သနပ်ခါးရနံ့လေး ကြူကြူမွှေး

Unicode/ အခန်း၉

🌼သနပ်ခါးရနံ့လေးကြူကြူမွှေး🌼
🌼 အခန်း၉🌼

IDGမှ နေ့တစ်၀က်ခွင့်နှင့်ပြန်လာခဲ့ပြီးတည်းက စံပယ်စိတ်မကောင်းဖြစ်လွန်း၍ အခန်းထဲမှ အပြင်ကိုမထွက်ချင်ဖြစ်နေရသည်။

ဘာရန်ငြှိုးမှ မရှိပါပဲ မိန်းကလေးအချင်းချင်း ၊အဆောင်သူအချင်းချင်းကို အသက်အန္တရယ်ထိခိုက်အောင်အထိ တမင်ကြံစည်ခံရတာဟာ
စံပယ့်အဖို့အင်မတန်ကို နာကျင်ရတယ်။
ဘယ်သူ့အပေါ်မဆို စံပယ်အကောင်းဆုံး ဆက်ဆံပေးခဲ့ပါလျှက်နှင့် စံပယ့်ကိုမှ ဘာကြောင့်ဒီလို
လုပ်ရတာလည်းဆိုတာ အရမ်းသိချင်မိတယ်။

မကြည်ပြာနှင့် မစိုးမွန်လည်းအလုပ်မှပြန်လာလာချင်း စံပယ်လေးရဲ့မျက်နှာ မသာမယာဖြစ်နေ၍
အတင်းအစ်မေးကြရာ အကြောင်းစုံကို
သိလိုက်ရတဲ့အချိန်မှာ  ဒေါသအရမ်းထွက်သွားကြ‌လေသည်။

စံပယ်မွှေးဆိုတာ ဒီအဆောင်မှာအသက်အငယ်ဆုံးဖြစ်သလို အလိမ္မာဆုံးကလေးပါပဲ။

ဘယ်သူကဘာခိုင်းခိုင်း လုံး၀မငြိုငြင်ပဲ အစစအရာရာ အကုန်ထောင့်စေ့‌ေအာင် လိုက်လုပ်ပေးလေ့ရှိသလို မခိုင်းရင်တောင် အလိုက်သိစွာစေတနာထားပြီး လုပ်ပေးတတ်သည့် ကလေးပင်။

မနက်အ‌စောကြီးတွင် အဆောင်သူတွေအတွက် ပဲပြုတ်နှင့် ထမင်းကြော်ကို အမြဲကြော်ကျွေး
တတ်သလို ညဘက်ဆိုလည်းအဆောင်သူတွေအကုန်အလုပ်မှ ပြန်မလာမချင်း မအိပ်ပဲနဲ့ဒိုင်ခံစောင့်ပေးလေ့ရှိသည့် ဒီကောင်မလေးကိုအကုန်လုံးက ဝိုင်းချစ်ပေးကြတာဆန်းမည်မထင်ပေ။

မိုးမမကိုလည်းသူမတို့လို့ စိတ်ထားမျိုးရှိမယ်လို့ထင်ထားခဲ့မိတာပါ။
မိုးမမဆိုတဲ့ မိန်းမဟာ ဘာကြောင့်များ စံပယ့်ရဲ့အသက်အန္တရာယ်ကိုတောင် ထိခိုက် အောင်လုပ်
ရတဲ့အဆင့်အထိ ယုတ်မာရက်စက်ရသလဲဆိုတာ တကယ်ကိုမခန့်မှန်းတတ်တော့ပါဘူး။

ကိုယ့်ထက် အသက်အရွယ်ရော၊ပညာအရည်
အချင်းအရရော အရာအားလုံးနိမ့်ကျနေပြီးသားကလေးကိုမှ ဘာကြောင့်ဒီလောက်အထိ ပြုမူခဲ့ရ
သလဲ ဆိုသည့်အတွေးကို တွေးလိုက်မိတိုင်း တော်တော်အသဲပေါက်လာရသည်အထိဖြစ်ရသည်။