•روايه: الحيرة
•للكاتبه: تبارك احمد
ـــــــــــــــــــــــــــــــــــ
الـــنــواب يـڪـول :-
ادري بيك تريد .
تبجي .
ابجي وحدك .
انه ساكت …؟؟
ــــــــــــــــــــــــــــــ
كعدنه وكعدت تكلب بالقنوات
تدور على القناه لين ما وصلتها
جانن ثنين وحده اسمها ام بي سي بولييود
والثانيه زي الوان جانت ام بي سي بولييود
تطلع افلام هنديه مترجمه اما زي
الوان تطلع مسلسلات هنديه
بس يحجون عربي
كعدنه نباوع ننتضر تخلص
الاعلانات وجان يندك الباب
كامت بنين تشوف منو واني
لفيت شالي عدل اخاف طالع شعري
وجان تدخل جمانه بيدها
علاليك شكد كعدت فحطانه
وميته تعب ورحت اركض اجيبلها مي
اخذت الكلاص مني وشربته
وبنين تحوص بس تريد تعرف
شنو ذني العلاليك وجمانه ما
تخليها تفتح لو علاكه اخذت
الكلاص ورجعته وكعدنه يمها
جانت ام احمد نايمه
بنين.. يلا يا عيني شنو ذني
جمانه.. يعني شنو ما تشوفين غراض
بنين.. شجايبتلي
جمانه.. نعالات ذني مو الج ذني لحنين
حنين.. شكرا بس اني ماريد
جمانه.. يولي هاذا تجهيزات
عرسج هوا اطاني فلوس وكلي
روحي اشتريلها لان باجر
راح ترحون الصبح
كعدنه نفتح بالعلاليك جانن
اربع دشاديش واربع فساتين
وثمان شالات وملابس داخليه
اربعه وشويه مكياج وثنين
عطور وهيه جابت على
حسابها طقم كلاده وتراجي
واسوار بس مو ذهب
حنين.. ليش تعبتي
نفسج والله مايحتاج
جمانه.. لا يعمري تعبج
راحه انتي مثل اختنه
ماحجيت شي بنين اخذت
الغراض وصعدتهم فوك
واني كاعدة ويا جمانه
كعدنا نتسولف ونضحك
بنين.. يا خايناتت تضحكن بدوني
شلونننن معاقبه عليجن الطبخ
جمانه.. لا بله انتي راعيه البيت
انتي اطبخيلنه من ايدناتج الحلوات
بنين.. والعباس ما اطبخ انتن اطبخن
حنين.. معليجن اليوم اني
اطبخ واشوفكم طبخي
بنين.. لككك هلا اليوم
مرت اخوي تطبخله بس
شوفي نريد عشى دسم
ضحكت على كلامها وطريقه شرحها
حنين.. غير تدللين شعندي غيرج
جمانه.. علينههه حنين
علينهه عندج منتظر وغمزتلي
حاولت اتجاهل الموضوع
واسوي نفسي ما سمعت
حنين.. اي عيني ست
بنين شتردين عشه
YOU ARE READING
الحـيرة
Romanceمابين طفوله مشوهه . وواقع مر . تولد فتاه لكي تدفع ثمن خطأ ليس لها ذنب به . هناك نار تلتهم البيوت . ونار تلتهم القلوب . وكل منا يحترق بناره الخاصه به . فهل ستبقى هذه النار مشتعله ؟ بقلمي انا الكاتبه: تبارك احمد♡. لروايه بعنوان: الحيرة .
