العمدة "مجنون ليلى"💙مكتملة💙

💙الجزء 119💙

‎👑العمـــــــدة👑
‎♡..مجنــــون ليلــى..
‎ف.الثانــــــي💫صـــــــراع العشـــــــاق
119

نور بلعات ريقها وهي كتشوف فيها كيفاش تسيفات عليها:ليلى شكا تخربقي بنتيلي بحاليلا كتهددي ولا ماعرت هدشي ماكاينش
ليلى رجعات جلسات حدا ولدها:نتي عارفة مزيان انه كلامي صحيح المهم بلا مانتصادعو راني قلت لك عييت من صداعات
نور جلسات حداها وتنهدات:من هدشي كامل مابغيتش نخسرك نتي ختي وعاجبني الحال حيت عندي ختي
ليلى شافت فيها شحال وتبسمات وجراتها وعنقاتها:تانا عاجبني الحال حيت عندي ختي داكشي علاش مابغيتش توقع شي حاجة لي تخلنيي نخسرك ونندم على بزاف دلحوايج خليك معايا مزيان عفاك
نور:ماغليوقع والو
ليلى بغات تبدل الموضوع:نمشيو للمقر ونديو معانا مروان انلقاو تماك عمران
نور:هاد عمران بانلي بحاليلا كيدق على شي حاجة نقولهالك من دابة سيد ماصافيش
ليلى:خليه يدق ويقول شكون دار معانا الصواب ماشي مشكل ..يتعدى حدودو داك الساع كلام اخور
نور تبسمات:نوض نلبس عليا
ناضت تا ليلى هي ومروان لبسات ليه وباستو ولبسات عليها تاهي..
دقايق كانو واجدين خرجو وركبو فالطموبيل دنور نيشان للمقر الجديد فين كيتسناهم عمران هو ومريم..

فجيهة خرا..
كانت فلافاك كتشرب قهوة علامن تبدا الحصة بالها مزال مرون جرحها بداكشي لي دار ليها تفكرات ادريس بسبابو خصراتو وهو كان غادي معاها بنيتو…صيفطات ليه لبلرح ميساج باش بيمح لعا ويعدرها ويخليها تشرح ليه وماجاوبهاش..ولكن شحال كان قدها تخبي فالتالي كانت اتفارق معاه باينة..يلاه اتدخل للحصة وهو يوصلها ميساج جبدات الطليفون وهي تشهق ملي شافت سميتو:كنزة لا كنتي مسالية اليومة نتلاقاو ونهضرو ..
تبسمات وكتبات ليه:اه اكيد نسالي هاد الحصة ونقولك فوقاش
خشات الطليفون فجيبها ودخلات تقرا …

داز الوقت..
فالمقر الجديد..
كتتمشى وهو فجنبها عجبها داكشي لي دارو فيه كيف بغاتو شافت فعمران:زوين هدشي
عمران:هدا ايكون المكتب ديالك
هزات راسها باه..بقة كيشوف فيه ونطق:كنضن كون دارو حيط من الزاج كيطل على الجردة لتحت حسن من هاد جوج شراجم هكا اتكوني مرتاحة كتر ونتي خدامة الاضاءة وداكشي ماتبقايش مغموقة
ليلى شافت فالشراجم:بصاح عندك الحق
قرب لداك جرج شراجم:اجي
قربات ليه كطل تاهي:وهاد الجردة تزيد تتقاد بالورد لي كيعجبك ولكازون باش يكون منضر زوين تشوفيه
ليلى تبسمات:ااه هدي كاع ماجات لبالي
تبسم فاش تبسمات ماكرهش يقيس دوك لخدود لي تنفخو بابتسامتها
ليلى رجعات اللور:شكرا اخويا بزاف عدبتك معايا اليوم
عمران:بالعكس ماشي مشكل اي حاجة هانا موجود
تبسمات ليه:صافي نمشيو بحالنا دابة ايكون مروان عيا
وسبقاتو وخرجات وهو كيشوف فيها كيفاش كتتمشا خصرها شعرها مور ضهرها كلشي..
وقفات حدا نور وخدات منها الولد:يلاه نمشيو
نور:سيد شوية وياكلك بعينيه عندو الخدمة والروينة وجاي معانا لهنا..ادن فيها ان
ليلى:زيدي نمشيو ديدي
مريم:صافي كلشي هو هداك
ليلى:اه بقاو شي تواشي عمران غادي يهضر معاهم يقادوهم
كان واقف كيهضر معاهم تا سالى ورجع ليهم:مشينا
ليلى:مشينا..
خرجو وهي شادة الولد بين يديها حتى كتشهق فاش حسات بيه رد عليها:ويليي يا مروان اش درتي
تبسمات:ياك الحسك ناريي
عمران مد ليها كلينيكس:هاكي مسحي واري نشدو عليك
مداتولو بالخف وخدات كلينيكس وهي كتمسح
ونور كتشوف فيهم ..
حتى كيقفزو كاملين من الصحافة لي هجمات عليهم:مدام ليلى واش بصاح راكم فعلاقة بجوج….السي عمران  الولد لا تزوجتو مايكونش عندك مشكل يعيش معاكم زعمة ديرو بحال ولدك…مدام ليلى من فوقاش بدات علاقتكم ونتي يلاه طلقتي هادي شهراين..السي عمران وضح لينا كتر علاقتك نت وطليقة بكر العمدة..