شونكم كرزاتي 🍒
صوتوا قبل لا تبدون بلبارت حبايبي
وعلقوا بين لفقرات حابه شوف رايكم بلروايه
الكـــــــاتبه: ايــــــــــفا الصــــــــــابر
•••••••••••••••••••••••••••••••••••••••
اني اسوق بس بصعوبه ونيران طلعت نفسها من الجامع الهم شويه وما حسيت غير صوت الطلقه
صرخت بخوف عليها
رافت _نيرانننن
نيران_ لا تخاف ماكو شي بس عدل كعدتك
وخرت وهي رجعت تسوق سالتها
رافت_ من ذولا نيران اكو شيء
نيران _لا تخاف ذولا مجرد كلاب بسبب الشغل
رافت_ يعني شغله لهالدرجه خطر؟
نيران _اي خطر
رافت_ جا ليش ما تعوفينه وانتي عندج خير من الله دارت
وجهها الي ورفعت حاجبها
نيران_ شنو تفضلت حضرتك؟
رافت_ اي نيران بلا استهزاء انت مو عندك فندق يعني عندك دخل مالي غير الوظيفه واهلج وياك بعد ليش تعرضين نفسك للخطر هجي؟
نيران_ بس مو كل شي يدوم رافت ولا بدي يجي يوم وكل شيء يروح
رافت_ ما اعرف بشنو تفكرين ولا فاهمج انت بس فكري بكلامي وديري بالج على روحج صح ذولا شنو صار بيهم؟
نيران_ بس فششت التايرات ما بيهم شيء
رافت_ نيران انت صدگ محاميه؟
دارت وجهها الي وكالت
نيران_ لعد شنو؟
رافت_ يعني المسدس وهاي الجراه حتى ما حد يتوقعها ولا يصدگها واني لو احد يحجي جدامي هيج والله ما اصدگ بس شفت بعيني اللي صار المحاميين مو هيج معرضين لهالدرجه انت ليش غير؟
نيران_ ماكو شيء هو شغلي هيج ولا تسولف لاحد بالصار ياكلهم التفكير عوف الموضوع
رافت_ خوش بس اذا اتكرر هالشي ماسكت ترى نيران حياتج بخطر اذا انت ما خايفه على نفسج خافي على الناس اللي تحبج خافي على عمي
نيران_ لا تخاف ما يتكرر هالشي
رجعنا للبيت نيران جان مبينه عليها التعب
نيران _اني اصعد كلش تعبانه
رافت_ براحتج
نيران _تصبح على خير
رافت_ وانت بخير
عافتني وراحت لفوگ اجيت اني عندي تقارير مالت مرضى اريد ادرس حالاتهم اجيت اروح وانتبهت على ورقه بالگاع شلتها اباوع بيها شكلها جان وصل حكومي تسديد حسابات الماي استغربت هاي لمن احنا وصولاتنا الماي والكهرباء بيد عمامي ما نتدخل بهاي الشغله معقوله واكعه منهم؟
YOU ARE READING
تجبر الــ نيران
Mystery / Thrillerهيه التي خلقت من الرماد..! لاتعرف الرحمه ترتوي من الدماء بدلأ من الماء حياتها عباره عن دوامه من السواد والانتقام والآلــــــوان الحمراء! ادمنت الانتقــام وعملـت بــه حتى حدث مالم يكن بالحسبـــــان..! ملاحضة: الروايـة واقعيةة بـ شخصيات خياليةة. لا...
