شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
ستوني راجعه من لشغل وكاعده تعبانه هاي عود اول يوم كعدت بتعب بس طفرت على رأفت نزل من الدرج يركض وطلع بره بدون كلام
شكله مخبوص بشي بس مادري شنو حسيت كلبي نغزني حطيت ايدي على گلبي بخوف بس لاصاير شي
بلعت ريكي ورحت لجدي بسرعه جان كاعد بلديوان مايمه احد دخلت اركض شافني بهلحال استغرب
_شكو بويه
_جدي رأفت طلع مخبوص خايفه صار شي اتصل بي وشوفه
صفن شويه وهز راسه رفع لتلفون يخابره دك علي اكثر من 3مرات مارد
اتاكدت صاير شي جبير والا رأفت مايتجاهل اتصالات جدي ابد
خوفي زاد اكثر وجدي هم من مارد علي احسه هم خاف وانشغل باله بهل اثناء دخل بابا من شاف حالتنه استغرب
_شكو بويه شصاير
اردف جدي
_ماكو شي بس اخابر برأفت ومايجاوب
_يجوز مو يمه تلفونه
_لا هسه طلع من لبيت مستعجل
_زين خابر احمد وشوفه همه مو هلفتره مايتفارگون
هز راسه جدي
_اي انته دك علي ماعندي رقمه المگموع كل ساعه مبدل خط شكل
طلع تلفونه بابا واتصل هم مايجاوب بلمره لثانيه قبل لاينگطع الاتصال جاوب احمد
اني وجدي كاعدين نباوعله وتوه يسولف وياه ثواني وبابا نگلب شكله كله بقيت حاطه ايدي على كلبي اردف جدي
_شكالك ولك
اردف بصوت يرجف
_ببويه نـ نيران نيران
_شبيها؟
_بويه بتي بلمستشفى مسويه حادث
بحلقت عيوني بصدمه وهوه كوه كام يريد للسياره يروح كام وياه جدي
_اوكف نجي وياك
مارد وطلع لحگه جدي ماخلاه يروح وحده ردت اروح بس مارضه راح بطلعته لاكاه سجاد چلب بي
_تعال ولك امشي سوق همزين اجيت
_شكو
_نيران مسويه حادث وعمك تخبل بس يسوق نندعم امشي ولك
سحب سجاد وطلعو صدك ماخله ابوي يسوق
رجعت للبيت وجهي ينطي الوان من الخوف
خايفه عليها ماردت احجي شي للموجودين بس طلعت هلبومه هيا سامعه اتصال احمد بـ رأفت ونازله كايله لحبوبتي وامي
YOU ARE READING
تجبر الــ نيران
Mystery / Thrillerهيه التي خلقت من الرماد..! لاتعرف الرحمه ترتوي من الدماء بدلأ من الماء حياتها عباره عن دوامه من السواد والانتقام والآلــــــوان الحمراء! ادمنت الانتقــام وعملـت بــه حتى حدث مالم يكن بالحسبـــــان..! ملاحضة: الروايـة واقعيةة بـ شخصيات خياليةة. لا...
