ليلا

مقدمه

مساكم لذيذ ياحلوين

انا ليلا ٢٦سنه خريجة طب بشتغل فى مستشفى الدمنهورى اللى هي من أهم واكبر المستشفيات فى البلد ودا بيعود لأعمال الخير اللي بتعملها ودا غير أن أصحاب المستشفى هم حنان وحاتم الدمنهورى اللى هم ماما وخالو، ودا غير شركه الدمنهورى كولكشن اكبر شركات الديكور....

وبما انكم عرفتو انى دكتوره ونزيد عليه انو وللأسف متميزة شاطرة فى شغلى..

متستغربوش ايوة للأسف بس هتعرفو ليه بعدين...

عندى اخويا تامر عندو ٢٤سنه خريج تجاره بيشتغل محاسب فى الشركه خاطب نورهان صاحبتى وجارتنا من زماان إذا كلنا عارفين اصلا انو بيحبها من صغرنا بس مش هنروح نقول🙂...بس فرفوش مبيحبش النكد زيو زي نورهان..

وعندى تماره ٢٠سنه فى تالته هندسه، فرفوشه، وبتحب الروايات والخيال اوى..

فى بقا ولاد خالو حاتم اولهم أدهم ٢٨سنه خريج ديكور وبيشتغل مدير فى الشركه، فرفوش بس عصبي حبتين..

وائل ٢٧سنه خريج طب وزميلى فى المستشفى دا بقا مقولكوش ارخم واحد في العيله بس my best friend اعمل ايه😂..

منه ٢٠سنه هبله بس بنحبها فى تالته هندسة مع البت تماره وبتحب الروايات بردو..

ماما حنان ٥٤سنه خريجه تجاره عشان كدا هى المسئول عن الشركه..

خالو حاتم ٥٨سنه خريج صيدله عشان كدا هو المسئول عن المستشفى..

طنط حسنيه مرات خالو حاتم دى بقى انا بحبها اوى.. لو هشحت كدا محبش قدها... بعد ماما طبعاً😂.... بتحبنا زى ولادها بالظبط لدرجه ان هم بيحسوا انها بتحبنا اكتر شويه😂

وبصراحه كدا انا كمان بحب الروايات جدا مش عايزة اقولكم ان انا اصلا اللى حببتهم فيها.. وهو مين مبيحبهاش.. مين محبش يقرأ ويدخل فى مود وعالم لوحدو.. بتاعه هو يقدر يعمل فيه اللى هو عاوزوا...

ولا انتو ايه رأيكو؟....