لجدتي سراً كبيراً

الفصل الاول

كعدت الساعة 8 الصبح عله جدي الي يسمع فيروز بل راديو كالعادة


احمد: صباح الخير جدو

حسين:انت كعدت, بيبيتك تكول تريك وجهز نفسك علمود تروح وياها مثل كل اسبوع

(جدي حسين 66 سنه يحب يكون مسعود كل الوكت لدرجة باع  كاع علمود يجيب الراديو ويسمع عليه اغاني)

احمد :اني ماراح اروح لاي مكان  اني كرهت المشوار هاذا بعد

حسين:هيج اني مالي علاقة, لمن بيبيتك تزعل مالي علاقة بيك

احمد:يلا جدي نتريك ,   ورة مال كملت ريوك لكيت بيبيتي داخلة من باب البيت وياها مسواك من السوك

نور:انت ليهسه ما بدلت احمدد,يلا بدل علمود نلحك نطلع قبل متضلم الدنيا

(بيبيتي نور 61 سنه شخصيتها قوية متجب احد يكسر كلمتها ورغم كبر عمرها الا انو هيه صحتها جدا قوية)

احمد: يا بيبي اني ماحب السفر وانتي تدرين , انا لو ماحب السفر جان هسه ويه ابوية وامي بل جنه 

نور:قدرهم هاذا , ويلا عسريع بدل مو كل اسبوع نفس الحجي

احمد: كمت غصب عني بدلت وعدلت نفسي وبيبيتي اطتني جنطة صغيرة ماعرف شنو هيه  ونبهتني اكثر من مرة مافتحها

وصراحة اني اخير مرة فتحتها لكيت بيها ريشة غراب سودة وجيس بي بخور واشياء ماعرف شنية 

ركبنة القطار اني وبيبيتي وبعد كم ساعة نزلنا المحافضة الي بيبيتي دائما تروحلها 
   
محافضة عبارة عن قرية وبيهة حيوانات ومابيها كهرباء ونادر ماتشوف حرس

جنا نروح يم وحدة اكبر من بيبيتي اسمها ام مريم بيتها طابق واحد وصغير شوية اول ماطب بيتها احس بخنكة واضوج

وراسمة عل حايط علامات بالاحمر والاسود وبيبيتي جانت تخليني اكعد بالصالة وهي تدخل وياها لل غرفة وباب الغرفة مخلوع

 وتعبان يعني اذا وكفت يمه علمود اسمعهم حيشوفون واذا اني بمكاني ماسمع شيكولون بس اعرف انو ام مريم تطلب من بيبيتي انو

 متنصى الطلبات الي كالتلها عليهى قبل م نطلع كل مرة, بس المره هاي مطلبت منها شي طلعت اني وبيبيتي بعد ساعتين من ام مريم ودار بيني وبينها حديث 


احمد: انتي تصدكين بهاي الدجل والخزعبلات يا بيبي


نور:وانت شنو عرفك بل شي الي داسوي ها؟


احمد: ترة اني مو صغير يا بيبي وافهم كلشي اني بس اريد اعرف انتي شتحتاجين منهم؟


نور:مالك علاقة بهل حجي


احمد: لعد هاهيه اني مالي علاقة ماجي وياج بعد


نور:يعني تريدني اسافر وحدي؟

احمد:يعني اني خوما كل اسبوع اسافر وياج واني كلشي مفاهم ليش اسافر وشعندي جاي ولا اعرف شوكت حنخلص صارلنه سنتين ونص عله نفس الموال

نور: اني ماريدك تعرف علمود مصلحتك وماريدك تتأذى

احمد: منو يتأذة هذولة ناس نصابة 56 و دجالين,و ام مريم هاي عايشة الدور بل شعوذة وانتي مصدكتهة

(وقبل ما كمل كلامي اجيت اوكع عله وجهي)


نور:اعتبر الي صارلك هسه تحذير حته متغلط عله ام مريم


احمد: لا تحذير ولا هل خريط كله الي صار اني مانتبهت عله الحجر


نور: حجر؟ انتبه وراك ماكو اي حجارة

احمد: باوعت ورايا وجان الطريق كلشي مابي


نور: اذا مضوجتك ام مريم بعد منروحلهة


احمد:اني مستغرب صدك بيبي بعد منروح؟؟؟


نور:خلص بعد منروح , نروح لوحدة اسمها ام مرام


احمد: مرة لخ بيبي اني بعد مالي واهس اسافر ابد



نور:اسمع الحجي واسكت لتخليني اضوج منك زين؟


احمد: ماطول بيبيتي حجت بهيج طريقة يعني ماكو غير اكول



تمام بيبي
صعدنا القطاروبعد كم ساعة وصلنا بيتنه وكعدت ويه جدي وضلينه نسولف , وضلبت الاسبوع كله ماسوي شي, اكعد ويه جدي اسمع

اغاني بالراديو , اقرة كتب وقصص, واكعد شوية ويه جماعتي من الاعدادية, اجه وكت السفر وجنت متردد اروح لو لا, بالاخير

رحت وياها بس الغريب انو بدون ايشي مناخذ ويانه

طلعنه القطار وصلنه للمكان التريدة بيبي وراها صعدنه سيارة مسافة ساعة وصلنه للمنطقة وضلت بيبي تسأل عله ام مرام الى ان

 وصلنه بيتهة, بعد ما بيبي دكت الباب عليها نفتح الباب وطلعت منه وحدة جبير بس الغريب انو وجهة يشع منه نور خفيف

نور:شلونج ام مرام اني اجيتلج من طرف , بععدها بيبي مكملت كلامها قاطعتها المرة وكالت

