مكر الدلهام
بقلمي: زينب
صلوا على محمد وال محمد
تفاعلوا🔪🔪🔪
منا وهيج ايدنا والسجينه
قراءة ممتعة
فاطمة: جنت اعرف حيدر يتعاطه
جيلان: وما كلتيلي
فاطمة: لا كتلج لا تشربها ما مرتاحه
جيلان: اوكفي راح ادك عليج
_ عفت منار نايمه و نزلت لغرفة الياس
سديت الباب وراي ودكيت عليها
جيلان: عرفتي وما كلتيلي؟
فاطمة: كتلج جيلان لاتشربيها
_ افتر بالغرفة مثل المخبله وبايدي
صرت اجرح ركبتي
جيلان: لااا هذا مو كلام ما خفتي اشربها؟
لو مثلا تسوء حالتي و اشوفها بيدي
وابلعها ؟ فاطمة اني لحد هسه ماعرف
شلون وصلت المخدرات اليهههه
فاطمة: بس على كيفج خلي افهمج
جيلان: خاف أنتِ وياه فاطمة
فاطمة: تشكين بيه جيلان؟ صديقة عمرج
انييي
_ كعدت بالكاع اتجيت على الجربايه
و دموعي نزلن على خدي
جيلان: فاطمةتخيلي بس مجرد
تحليل علمود شي اني
واثقه ما بعمري حتى شايفه شكله يطلع
إيجابي و اكو نسبه بدمي
فاطمة: اهدي والله واللهههه مادري بس
جنت شاكه ومن تأكدت صار فتره
قليله تقريبا
جيلان:صار شهرين اني على هل حالهههه
لج تعبت والله امي تسألني شبيج واني
جذبه وره جذبه احجيها اباوع بعينها
واجذب
فاطمة: حقج عليه وشما دكولين اني
غلطانه بس لا تشكين بيه جيلان والله
مو ذنبي قبل فترة اتاكدت
جيلان: أنتِ كلتي جنت اعرففف
فاطمة: تتذكرين من وكعت بالمرحله
الثالثه صرتي تضحكين عليه أنتِ والبنات
_ رفعت ايدي امسح ادموعي شفايفي
يوجعني احسهن جافات جسمي ثلج
بس احس وجهي يطلع منه نار
جيلان: ايييي
فاطمة: رحت للحمامات اغسل شفته
واكف على العامود ورأسه رافعه ليفوك
تحسينه نايم والله عبالك نايم وهو واكف
ماهتميت غسلت وطلعت من الحمام
لكيته فاتح عينه ويضحك للسمه
_ كمت من الكاع كعدت على الجرباية
تغطيت وكفختني ريحه الياس تسطر
شمرت التليفون وركضت للحمام بغرفته
اتقيء روحي راحت حسيت امعائي
تتكطع غسلت ورجعت للتليفون
فاطمة: وينج شبيج؟
جيلان: راح اموت اني فاطمة
_ كماشتي انزاحت ونزل شعري على ركبتي
بس مانحل بقه ملفوف
YOU ARE READING
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
