'' လမ်းထိပ်ကနေ နည်းနည်းလျှောက်လိုက်ရင် ဆိုက်ကားဂိတ်ရောက်ပြီ ။ လမ်းထိပ်က အပင်မရှိ အဆောက်အအုံမရှိနဲ့ ပူလို့ ဒီနားမှာလာလုပ်ထားတာ ၊ အန်တီအေး အိမ်က သိပ်မလိုတော့လို့ ဆိုက်ကားငှားစရာတော့မလိုတော့ပါဘူး ''
ရပ်ကွက်ထဲဝင်လာရင်း တွေ့လိုက်ရတဲ့ ဆိုက်ကားဂိတ်ကို ရထာက မေးဆတ်ပြကာ ပြောလိုက်တာကြောင့် ခန့်မင်းသက်တည်က အခုမှနားလည်သွားသည့်ဟန်နှင့် ခေါင်းတဆတ်ဆတ်ငြိမ့်သည်။
ရှပ်အိင်္ကျီအဖြူနှင့် အနက်ရောင် style pant တစ်ထည်ကိုသာဝတ်ထားပေမယ့် ခန့်မင်းသက်တည်ရဲ့ပုံစံကထင်းနေတာကြောင့် လမ်းသွားလမ်းလာများက ကွက်တိ။ ထို့အပြင်ရပ်ကွက်ထဲကကိုလူချော ရထာနဲ့ တွဲလျှောက်လာတာကြောင့် နှစ်ယောက်သားက မိန်းမပျိုလေးတွေအမြင်မှာ နှစ်သက်ချင်စရာကောင်းနေတော့သည်။
'' ရှေ့နှစ်အိမ်ကျော်က အန်တီအေးအိမ်ပဲ ''
မိဘအိမ်ရောက်တော့မယ်ဆိုတဲ့အသိနဲ့ ခန့်မင်းသက်တည်ရဲ့ ခြေလှမ်းတွေကပိုသွက်လာသည်။မန္တလေးမှာ အလုပ်စလုပ်ကထဲက အမေနဲ့မတွေ့ရတော့တာ ။ ပိတ်ရက်တွေရောက်ရင် ပြန်လာချင်ပေမယ့် အမေက အကြာကြီးမဟုတ်ရင် မပြန်လာစေချင်သေး ။
တကယ်က အမေ့ရဲ့စိတ်ထဲမှာ ခနခနပြန်သွားရမဲ့သားဖြစ်သူကို နှုတ်ဆက်ဖို့အင်အားမရှိတာဟုပင် ခန့်မင်းသက်တည် တွေးမိပါသည်။ မန္တလေးလိုက်နေဖို့ ခနခနခေါ်ပေမယ့် အဖေခေါင်းချရာ ရန်ကုန်မြို့မှာပဲ ပျော်သည်ဆိုသောကြောင့် လက်လျှော့ခဲ့ရတာအကြိမ်ကြိမ်။ အဖေ့ဘက်က အမွေရတဲ့မှော်ဘီဘက်ကခြံတွေကိုလည်း အမေက မျက်နှာလွှဲခဲပစ်မလုပ်နိုင်တာလည်းပါမည်။
သိပ်မကြာ... အိမ်ရှေ့မှာ ဟိုလျှောက်ဒီလျှောက်နဲ့ လည်တဆန့်ဆန့်မျှော်နေပုံရတဲ့ မိခင်ဖြစ်သူကိုတွေ့လိုက်ရတာကြောင့် ခန့်မင်းသက်တည် လက်ထဲကအထုတ်တွေကိုပစ်ချကာ ချက်ချင်းပြေးသွားလိုက်၏ ။
'' အမေ! ''
'' သား! ''
ဒေါ်အေးမြင့်တစ်ယောက် ရင်ခွင်ထဲပြေးဝင်လာတဲ့ သားဖြစ်သူကို လက်နှစ်ဖက်နဲ့ထွေးပွေ့လိုက်သည်။ ဒီသားလေးကို ဘယ်လောက်တောင် သတိရပြီး အောက်မေ့နေခဲ့ရသလဲ ။ လူကောင်ထွားထွားနဲ့ အများကြီးကြည့်ကောင်းလာတဲ့ သားက ၂၅နှစ်ရှိပြီ ဖြစ်တဲ့ အမျိုးသားတစ်ယောက်ပေမယ့် အခုတော့ သူမရင်ခွင်ထဲမှာ ကလေးလေးတစ်ယောက်သဖွယ် တိုးဝင်လို့ ။
