اسعد الله مسائكم حبيباتي
تصويت + تعليقات حلوة مثلكم
احبكم يااغلى ناسي
واي سؤال يجول بخاطركم اسألوا هنا
بارت هدية من حور الكم وللمرة المليون
اگول رجائاً بلا تجاوز على اي من الابطال
🌺🌺🌺🌺🌺🌺🌺🌺🌺🌺🌺🌺🌺
حور : العطلة مرت بسرعة وصادف عطلتي
وية دوامة بعد اسبوع ونداوم واليوم ينزل
اجازة كلش فرحانة ومنتظرتة على نار
وگفت گدام المراية امشط شعري ورحت علكنتور
طلعت هاشمي كلش احب البسة لبستة وطلعت
شحاطة تكرمون لونهة نفس الهاشمي اسود
وذهبي احب الالوان الغامقة لان تلوگلي
وگفت گبال المراية سويت مكياج سموكي
واستعملت الوان تتناسب وية لبسي كملت
باوعت لنفسي بنظرة رضى ونزلت جوة
لگيت امي نبعة گاعدة بالصالة رحت گعدت
يمهة اول مشافتني گالت اللهم صل على محمد وآل
محمد ودگت على الطبلة ضحكت على حركتهة
نبعة : عمي ابني مرزوق هي گوة
حور : اي طبعاً چا شني غير اخذ حور
بأثناء حچينة فاتت حبوبة گمرة انوب مجتي
غير على حظ عقيل هو صح يحبهة بس تضل
تداهر بي حدما يزهگ
گمرة : يا ولكم هاي شني البت ماتروح لمعتهة
حور : حبوبة شني لمعتي
گمرة : اي اطردي عيون بعد حبوبتچ وينة زلمتچ
حور : اليوم ينزل اجازة حبوبة الله يرضى عليچ
لاتضلين تداهري ترى يزهگ ويطفر مني
گمرة : شني ماتشبعين منة مو مگابلچ صارلة سنين
نبعة : شني هلحچي عمة غير زلمتهة وتحبة
اصعدي يمة فوگ وانتظري بحجرتكم
حور : مچذبت خبر صعدت فوگ وضليت گاعدة
وانتظر كلساع اروح علمراية اباوع على شكلي
وارش عطر يمكن خلصت نص العلبة والغرفة
صارت كلهة ريحة عطر
عقيل : وصلت للبصرة روحي مشتاگة الهم
لامي وابوية وحوريتي فتت للبيت صارت بوجهي
گمرة من شافتني جفلت
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
