فحيـح الافعى

part 11

قصـة : فحيـح الافعى
بقلمي : نـون النعيمي ✨

لتنسون التصويت والتعليق بين الفقرات حبايبي ❤️!

      .................................

يغلق الرضا أكبر أبواب الحُزن ، فلا يُضرّ صاحبه بترف الدنيا ولا نعيمها الزائل…..

    .................................

كعدت بالكاع خليت التليفون بصفي
خليت راسي بالكاع غمضت عين وفتحت عين .. مشفت شي بس الكاع كلشي ماكو

بس اكو ضوه .. مركزه داباع...
شي كلش سريع فات من جوه الباب ..

شهكت ورجعت ليوره .. خليت أيدي ع حلكي .. ماريد احد يسمعني .. صوت همس وحجي كلش صار عالي

همس ما مفهوم
رجعت خليت راسي بالكاع فتحت عين وسديت عين

فتحت عيوني ع اوسعـه
خليت أيدي ع حلكي .. جسمي كام يرجف

اكو شخص واكف .. بس مواكف عدل... رجله مو بالكاع
رجله بالهوى ...

رجعت ليوره واني احاول استوعب شكاعد اشوف .. شنو هذا الشي اللي داشوفه ..

كمت ع حيلي رجعت للغرفـة ركض .. شغلت الضوه وسديت الباب .. طبيت بفراشي .. كعورت نفسي وحضنت رجلي

ضليت اتعوذ من الشيطان .. ماريد اصدك اللي شفته .. لان مو شي طبيعي .. مو شي يكدر بشر يشوفه ماعرف شنو هوه .. معقولـه اللي كالته ام وسن صحيح

فعلاً يردوني .. يردون روحي !
وراح نظري ع الضوه البسكف .. كام يرمش .. يطفه وشتغل

ثواني وانطفه الكلوب .. الغرفـة صارت هندس مابيه ضوه
حسيت نفسي كلش ضاق .. والسكر هبط داحس عليـه

الدنيـا تفتر بيـه .. مداكدر اشوف شي .. تخنكني الظلمـه هواي .. باوعت ع الباب .. اكو شي فات من جواها

اكو خيال فات .. ركزت نضري ع جوه الباب اكثر .. رجع فات هل خيال .. شهكت بصوت مسموع

خليت أيدي ع حلكي .. رجع الخيال بس هل مره وكف جوه الباب ما راح

صوت انفاسي كلش واضحه أي شخص يكدر يسمعـه .. ضغطت ع حلكي اقوه حته ما اطلع حس

مشيت أيدي ع الچربايـه دادور التليفون مادري ويـن خليتـه .. حته ما اذكر طفيت الضوه مالتـه اني

لفت انتباهي صوت اليده مال باب شلون عبالك واحد يحاول يفتح الباب

جمدت بمكاني ماكدر اتحرك .. اليده مال باب تصعد وتنزل اكو احد يحاول يفتحه بس ميكدر .. شويـه وراح الصوت يمكن تعب من المحاوله

جيت هستوني اخذ نفس حته ارتاح .. ماحس الـه الباب اندفعت حيل بكل قوة واليده تصعد وتنزل ع السريع

لزكت ظهري بظهر الچربايـه سحبت البطانية اللي... الخوف اكل كلبي اكل .. وين انطي وجهي

ثوانـي ورجع عم الهدوء ارجاء الغرفـة ولا عبالك شي صار
هل هدوء كلش يخوفني