•روايه: الحيرة
•للكاتبه: تبارك احمد
ـــــــــــــــــــــــــــــــــ
يـڪـول :-
بين اشتاكلك .
بين اريد اراضيك .
بين اريد افتهم روحي شوجعها .
عثر بيه الحنين واشتهي انساك .
وافز والكه لجماتي شوسعها …!
ـــــــــــــــــــــــــــــــــــــــــــــــــــــــــــــ
حــنـيـטּ
رجعت دجله واني رحت للمطبخ بسرعه
حطيت الجدر علمود يحمى شويه لان
اخاف برد وطلعت صحون وكاسات
وخواشيك وحطيت الزلاطه وكمت
للجدر طفيته حسيت احد لزمه وياي
…..............................................
مـنـتـﻈـࢪ
كعدت الصبح على بوسه خفيفه
على خدي وراها تحولت البوسه
لعضه شفتها حنين بس اريد افلتها
مني ماكو لازكه عبالك بسيكوتين
اسب واغلط وكوة وخرتها مني كوة
شفت اثر العضه طالع منها دم بس
مو هواي بسرعه سبيتها من العيار الثقيل
كامت تتنعوص كدامي وتعرف
شلون تصيدني بس هلمره دست على
كلبي وتقرب هيه عبالها ابوسها واعوف
حكي تقربت منها واخذت حكي وعضيتها
كامت تبجي ونزلت تركض اخخخ دموعها
ماريد اشوفهن واصلن جنت اشاقيها
بس هيه ما تتحمل شقه عابتلها
دخلت سبحت وطلعت لبست
ملابسي ومشطت ونزلت شفتها
من بعيد واكفه تطبخ شحلاتها
بالطبخ عبالك مو طبخ بنيه صغيرة
لا مال نسوان كبار وعدهن خبره
بالطبخ ابتسمت ونزلت ركبت سيارتي
ورحت افتر شويه وهم السياره محتاجه
بانزين امشي وكلام الجدة يرن براسي
"ماتاخذها تنام يمك يجوز تضحك
عليه ومو مرتك وذني اوراقك مزوره
وضاحك على البنيه بجم كلمه وجايبها
الي كلشي يصير ما اخليها تنام يمك بعد
اخاف تحبلها وترميها عليه واني ابتلي
واني راح اسحب لسانها شويه شويه ونشوف"
بس اريد اعرف شمسويلها حتى من
مرتي تحرمني هاي فوك ما ساعدتهم
واشتريتلهم بيت وخليت ولدها واحفادها
كلهم يشتغلون وتالي هيج تجازيني لا
تحترمني لا اني ولا مرتي وحتى
هيه تعتبرني ابنها ليش هيج تسوي
ماحسيت على نفسي اله واني
مخلص باكيت جكاير جكاره وره جكارة
واصلن لو ما اني جان ماعدها لا
هاذا البيت ولا هاذا المزرعه ولا
الاراضي فزيت من صفنتي صوت
تلفوني يدك باوعت شفته فرات يتصل
رديت و اجاني صوته
فرات.. هاا حب وين انته
منتظر.. افول بانزين
فرات.. شصار على سالفتي
منتظر.. شتريد مثلا اروح
اسحلهم واجيبهم جوة رجلك شبيك
انته شبي عقلك جحش ممد بي
فرات.. بداعت حنين بس تعال وياي
YOU ARE READING
الحـيرة
Romanceمابين طفوله مشوهه . وواقع مر . تولد فتاه لكي تدفع ثمن خطأ ليس لها ذنب به . هناك نار تلتهم البيوت . ونار تلتهم القلوب . وكل منا يحترق بناره الخاصه به . فهل ستبقى هذه النار مشتعله ؟ بقلمي انا الكاتبه: تبارك احمد♡. لروايه بعنوان: الحيرة .
