
مناسك: بنات..... لوما اني.... ماطلعتن هيج
شلون تسون باختجن هيج لو صاير بيها شي
مرام: ردنا انفاجأها ماعبالي هيج
مناسك: روحي لاتراويني وجهج جيلان
راح تنام هنا اليوم
مرام: والله اسفين يوم ليش تنام هنا
خلي تصعد يمنا بعد مانعيدها
مناسك: اكلج راح تبقى هنا
طلعت مرام بعيونها دموع التفتت عليه امي
مناسك: وانتي نامي واذا بقه حالج هيج
اخذج لسيد او لاحد يعرف بهل اشياء
YOU ARE READING
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
