اسعد الله اوقاتكن حبيباتي
تصويت + تعليق بين الفقرات
هذا البارت هدية الكم على تفاعلكم الحلو
وبخصوص الي يسألون علفيس عن تشبيهات
الابطال اني منزلتهن بحسابي مرتين
فالموضوع مو يمي وشكراً الكم جميعاً علدعم
قرائة ممتعة حبيباتي
🌺🌺🌺🌺🌺🌺🌺🌺
_____________________________
عقيل فتحت عيوني عاينت علمكان شني هاي
وين انا شفت عماد نايم علكرسي گمت وانا دايخ
فتحت التلفون شفت مكالمات من جمانة فوگ
ال 200 مكالمة گعدت وسندت ضهري علمخدة
دگيت عليهة متجاوب چان الوكت متأخر
بس انا اعرف هي ماتنام من اعوفهة
جمانة : بين النايمة والگاعدة سمعت التلفون
يدگ فتحت عيوني بسرعة وركضت علتلفون
شفتة عقيل جاي يدگ دموعي نزلت فوراً
اريد اسجد لله شكر لان مابي شي
فتحتة واجاني صوت انفاسة مبين تعبان
عقيل : شلونچ جمارتي
جمانة : انت الي شلونك حبيبي تدري شصار بية
عقيل : اي ادري اعرفچ اكثر من نفسچ
جمانة : ليش عقيل صعد ضغطك شنو سويت
ليش متدير بال على روحك عاد اذا مو لخاطرك
لخاطري تعرف شجاي يصير بية
الف حسبة اجتي ابالي تعبت والله
عقيل : تتذكرين يوم چنتي تتعززين علية واگلچ
ليش روحچ رخيصة عليچ تتذكرين برودچ بوكتهة
هسة عرفتي لوعتي بوكتهة وحسيتيهة
جمانة : اني احتاجيت سنين حتى احس بالوعة
وانت حسيت بيهة بعد ايام على معرفتنة ببعض
عقيل : لان مشاعري الچ فطرية حبيتچ من الله
بدون سبب ودون مقدمات
جمانة : شلونك هسة عقيلي
عقيل : نذر اروحن للفستقة التسولف
بخير لتخافين عندچ زلمة حوك مينخاف عليه
جمانة : اروحلة فدوة تدري شنو
عقيل : شني ابوية
جمانة : انتظرتك علسجادة نفس كل مرة ردت
اصبح بوجهك حبيبي
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
