مكر الدلهام
بقلمي: زينب
صلوا على محمد وال محمد
صوتوا+علقوا
قراءة ممتعة
_ سد التليفون طفاه و رجعه إليه شغلته
ماشتغل مطفي خلاص كعد كبالي بالكاع
اتجه على الحايط مد وحده من رجليه
والثانيه ثانيها
الأكبر: شوكت تعرفتي على دلهام ؟
_ قويت لزمتي للجنطه يباوع عليه بنظرة
مدري شلونها قرف لو استغراب
جيلان: 6 اشهر او 7 ما اتذكر عدل
الأكبر: اتذكري اتذكري وين التقيتوا؟
جيلان: شعليككككك
_ طلع سلاحه حطاه بوجهي ونظرة عينه
مانزلت من عيني
الأكبر: تحبين تجربين؟
_ نزله حطاه بالكاع بصفه بقت عيني على
المسدس شلون اخذه
جيلان: حمه اختي
_ عقد حاجبه وعينه توسعت فرك وحده
من عينه
الأكبر: مرت منو؟
_ بلعت ريكي خاف احجي وتتورط مرام وحسين
هم بسوالف الجلب دلهام
جيلان: حسين
_ هز رأسه واشرلي كملي
الأكبر: شلون التقيتوا؟
جيلان: صعدت بسيارته بالعرس
الأكبر: ههههه يعني صدك حبيبج غريبة مو؟
مع انو أنتِ كلج على بعضج مو ذوقه
_ عض شفته وضحك عنده انياب من فوك
عبالك مصاص دماء بيض يخوفن حادات
الأكبر: عاد مو بسغوله تنالين اعجاب دلهام
شنو سويتي حتى كدرتي تعجبي؟
_ باوع عليه واني ضميت روحي للحايط حسيت
الكرسي من وره طبع بضهري
جيلان: ما ..ما سويت هو لحكني
الأكبر: شلج بهاي؟ دلهام لحكج؟
جيلان: اييي
_ نظرة عينه تغيرت وصارت حاده خزرني
وعدل كعدته تربع وحط المسدس كدامه
يم رجله
الأكبر: مخدرات؟ زعيم ؟ جلاد؟
_ غميت روحي و وجهي شتعل نار دموعي
نزلن ما اخلص منهم اني ما اخلص
الأكبر: تعرفين ليش أنتِ هنا هسه؟
جيلان: لا
الأكبر: دلهام جان وراج على قضية مخدرات
ومانع الزعيم من تنفيذ اكبر عملية من وره
حضرتج لان الشخص الجان مفروض يستلمها
ابنه انسجن من وره حضرتج
جيلان: اني معليه دلهام جان عنده مهمه هناك
_ ضحك بفرح وحرك حاجبه
الأكبر: حلو حلو اختلف الكلام هسه
YOU ARE READING
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
