قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.................................
ومن حَبيته
ما حَبني
ورَغم ذاك التعب وَياه
تَعبني
هَدم محروگ
اضَحي بَروحـي
ويذبني..
.................................
وكعدت بالكاع اريد اتحرك ماكدر من الوجع
حسيت اكو شي كاعد يجي
بس مديمشي كاعد يجي زحف يمي .. ضوه الغرفـة كام يرمش حيل .. غمضت عيوني وضليت اقره قران واتعوذ
حسيت هذا الشي صار فوك راسي .. اذا فتحت عيوني راح نصير عين بعين .. اكو شي مثل الشعر صار ع وجهي
صارت انفاسه يم أذني حاره كلش
خلـه اصبعه ع وجهي .. يمشي بأظفره ع كل شبر من وجهي
حجه بصوت عميق صوت مره يقشعر منه الجلد
_ فتحي عيونج ...
ضغطت ع عيوني بقوه حته ما افتحهن
حسيت اذا فتحتهن راح اموت يمكن
تقريباً ختمت القران كلـه بهل لحظه ماكو سورة لو دعاء حافظته ما كلته
حسيت الانفاس انسحبت من أذني
الشعر اللي جان فوك وجهي راح .. رغم هاي اخاف افتح عيوني
كمت ع حيلي واني مغمضـه .. الزم بالاغراض حته اوصل للچربايـه ..
ضربت اصبعي الصغير يمكن بالكنتور .. شاغت روحي .. كمت امشي اعرج المصيبه
لزمت افراشي كعدت ع الچربايه وخليت راسي بالمخده فتحت عيوني وشويه شويه اطلعه وباع
باوعت ع الغرفـة كلشي مابيه الضوه معلوك وماكو شي اصلا عبالك شكو شي يصير خيال
كمزت ع المرايه اشوف ضهري كلشي مابي
بس لاحضت مكان صاير ازرك مثل الكدمه
مشيت اصبعي عليـه أيأذيني احس بوجع من اطخه
رجعت التشيرت مالتي ورجعت ع فراشي
احس لازم اروح الشيخ لو شخص يفهمني .. احس لازم اروح الكربلاء لو للنجف اكيد راح يساعدوني اهناك
بس شلون اروح وحدي والله مادري
اجه أشهب ع عبالي .. صار كومه ماعرف عنه شي
ماعرف وين صفه بيه الدهر بس عادي هاي طبيعت شغلنه .. بس هوه جان ويايه من رحنه الـ ام وسن
اذا طلبت من عنده يساعدني هل يا ترى راح يساعدني لو يرفضني ؟ ماعرف والله
اني حته رقمه ماعندي قابل اروحله للمركز
حته استحي اروح لان حفظوني الشرطه
بس ماعندي غير حل أشهب الوحيد اللي يكدر يساعدني لان هوه نقيب اكيد يعرف عالم هواي
وهوه جان ويايه وشهد ع الموقف مال ام وسن
يعرف اللي ديصير بيه .. حتلو ممصدكني بس يساعدني حتلو يعتبره شي انساني
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
