ليلا السيوفى:٢٦سنه، خريجه طب، بتشتغل فى مستشفى من أكبر المستشفيات، متميزة شاطرة جدا فى شغلها بس للأسف دا وقعها فى حوارات كبيرة، فرفوشة، هاديه، بس عصبيه حبتين تلاته لأنها مبتفرقش بين كبير وصغير وقت عصبيتها...متوسطة الطول، شعرها اسود طويل لبعد ضهرها بس دايما بتلموا، بشرتها قمحيه جميله، عينها خضرة مايله للعسلى، جسم رشيق زى عارضات الازياء..
_._._._._._._._._
ادهم الدمنهورى:ابن خال ليلا ٢٨سنه، خريج هندسه ديكور بيشتغل فى شركه من أكبر شركات الديكور، شاطر جدا فى شغلو،عصبي شويتين بردو، هادى وحنين جدا على اللى بيحبهم..شعرو اسود داكن، عيونو عسلى تسحر، طويل، جسمو رياضى،بشرتو مابين السمار والبياض، وتقريبا كدا كل البنات بتحبوا...
_._._._._._._._._
تامر السيوفى:اخو ليلا ٢٤سنه خريج تجاره بيشتغل فى الشركه مع ادهم، فرفوش أوڤر، مبيعرفش يتكلم جد الا وقت الجد بس دا احيانا بردو😂.. خاطب نورهان صاحبة ليلا جارتهم، مش هادى خالص ولو بقا هادى اعرفو ان فى مصيبه سودة.. طويل، جسمو رياضى، شعرو بني فاتح سيكا، عينيه بني مايل للعسلى، بشرتو قمحيه سمرة..
_._._._._._._._._
نورهان الشيمى: صاحبة ليلا ٢٣سنه،خريجة تجاره بتشتغل سكرتيرة فى الشركه مع تامر، هاديه ورقيقة، بس اما بتقلب قول على نفسك يارحمان يارحيم ياتامر... اصل محدش بيطلع الجانب الوحشى دا منها الا تامر😂..متوسطة الطول، شعرها اسود طويل بس مش اوى، عنيه بنيه بس فيها لمعه ميمزة، بشره قمحيه فاتحه سيكا، جسم رشيق وممشوق بس كيرفى..
_._._._._._._._._
تماره السيوفى:اخت ليلا ٢٠سنه فى هندسه، فرفوشة، مش هاديه خالص، بتحب الروايات جدا، نقطة ضعف ليلا وتامر الوحيده لأنها اختهم الصغيرة بس يعتمد عليها، قصيرة، شعرها بني فاتح سيكا وقصير، بس لسانها طويل، بشرتها سمرة شويه بس مش اوى، عينها خضره، جسم رشيق، ونقول تانى لسانها متبرى منها عشان هى تربيه ليلا اصلا😂..
_._._._._._._._._
وائل الدمنهورى:ابن خال ليلا واقرب واحد ليها ٢٦سنه خريج طب، مابين الجد والهزار بص ملهوش مسكه ممكن يكون بيتكلم جد وموضوع مهم فجأة ودون اى تحذير يقلب الموضوع هزار ودى ميزة مهمه اوى عشان تنفعنا بعدين بس محتفظ بهيبته قدام الناس طبعا... طويل، جسم رياضى، شعر بنى مايل للأشقر، عنيه بنيه...
_._._._._._._._._
منه الدمنهورى:بنت خال ليلا واقرب واحدة لتماره ٢٠سنه فى هندسه، تقدرو تقولو نسخة تانيه من تماره شبه بعض فى كل حاجه الا الطول منه بنسبه لتماره عمود نور بس هل دا معناه ان تماره قصيره واؤزعة؟ تؤتؤ منه هى اللى طويله😂.. المهم منه متوسطة الطول عادى، شعرها طويل بس مش اوى، عنيها بنى غامق، جسم وممشوق ورشيق بس بفعل الاكل من عند بتاع الكبدة اللى قدام الجامعة هنقول عليها كرڤى بس جميله...
_._._._._._._._._
حنان الدمنهورى:ام ليلا ٥٤سنه خريجه تجاره وهى المسئوله عن الشركه، عيونها بنى فاتح، قصيرة شويه، جسم مظبوط يعنى ولا رشيق او ولا مليان اوى بين البينين، بشره قمحية، هاديه، طيبه، بتحب ولادها و ولاد اخوها جدا واللى يجي عليهم تاكلوا...
_._._._._._._._._
حاتم الدمنهورى:خال ليلا ٥٦سنه،خريج طب وهو المسئول عن المستشفى، عينو خضرا مايل للعسلى، طيب، و هادي، ميبنش عليه سنو، جسمو رياضى بالنسبة لسنو، بيحب ولاد اختو زى ولادو واكتر حيث أن هو اللى مربيهم...
_._._._._._._._._
حسنيه الدمنهورى:مرات خال ليلا وبنت عم حنان وحاتم ٥٣سنه،طيبه جدا إلى حد كبير، بتحب ليلا جداا وبتعتبرها زى منه بالظبط هى وتماره، بس نقدر نقول ان تامر ليه مكانه خاصة لانو شبهها فى كل حاجة حتى مصايبو😂،،نفس طول حنان، عينها بنى فاتح، جسم مظبوط ميبنش عليها سنها..
(الفرفشة) الصفه المشتركه فيهم كلهم
_._._._._._._._
ويلا سلامو عليكو.. اشفكو فى Part One.. سلاام
