العمدة "مجنون ليلى"💙مكتملة💙

💙الجزء 45💙

👑العمـــــــدة👑
♡..مجنــــون ليلــى..
ف.الثانــــــي💫صـــــــراع العشـــــــاق💫
#45

جا نهار جديد..
كلهم مجموعين فوق الطبلة ..
تبسمات الياقوت باستهزاء كتشوف فلكرسي ديالها خاوي ..حتى كتشوفها جاية طلعاتها ونزلاتها وفداك لبيجامة لي لابسة
يلاه اتجلس وهي تنطق:بنتي ليلى واقلة نسيتي الهضرة دلبارح وفوقاش خاص نكونو فوق الطبلة..والبيجامة ديال بيت النعاس ماشي كنزلو نفطرو بيها..بدليها ونزلي تفطري براحتك..
قبل ليلى تجاوب تسمع صوتو الحاد من نبرة صوتو مفهوم كلشي:جلسي تفطري اليلى..الياقوت مازال ماشرباتش قهوتها
تبسمات وجلسات وشافت فلياقوت وعلات حاجبها..حركة كفيلة تخليها كتغلي ماشي غير هي حتى نور لي زيرات على سيرفييت لي بلا والو العافية شاغلة فيها اتموت من لبارح ..اما هو فا رجع كيشرب من قهوتو بهدوء
ياسين كيغمزها:جات معاك هيلو كيتي فلغوز
ليلى ضحكات بالجهد بلعاني:هههه ربي يخليك اولد خالتي
كلشي شاف فيها فاش ضحكات ..الحاج حط لكاس من يديه وناض:بصححتكم
ومشا
كلشي شاف فيهتاني باقي ما كمل فطورو..الياقوت عضات على سنانها ومسحات يديها وناضت تاهي مخنزرة فليلى:بصحتكم
وتبعات راجلها..
نور واصلة ليها للعضم ..بغات تنوض حتى كيوقفها صوتو:جلسي
شافت فيه وبلعات ريقها.قال كلامو وماشافش تا لجيهتها..
نور رجعات جلسات وشافت فليلى كيف كتاكل مامسوقاش لهدشي لي وقع بسبابها ..وحتى هو ماهموش ماكلفش راسو تا يشوف فيهم فاش كانو غادين..هدشي كامل على قبلهاا....
سلاو لفطور بكر شاف فيها قبل ينوض عاد ناض ومشا عندو مايتقدا..
غير مشا نطقات كنزة:بديتي بمشاكيلك من دابة هاهوما ناضو بلا فطور حرمتيها عليهم
ليلى شافت فيها:كون تبعتيهم تانتي لا بقاو فيك شكا تسناي
حورية:اويلي نعلو شيطان ونتي ماشي سوقك
كنزة:سوقيي جدي وجداتي هادوك
ليلى شافت فحنان:شهدي عليها لا نتفتها ماتقولوش علاش
حنان:كنزة دخلي سوق راسك
نور جمعات لوقفة:هدشي عمرو وقع فهاد الدار تا جيتي نتي وهدشي راه ماشي فصاليحك
ليلى عارفاها مفقوصة وزادت كملات عليها فهاد الصباح:اودي مصلاحتي عارفاها فين كاينة ومعامن..ماعلينا كي صبحتي مزيان؟
نور عرفاتها علاياش كتلمح
ياسين نطق:صبحات غزالة لواحد هو لي ينعس بوحدو مرتاح مايديرونجيه حد
نور عضات على سنانها ملداخل دغية حمارت ..رسمات على وجهها ابتسامة مصبرة راسها بالززز باش ماتشيرش عليها بشي طبصيل للوجه:بصحتكم
ومشات وهي غارسة ضفرانها فلحم يديها شوية وغتنفاجر...
وصلات للمكتب ووقفات كتسنت لباب كانت محلولة شوية ..

لداخل..
الحاج:الياقوت لي مسيرة الدار ومكلفة بيها ومعروفة فالعائلة من زمان كلشي يتجمع فوق الطبلة فالوقت ..وكاحترام لينا حنا لكبار تلبس شي حاجة مقادة وتفيق فالوقت للفطور
الياقوت:انا ماشي ضددها هي بحال بنتي وعروستي ومرات حفيدي بغيتها تكون مرا تليق بيك وتعرف التصرف وتمشي معانا فالخط وفعاداتنا
بكر خلاهم تا سلاو كلامهم وهو يجمع الوقفة:اي حاجة كتخصها هي بالضبط اتلقاوني انا فالواجهة..ونتي الياقوت لا بغيتي تنصحيها وتفهميها كاينين طرق خرين من غير شوهة قدام كلشي..وخاولي ماتهلينيش ندخل لسوق النسا عرفي تسيري امورك بلا مشاكيل
وخرج وخلاهم شي كيشوف فشي...تخبات مور لحيط تا مشا وهي دخل لعندهم
نور:شتيي هدي اتزيد تشوية اتجري علينا كاملين من هاد القصر وتولي هي مولات الكلمة
الحاج:ماساهلاش هاد البنت عارفة راسها شكا دير..حيت بكر موراها
نور:ايوا لابقيتو كتسناو هزنا لما كاملين وانا ماغانستحملش هدشي
الياقوت:غير صبرو كلشي غيسالي وهي ماغاتبقاش خاص غا الوقت...فوقاش ايسافر بكر عند باه؟
الحاج:فهاد ليامات
الياقوت:يمشي ويجي ما ايلقاهاش انخليوه يتنفر منها وعمرو يرجعها لهنا
الحاج:نشوف
الياقوت:نور هي مولات الفكرة لي فراسي ولكن ماشي دابة وقتها خليها تعيش الجو شوية
نور:هاحنا صابرين