حنان بصوت عالى:تماااره... ليلاااا
ليلا بفزع:ايه البيت بيولع ولا ايه..
تماره وهي بتقوم من على الارض بعد ما وقعت:حسبى الله..فى ايه ياماما ايه قطع الخلف اللى الصبح دا.
ليلا بنوم:حرام والله حرام اللى انا فيه دا هو عمرى ماهقوم من النوم بهدوء ابدا... انتى بتعاملينا معامله العبيد كدا ليه ياحجة.
حنان بضحك:طب يلا ياختى منك ليها صلوا عشان تفطرو عقبال ماصحي المحروس.
ليلا بشر:لااا... سيبيهولى انا
حنان بشك:طيب بس متقطعيش خلف الواد اللى حيلتى.
ليلا بغيظ:إنما احنا عادى ماشى ياست كل من عيونى.
ليلا راحت لتامر الأوضة ودخلت وهى بتتسحب و وقفت جنت تامر وقالت بهمس:من هو ربك.....ما هو دينك... ولسه هتكمل لقيت تامر نط من عالسرير و وشو اصفر و اول ماشافها قعد يلطم:اه يبنت ال.. الاهى تتسخطى كلبه هبله يا ليل.. تعالى وربنا ماعتقك.
ليلا بتمثيل :الحقينى ياماما ابنك هيموتنى.
حنان:احسن تستاهلي انا..قولتلك براحه بس انتى اللى جزمه.
ليلا بتشنج:جرا ايه ياما هو انا مش بنتك ولا انتى خطفانى ولا ايه... شكلك خطفانى انا كنت حاسه...خطفتينى من امى ياوليه..
حنان:يلا يابنت الهبله افطرى عشان تروحى شغلك انتى والمحروس
تامر:ماما حبيبتى هو أسمى مش عاجبك ولا ايه بالظبط.. نفسى مرة تقولى أسمى.
حنان :بس يلا.. يلا ياتماره خلصى عشان متتأخريش على محاضراتك.
تماره :اصتبحنا.. ليه السيرة دى عالصبح
حنان:يلا يابت بلاش دلع انتى بقالك اسبوعين مش بتروحى اصلا
تماره بضيق:حاضر ياماما حاضر
ليلا:اخص بقالك اسبوعين مش بتروحى الجامعة ليه ياكلب البحر؟
تماره بلامبالاه:استعباط بعيد عنك.فجأة تلفون تامر
تامر:الو ياحبيبتى.
.......
تامر:اه لسه فى البيت
.......
تامر بفزع:حـحـ حاضر جـ جاى اهو.
قفل..
ليلا وهى بتكتم الضحكة: يلا ياخويا عشان تروح تشوف المصيبه اللي عملتها... وانتي يازفته يلا عشان نروح نعدى على خالو و اوديكي الجامعه بالمره.. سلام ياماما.
حنان: سلام يحبيبتى خلى بالكم من نفسكم._._._._._._._._._._
عند حاتم.....
الجرس بيرن....
حسنيه: حاضر حاضر ياللى بترن حرقت الجرس كتك ضربه.
فتحت ولقيت ليلا بتشهق بخضة: بتدعى علينا ياسوسو... طب والله لقول لخالو..
حسنيه بتكتم ضحكتها: وحشتينى يابت ياليل... وكمان تمر هنا لا كدا كتير عليا😂
تماره بضحك: اه كلى بعقلى حلاوة عشان معلقش
حسنيه: طب يلا ادخلو عقبال ما اصحى العيال...
ليلا: عملتى فطار ولا لسه.
حسنيه: ايوة يابنتى جوا وحظكو حلو خالكو لسه ممشاش..
ليلا بضحك: طالما كدا خدى راحتك ياسوسو
حسنيه راحت تصحيهم وليلا وتماره راحو لخالهم..
ليلا: ابو الحواتم واحشنى ياراجل..
تماره: كل دى غيبه ياجدع لا والله زعلانه منك..
حاتم بضحك: اه دا على اساس ان اللى كان معاكو امبارح دا عفريتي مش كدا
ليلا بتذكر: اه صحيح... خلاص سماح المرادى ياعم
حاتم بضحك: ياعم... طب اجبرى بخاطرى وقوليلى ياخالو مرة..انا كملت ٥٨ سنه ولسه بتعاملينى وكأنى زميلك فالمستشفي..
ليلا بشهقة مزيفه: انت بتتكلم جد.. ٥٨ ايه يراجل دانت اصغر مني ياعسل انت..
ولسه بتلف لتماره عشان تأكد على كلامها.. كانت تماره تقريباً خلصت الفطار كلو وليلا وحاتم بيضحكو عليها...
![](https://img.wattpad.com/cover/335207179-288-k78408.jpg)