بين نيرانِ حُارب

البارت لـ 20

بسم الله الرحمن الرحيم
البارت العشرون
حسابي الانستا :hwaraa_17 تابعوني

بقلمي أنا: حوراء العلي.
.
.
.
قراءه ممتعه

""""""""""""""

أحبس دمعة أخيرة تقودني إلي بكاءٍ أبدي ، أحبس صرخة واحدة تمزقني إلي الأبد .........

"""""""""""""""""""

_ رقية :- وانننن نلكاها ولجج ماكوووو ، ضلينه ندور جان تحجي البنيه الي نضفت القاعه

_ حبيبتي هاي الكلاده ، رحتلها ركض وشفتها طلعت هيِ

_ رقية :- ييييي هيِ ييييي الحمدالله ، بسرعه لبستها ، وتشكررت من البنيه ، وطلعنه من القاعه صعدنه بسياره وياه مرتضى وأنا ماحجيت ولا كلمه لحد ما وصلنا للبيت ، رحت للغرفه ، أتصلت ع عمو حسين

_ الو عمو
_ حسين:- هلا بنتي
_ رقية :- عمو تكدر تجي تاخذني
_حسين :- ليش بنتي
_ رقية :- عمو تعبت والله واريد ارجع للبيت

_ حسين :- تمام عمو حضري نفسج راح اجيج زين زهراء وياج تجي
_ رقية :- مادري ، نهينه المكالمه ، رحت فتحت الباب ، دخلت زهراء ما حجيت شي أنا ، لبست تراك عريض ولبست شالي واخذت تلفوني ، ضليت انتضر عمو حسين ، زهراء ابد ما حجيت ويايه  كلمه ، شويه واجه عمو رحت يمه وخاله كلتلي شعدج رايحه وانا كتله تعبانه ، راحت وياه عمو حسين ، وزهراء اجتي ويانه ، وصلنه للبيت ،

_ عمو راح اروح لبيت خاله سناء ، هز راسه وأنا رحت لبيت خاله سناء دكيت الباب طلع ابنها الصغير ، دخلت جوه شفتها جاي تسوي كيك ، باوعت بصدمه وكتلها

_ شني خاله عندج عزيمه وهيج مسويه اربع كيكات

_ اهلا وسهلا يمه ، لا يمه بس العالم طلبت مني وجاي اسوي بيهن ، رحت كعدت يمها وكتلها

_ يعني شنو عندج بيج وتبعين

_ لا يمه بس نسوان المنطقه يعرفني ف يطلبن مني ، حجيت بدون تفكير

_ رقية :- عليج الله خلي اشتغل وياج
_ سناء :- لا يمه شنو تشتغلين وأنتِ عندج دراسه ،

_ رقية :- حتلو خاله فدوة عليج الله خلي اشتغل وياج
_ سناء :- تمام عيوني ع راحتج ، دنت يمي الكيكه وكالت

_ شوفي يمه هذني الكريمات ، طلعت صوره من الموبايل مالتها وكالت

_ سناء  :- سوي مثل هاي الي بصوره

_ خاف اخربها
_ سناء :- لااا أنا يمج ، صدك ضليت أزين الكيكه مثل الي بصوره وخاله سناء اذا تشوف شئ غلط ترجع هيِ ترتبه ، دخلت زهراء ، وشافتني هيج أبتسمت وضلت تسوي ويانه ، خلصنه الكيك كلهن طلعن يخبلن

_ رقية :- بأجر هم عندج طلابات

_ سناء :- ييي يمه عندي بأجر

_ رقية :- تمام بأجر أجيج ، طلعت من بيت خاله سناء ورحت لبيت عمو حسين صعدت فوك ،