قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
_ حسيت بنفسي كلش مضايق
فتحت عيوني ع كيفي واني احاول استوعب الظلام اللي اني بي
بس مداكدر اشوف اني وين
اكو شي ع عيني صاير ديمنعني .. واكو شي ع حلكي هم
احاول احرك بجسمي بس ماكو
حسيت ع أيدي ورجلي مشدودات
اخر شي اذكره من داريد ادخل للمحكمة ومدخلت
هذا اخر شي اجه ع ذاكرتي
كمت احس بنغزات بكلبي كلش توجع بالعادة متصير عندي واني اعرف بهاي النغزات تجيني من وره مهدئ لو بنج وبنفس الوقت لان مشاربه دوايه
حاولت احرك بروحي بس ماكو فائدة لان كلش مشدوده قوي
سمعت صوت خطوات ثكيله جايه تجاهي
بس مو خطوات تخص شخص واحد مكدرت اميز كم شخص موجود
حسيت وحده من الخطوات وكفت كبالي
:- واخيراً منوره ست ريتال
_ حاولت اميز الصوت بس مكدرت رغم كلش احس بروحي اعرفه ومار عليـة قبل
:- عوفه بعده مصدومه
_ الصوت الثاني يختلف عن الاول بس هم سامعته بس مداكدر اميز بين الاصوات يمكن لان خايفه وداحس بتوتر
:- هو مبين بعده ممستوعبه
_ ماكو بس صوتين بس شخصين موجودين سامعه اصواتهم بس مداعرفهم منو احس التوتر متغلب عليه كلش ماعرف شكد صارلي اهنا ولا اعرف شلون اجيت
وكل بالي يم القضيه والطفل حسين
داحس بخيبة امل كلش قويه لان راح اخذله الحسين
ميهمني شنو يصير بيه
بس هل قضيه جنت كلش شاده حيلي عليه
_ اثناء تفكيري الزايد حسيت أيد صارت ع زري
كمت ارفس بمكاني من الخوف
اسمع واحد يضحك والثاني ساكت بس يمشي ايده ع زري داحس بشعور كلش بشع شريط حياتي بده يصير كدامي من الخوف والتوتر الاني بي
:- عوفه يمعود ليغمى عليـة
:- دباعه شلون زرور عليـة اخخ الله لو بس الزمه بعد شويه ماطلعه سالمه
:- عوفه هسه بعدين توكعلك الحصه الاكبر
:- اخخ هو داصبر ع مود الحصه
_ اسمع حديثهم البشع عني شايفيني جسد
ايريدون يفترسو بس مديعرفون اشلون
:- لازم هذاك العار هسه يعرف
:- اريد اشوف شلون حيصرف
:- مراح ارحمه والله راح اشوف القهر والمذله بعيونه
YOU ARE READING
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
