unicode
ဝူဖန်းရုန်ရဲ့ မနက်ခင်းလေးဟာ စိတ်ကျေနပ်စရာကောင်းတဲ့အစားအစာကို စားသောက်ခဲ့ရတာကြောင့် အလွန်ဘဲစိတ်အခြေအနေကောင်းမွန်နေခဲ့သည်။ သူဟာ ဆေးသေတ္တာကိုရှာတွေ့တာနဲ့ ကျိုးရန်လင်းကို ကုတင်ပေါ်လဲလျောင်းစေပြီး ကျွမ်းကျင်စွာဘဲ အနာကိုအရက်ပြန်နဲ့ပိုးသတ်ဖို့လုပ်လိုက်သည်။ ကျိုးရန်လင်းဟာ နာကျင်မှုကြောင့် မျက်ခုံးများတွန့်ချိုးနေသော်လည်း တစ်ဆက်တည်းမှာပဲ ဒီလိုအခြေအနေလေးကသူ့ကို သာယာယစ်မူးစေသည်။ ဝူဖန်းရုန်ဟာ ကျိုးရန်လင်းရဲ့ လက်တဖဝါးစာကျယ်တဲ့ ဒဏ်ရာကိုပိတ်စအဖြူနဲ့ သပ်သပ်ရပ်ရပ်ပြန်လည်စည်းနှောင်းပေးလိုက်သည်။
ကျိုးရန်လင်းဟာ ကုတင်ခေါင်းရင်းမှာ မှီထားရင်း ကလေးလေးစိတ်ကောက်နေသလိုမျိုးပုံစံနဲ့ ဝူဖန်းရုန်ကိုကြည့်နေခဲ့သည်။ ဘာကြောင့်လဲဆိုတော့ သူဟာ ဝူဖန်းရုန်ထက် သုံးနှစ်လောက်ကြီးပြီး အင်အားချင်းလည်းတူညီပါရက်နဲ့ ဒဏ်ရာရလာတာကိုအနည်းငယ်ရှက်နေမိတာကြောင့်ပင်။ ထိုအချိန် ဝူဖန်းရုန်ကတော့တိတ်ဆိတ်စွာတွေးတောနေမိသည်။ ကျိုးရန်လင်းကသူ့ဆီကိုရည်ရွယ်ချက်ရှိရှိ အကြံအစည်နဲ့လုပ်ကြံဖို့ချဥ်းကပ်တာရော မဖြစ်နိုင်ချေဘူးလား။ သူ့အကြံအစည်တွေပြည့်ဝသွားနဲ့ သူ့ကိုစွန့်ပစ်သွားခဲ့ရင်ရော....အဲလိုသာဖြစ်လာပါက သူဘယ်နေရာမှာမှ သူရဲ့တရားခံရမှုကို သွားရောက်တိုင်တန်းနိုင်မှာပင်မဟုတ်ပေ။ ကျိုးရန်လင်းရဲ့အတွင်းစိတ်က နက်နဲလွန်းတာကြောင့် သူဘာတွေးနေလဲ ဝူဖန်းရုန်ပင်ခန့်မှန်း၍မရပေ။
ရထားပြတင်းပေါက်ဟာ အပြင်ကနှင်းတွေကြောင့်ရေငွေ့ရိုက်နေခဲ့ပြီး ပြတင်းပေါက်ကနေတစ်ဆင့် လယ်ကွင်းကျယ်ကြီးတွေကို ထိုးဖောက်မြင်နေရသည်။ မြောက်ပိုင်းကိုရောက်လေ အပူချိန်မှာသိသိသာသာအေးလာလေဖြစ်ပြီး လယ်ကွင်းထဲကကောက်ပဲသီးနှံစိုက်ထားတာကို ကျိုးတို့ကျဲတဲသာမြင်နိုင်တော့သည်။ ကမ္ဘာကြီးရဲ့အမဲရောင်မြေကြီးတွေကို နှင်းတွေအပြည့်ဖုံးကွယ်နေပုံက နေအလင်းရောင်ဖျော့ဖျော့လေးအောက်မှာ အဖြူရောင်အလင်းတန်းများဖြင့် တောက်ပနေခဲ့သည်။ အဲ့ဒီအပေါ်မှာ သစ်ပင်ကြီးအချို့ရှိနေပြီး ငှက်သိုက်လေးများကိုပင် မြင်နိုင်သေးသည်။ ထိုစဥ်ရုတ်တရက် ကျီးကန်အုပ်စုရဲ့အော်သံကထွက်လာပြီး အရှေ့ဘက်ကိုပျံသန်းသွားနေပုံက နေအလင်းရောင်ကို ဖုံးကွယ်ပစ်လိုက်သယောင်။
أنت تقرأ
A Train named evil(MM translation) Dropped
غموض / الإثارةကျိုးရန်လင်းဟာ ထုံကျိုးကနေထွက်မဲ့ K4133ရထားပေါ်ကလူသတ်မှုရဲ့ သံသယရှိသူတစ်ယောက်ဖြစ်ပြီး ဝူဖန်းရုန်ကတော့ရထားပေါ်ကကြီးကြပ်သူတစ်ယောက်ပဲဖြစ်ပါတယ်။ ဝူဖန်းရုန်ဟာပထမဆုံး လူသတ်တရားခံသတင်းကိုရရှိကစတင်ပြီး သူရဲ့စုံစမ်းမှုတွေတစ်ခုပြီးတစ်ခုစတင်ခဲ့ပါတယ်။ ဒီရထားပေါ...
