صباح الخير لاحلى عيون عيون متابعاتي
جمعة طيبة مباركة عليكم وعلى عوائلكم الكريمة
جماعة الفيس احبكم وجاي اتابع تعليقاتكم
وبخصوص الي سألوا عن الاستشارات
اني موجودة علواتباد ورابط حسابي
راح اخلي بنهاية البارت
تصويتات + تعليقات حلوة مثلكم
احبكم
🌺🌺🌺🌺🌺🌺🌺🌺🌺
_____________________________
نرجع شوية بلاحداث ليورى
حور : اجة عماد اخذنة للدكتورة انا وامي
الطريق كلة لساني مابطل دعاء يارب انت القادر
وانت بيدك الامر انطيني طفل يارب انت تعرف
مالي احد بالدنية اريد شخص يسندني من اكبر
كلساع تنزل دموعي وامسحهة رحنة لطبيبة
اختصاص باطنية لان انا اجيت اتطمن على
وضعي موش بس خاطر اعرف اكو حمل يو لا
حچيتلهة وضعي فحصتني فحص دقيق
وطلبت مني تحاليل وتخطيط
رحنة سويناهن وگعدنة ننتظر النتيجة
وانا العب بأصابعي بتوتر يارب فدوة لاسمك
اطلع حامل بس علاقل طفل واحد
طلعت التحاليل اخذتهن للدكتورة وهي من شافتهن
تغيرت ملامحهة گالتلي مبروك انتي حامل
مااعرف شني صار بية چن الدنيا وگفت للحظات
مااعرف شتصرف وامي تحضن بية وتبوس
وتگول ماقصر ويانة العباس
عاينت للدكتورة وگلتلهة وباقي الفحوصات
شطلع عندي چنت خايفة واريدن شي يطمني
_ حبيبتي انتي عندچ علم بموضوع گلبچ
حور : لا ماعندي شبي گلبي دكتورة
_ گلبچ تعبان ولازم تراجعين طول
فترة الحمل واذا ضل الوضع هيچ لازم تجهضين
حور : احس السگف وگع علية مثل الواحد
الي انضرب براسة فقدت الوعي محسيت بشي
بعد غير على صوت عماد يخابر عقيل
عاينت للمكان بعدني بلعيادة ومخليلي مغذي
عماد : خوية گلبهة تعبان الدكتورة رزلتنة
تگول شلون منتبهتوا عليهة كل هاي الفترة
عقيل : انا جاي واشوف الوضع
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
