شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
رأفت _مافهمت كلامها ولا شنو تعني بي بس من جانت تحجي اتحس اكو انتصار بكلامها وهزيمه بقينه شويه ورجعنه بقينه هيج ومرت الايام بيوم نزلت صارت عندي شغله ورحت ليها رجعت جان سمعت ثنين يحجون يم السكرتيره بره
..._ولك شوف اجت لغضب
..._اكلك والله لعبت روحي شنو هاي تريد نمشي على كيفها
..._اششش اسكت رحمه لربك لاتسمعك لاتشوفها ساكته تره وربك هاي لشيطان بحد ذاته اقسم بالله بس تنتبه عليك توديك للمشنقه
..._اكلك هيه حته طريقتهه مو مثلنه مبين عليها لعز
..._اي سمعنه بيها اجت من لخارج بس اي معلومه عن حياتها محد يعرف
شويه واشوف نيران تقدمت عليهم وهيه عاكده حاجبها كالت بنتر
نيران _شسوون هنا يلا علا شغلكممم
اباوعلهم انخلسو منها وشردو اجيت يمها كتلها
رأفت _شونج
نيران _هلا وين جنت
رأفت _عندي شغل وطلعت اكلج شنو ذوله شبيهم اشو بس يحجون
نيران _اي اعرف ذوله تصرفهم يمي روح رتاح
بقينه هيج مرت الايام لحد ماخلص لشهر نيران رجعتت فرحانه كلشش بيوم كلش تحسهه طايره من لفرح بحيث كضت كل لوقت وياي وبس تضحك فرحانهه بشكل تحس كل لهموم نزاحت من صدرها
كالت كملت شغلي رجعنه للبصره وهناك هم استقبلونه احسن استقبال وهيه جانت تختلف جيتهه هلمره عن جيتهه بلبدايه كلشش فرحانه بس حافضت على شغلت اللمس ماتخلي احد يقرب منها
ماعرف بس احس تعلقت بيها بشكل احسهه جزء مني بلمقابل هيه جانت هيج ويايه حته ابوهه اشتغرب من صداقتنه بس مع هاذا ومع انو صداقتنه صارت قويه بحياتها ماحجت شي عن ماضيهه الي او كدامي
بيوم كاعدين علسفره كلنه حته نيران موجوده واجه اتصال لجدي جاوب
جدي_الووو..... حيلا بالشيخ..... اي اهلا وسهلا...... ههههه لا شلون...... هاا وأخيراً مقتنع...... خوش خوش....... لا شيخ شلون اكيد اول لحاضرين...... اي خوش..... لا والله لولد عدتم شغل........ مدريي بعد احاجيهم وشوف....... هههه عمي تئمر أمر تدلل....... ههههه يلا الله وياك
علي الدر_خير بويه شكو هاذا لشيخ محمد؟
جدي_اي هوه
علي الدر_خيره بسكون ماعنده شي
أنت تقرأ
تجبر الــ نيران
Mystery / Thrillerهيه التي خلقت من الرماد..! لاتعرف الرحمه ترتوي من الدماء بدلأ من الماء حياتها عباره عن دوامه من السواد والانتقام والآلــــــوان الحمراء! ادمنت الانتقــام وعملـت بــه حتى حدث مالم يكن بالحسبـــــان..! ملاحضة: الروايـة واقعيةة بـ شخصيات خياليةة. لا...
