BRIDE SERIES #1: His Unwanted Bride | ON-GOING |

24

"Hayop Eli, hindi pwede to eh!" halata ang inis sa boses ng kakambal ko.

Kahit ako ay galit. Ako ikakasal? Sa ibang lalaki pa, siraulo ba sila?

"Eli ano nang gagawin natin ngayon?" naintindihan ko kung bakit nag-aalala siya.

"Hindi ko alam Xy, kahit ako hindi ko alam."

"I just go to my room, tatawagan ko si Andrie." saad nito bago lumabas sa aking silid. Nasa baba lamang ang mga magulang namin kaya ang hirap gumawa ng hakbang. Ayokong may mapahamak.

Nagdecide akong tawagan na lang din si Ace upang makausap ito. I know Ace would help me in this situation.

Nakailang ring na ngunit hindi niya pa rin sinasagot ang tawag ko. Busy ba siya?

I already texted him and I am still waiting for his reply for almost one and a half hour but still wala pa rin.

Asan ka ba?

Hindi rin naman ako pwedeng basta basta umalis na lang lalo pa at nandito ang mga magulang ko.

But still pwede namang subukan diba?

Bumaba ako sa sala at naabutan kong may ginagawa sila Mom and Dad sa harap ng laptop nila. Maybe business stuff.

"Mom, Dad? Labas po muna ako may kailangan akong gawin." paalam ko sa kanila ngunit sinalubong lang ako ng nakataas na kilay ng aking ina.

"Kakalabas lang din ng kakambal mo Eliza, anong pinaplano niyong dalawa?" nahihimigan ko ang pagdududa sa boses nito.

"Wala po My, hindi ko po alam kung saan si Xyrielle pumunta. Baka may inaasikaso sa office niya." kunwaring walang alam na ani ko, alam kong nasa condo na ito ni Andrie ngayon.

Walang dapat gawin na trabaho ang isang iyon kaya siguradong sa boyfriend niya iyon pupunta at maglalabas ng sama ng loob.

"Eliza. Hindi n'yo magustuhan kapag ako ang nagalit." naantig ako sa sinabing iyon ni Daddy. Tumango lang ako bilang pagpapakita nang pagsang-ayon.

"Go, just always remember what I am saying Eliza. Always remember."

Hindi ko alam kung paano ako nakarating dito sa labas ng condo unit ni Ace ng walang nangyayari. Masyado akong lutang at hindi ko alam kong paano kakayanin ang mga nangyayari sa ngayon.

Nag door bell ako ng ilang beses ngunit walang lumalabas. Wala ba siya dito?

Nakailang ulit ko na rin siyang kinontact ngunit sa mga oras na to ay out of coverage na ang cellphone niya.

Nasan ka Ace? Kailangan kita ngayon.

Nagdecide akong pumasok na lang dahil may duplicate key naman ako. Binigay niya ito noon para kapag gusto ko raw magpahinga ay pwede akong pumunta rito at mag-stay.

Pagpasok ko ay nakumpirma ko ang aking hinala. Wala nga siya rito.

Nasan kaya iyon? Wala siyang sinabi tungkol sa pupuntahan niya.

Nagsimula na akong kabahan, kung ano anong thoughts ang pumapasok sa isipan ko.

I've decided to call my twin, after three rings she pick up the call.

"Hello Eli, bakit?" bungad nito sa kabilang linya.

"Nasan ka Xy?"

"Andrie's condo. Why? Nasa labas ka rin ba?"

"Yup. Nandito kay Ace pero wala siya rito sa unit niya."

"Actually Eli wala rin si Andrie rito. Kanina pa ako naghihintay dito kase hindi niya sinasagot ang tawag at text ko."