بين نيرانِ حُارب

البارت لـ 6

بسم الله الرحمن الرحيم
البارت السادس
حسابي الواتباد:hwaraa_17 تابعوني

بقلمي أنا: حوراء العلي
.
.
.

قراءه ممتعه
..............................................

رقية :-

شفت مكالمات هواي من عباس فتحت خط وضليت احجي وياها وطمنته مابيه شي وسولفتله ع صار ويايه من دخلت مرحله رابعه ضحك عليا .... ونهينه المكالمه ... وحطيت راسي ونمت .....
..............
حور :-

حور :- من راحت رقية بيتنه صار اضلم ودوم ماما وبابا يبجون عليها لأن متعودين عليها وع سولفها وياهو الي تشوفه تتعارك وياه ، نزلت جوه لماما دخلت لغرفتها وشفتها حاطه السجاده وتبجي رحت يمها كعدت وكلت
:- ماما شبيج ليش دا تبجين
:- مادري يمه كلبي ما مطمن احس بنيتي رقية بيه شي
:- اسم الله يمه ان شاء الله ماكو شي ، بست راسها وطلعت من الغرفه رأحت للمطبخ فتحت الثلاجه اخذت تفاحه وصعدت فوك جبت تلفوني اتصلت ع رقية اتصلت مره مرتين ما فتحت خط سديت التلفون ضليت اكل بلتفاحه لأن ندري بيها سنه يلا تفتح خط تشلع كلوبنه يلا تفتح خط .....
......

رقية :- كعدت من النوم لميت شعري وخليت شال ع شعري عدلت البطانيه وخليتها ع جها هي والمخده ونزلت جوه شفت ساعه بـ 6 مغرب يبووو شكد انام أنا ع امي اموتت ع نوم احب النوم يعني اذا اضوج اروح انام اذا فرحانه اروح انام .... شفت ماكو احد بلبيت يااا فتحت باب الغرفه مال خالي وماكو مقفوله ودخلت لغرفة عمر لكيت عمر نايم يا هذولي وينهم دخلت للمطبخ ماكو كلبت البيت كلو ماكو ، ييي همزين عشتوو راحت للمطبخ فتحت الثلاجه طلعت بيضه ، طكيت بيضه وحميت الصمونه وحطتها بلصمونه وضليت اكلها ، رحت لغرفة عمر لكتو كاعد جاي يلعب بلتلفون شني قبل شويه شفته نايم شبسرعه كعد ، رحت يمه وتذكرت اخذ منه رمز الشبكه اخذت منهه تلفونه بسرعه أنطاه الي فدوة فقير وحباب احسن من ابوه وامه دخلت ع شبكه طلعت الرمز وحفضت الرمز لأن جان سهل من واحد للعشره، بسته من من خده واخذته ويايه وكتله ، عمر حبيبي تريد اسويلك بيضه
_ ييي غقية (رقية) جوعان كُلش
_ ههه‍ههههه من عيوني ابو لدغه ، جان يكلي ،اصلن أنا ما احب الدغه مالتي لان ماما تعيب عليها
_ لتضوج يروح الروح هاي ماما تغار منك ، تعال اسويلك بيضه
_ لاااا غقية (رقية) مااغيد (اريد) بيضه خلي نسوي اندومي وفوكاه نقانق(صوصج)
_ليش عدكم اندومي ، كمش أيدي واخذني لغرفته وراح يم جربايته وطلع سطل كامل من جوه جربايه متروس حلويات
_ولككككك ليش ما كتلي ع هذني الحلويات
_ اسف والله بس ماما متقبل وأنا احبج وطلعتهم الج
_يعمري انت تعال خلي نسوي اندومي قبل لا يجون اهلك ، اخذته ورحنه للمطبخ وسويت اثنين اندومي وسويته بسرعه وگليت صوصج وحطته فوك الاندومي ورحنه للغرفه مالت عمر طلعت جبس وجلاتين وضلينه ناكل ، اكلنه وخلصنه وغسلت المواعين ورجعت لغرفة عمر اخذت حلويات منه هو كلي اخذي وصعدتهم فوك لغرفتي ورجعت لعمر اخذته ورحنه للصاله علكنه التلفزيون وضلنه نباوع ع كارتون توم وجيري ...... لحد ما اجو اهلو جانو يجبون مسواك باوعلي خالي وكال
:- تعالي شيلي المسواك وخلي بلمطبخ ،
:- بس خالو عندي امتحان اريد اروح اقره .. حجت زينب
:- لتطلعين شطارتج هسه وتعالي جيبي المسوك وريه للمطبخ حتى نصفي ، خالي عافنه وراح لغرفته ، اخذت المسوك وديته للمطبخ وضلينه نعزل بي أنا وياها ، جانو جايبن مسوك بي حض الحمدالله حتى عشه من بره جايبين مندي الحمدالله، خلصنه المسوك وهي راحت لغرفتها تبدل وأنا حضرت الصينيه وحطيت الأكل بيها وطلعت الصمون الي جايبي وترست دولكه مي حطتهم بلصينيه ،و شلت صينيه وحطتها بلصاله وصحتهم يجون يتعشون ، ورحت لعمر حتى يجي ياكل رحت لغرفته وصحته ، كعدنه ناكل .... وأنا اكلت شويه وكمت غسلت أيديه وصعدت فوك . جبت تلفوني وشفت ثلاث مكالمات من حور ، حطيت رمز الشبكه وفعلت حتى اتصل عليها ع نت اتصلت عليها وضلينه نسولف انا وياها وسولفتلها ع معاملة خاله ومرت خاله ويايه وحلفتها متكول لحد ، حطيت حساب مريم بلتلي وطلعلي ورسلتها وردت عليا ودخلتني بلكروب مال الجامعه وضلينه نسولف أنا وياها ع خاص ...... ، طلعت باب الحاره ( اموتتتت ع باب الحاره احبها كلشش)وجبت الحلويات ضليت أكل وأباوع ع باب الحاره ، لحد ما نفتحت الباب ودخل عمر وكال
_غقية(رقية) اغيد (اريد) أنام يمج
_ خاف امك متقبل
_ لاا تقبل كتلها وكالت غوح(روح)
_خوش تعال حبيبي اجه يمي حطيت راسو ع ايدي وضلنه نتابع باب الحاره سويه لحد ما غفه ونام وأنا وقتت تلفوني وحطيت تلفوني ع شحن ... وحضرت ملابسي البسهم بأجر ، طلعت تنوره سوده أم الكبسات وقميص سمائي يصير لردنات هاف وحذاء كعب سمائي وشال اسود وجنطه سوده .... حضرتهم وحطيت فلوس خمسين بلجنطه لأن اريد اشتري كتب ، رجعت لفراشي وحطيت راس عمر ع ايدي ونمت ....