ام مرام: اي صارلي هواي منتضرتكم ادخلو

احمد: دخلنه للبيت وضلت ام مرام تباوع عليه دقيقة وسكتت ,بيتها مليان رسم عل حيطان اكثر من بيت ام مريم وكلها اسود واحمر

نور: مثل مكتلج اني جايتج من طرف ام مريم واريد خدمة منج

ام مرام : اعرف شنو تردين قبل لتكولين بس لازم تسوين شوية شغلات

نور: احمد اطلع برا وساعتين وتعال

احمد : شنو ليششششش؟

نوربعصبية : اطلع برا كتلك لتعاند

احمد: طلعت برا واني ضايج وعفت بيبيتي هيه وهاي المشعوذة الدجالة جنت ضايج واحس بيبي تعاملني اني جاهل مافهم ايشي

ورة كلشي سوته حينضحك عليها ويطلع 56 تقفيص

عدت الساعتين ولكيت بيبيتي منتضرتني برة بل باب

نور:شبيك كالب خلقتك؟

احمد: هيج ماكو شي

نور: اني ادري بيك ضايج لان متفهم ايشي من الي داسوي , اني ماكلك لان اخاف عليك

احمد:يلا نلحك نصعد سيارة حته نلحك عل قطار

رغم ما بيبيتي شافتني اني ضايج كلش ومضايق بس معبرتني

صعدنا السبارة وصلنا للقطار ورجعنه للبيت

ضلينه شهر كل اسبوع نروح يم ام مرام وكلما نروح ونرجع صحتها تعبانه ومرة رجعنا من ام محب كالت

نور بعصبية: حسين اريدك تبيع الكاع

احمد : اني وجدي استغربنا وباوعنالها عدل

حسين: هاي شبيج تخبلتي شبيع الكاع

نور : مثل ما سمعت اريدك تبيع الكاع ولتنسه هيه بأسمي اذا مبعتها اني ابيعها

حسين: بابا شبيج ابيعها شون وشلون تردين نعيش؟

نور: نعيش من الراتب مالتك

حسين : اي ونعوف هل يتيم شون؟ هاذا الراتب اذا كفانا اسبوع كلش زين

نور: لتخاف اني اعرف شسوي

احمد: جنت توني داكوم احجي واعترض حسيت نفسي بدة يختفي ومادكر انطق كلمة وجهي كام يعرك

نور:كدامك يومين اذا مبعتها اني اتصرف ومشت الى غرفتها

احمد : لتضوج جدي اني احجي وياها

اني داصعد لغرفة بيبي بس احس روحي داصعد جبل وبل كوة اكدر امشي فجأة وصلت يم الباب

فتحت الباب مال غرفة بيبي وليكتها مطلعة الذهب مال امي اول ما شافتني رجعتها بل كنتور وقفلت الباب

نور: انت شون تدخل هيج بله مدك الباب؟؟

احمد:بيبي بس فهميني انتي ليش تردين تبيعين الكاع؟

نور: انت شعليك كاعي واني حره بيها واني اعرف شداسوي 

احمد : لا انتي كلشي متعرفين شدسوين هاي و ام نعال مرام هاي غاسلة عقلج وتنصب عليج

نور: انت تغلط ثاني انت متحترم امشي اطلع برا يلا ادبسز

احمد: انتي كبرتي بل عمر وخرفتي وكلش متعرفين شسوين واني مراح اخليج تبيعين الكاع علمود وحدة مخبلة تريد تقفص عليج

نور: الي بيدك سوي يلا شوفني عرض جتافك

احمد: طلعت من يمها وعفتها بس طلعت الباب نسد بقوة , معقولة بهل سرعة بيبي جانت بنص الغرفة شوصلها للباب بهل سرعة

 ,طلعت للصالة لكيت جدي متمدد عل قنفة ودمة ينكط بل كاع


ركضت عليه الحك عليه ,جدي شبيك جدي بيبي تعاي شوفي جدي شبي الحكيني 


حسين: شبيك جدو شكو شصاير؟

احمد: انت زين جدو صاريلك شي؟ الدم الي جان بل كاع شنو

حسين : شكو جدو شبيك اني جنت نايم ومتمدد دم شنو ؟

احمد: باوعت عله جدي ماكو شي بي ولا هدومة ولا بل كاع والاغرب بيبي مطلعت من غرفتها من سمعتني

جدي والله والله انت جنت سابح بدمك اني شفتك بعينك

حسين : روح ارتاح جدو انت تعبان , لتفكر بموضوع بيبيتك اني اصرف

احمد: باوعت لجدي وافتهمت حجيه وهزيت راسي ب اي عفت جدي  وطلعت  واني افكر شون شفته متمدد وكله دمم رحت لغرفتي

 ارتاح  ذبيت روحي عله الفراش ونمت نومه عميقة كعدت نص الليل اسمع صوت الدوش مال مي مفتوح ضوة ماكو يادوب شي قليل

 اسمع الصوت من الحمام فتحت باب الحمام والاكي ذئب برجلين انسان جان يشمشم وضهره صاير عليه انرعبت ثواني ولف ضهره

 عليه باوعلي خترعت لكيت جدي جاي يركض عليه وينقذني منه لكيت الذئب شالع كلب جدي ودياكل بي وراها ركضت اني حسيت

 الذئب هاجم عليا  وعاض رجلي وكعت بل كاع فتحت عيني لكيت روحي بل فراش والدنيا صبح ,, معقولة هاذا جان حلم لا هاذا كابوس مو حلم,رجلي كلش تاذيني مديت ايدي عل فراش لكيته كله خنافس مليان كمت اعيط من صوت عياطي الخنافس كامت تتحرك وتطلع من الشباك , طب عليه جدي

حسين:شبيك احمد شكو؟ 

احمد: والله جان اكو خنافس يمي مالية فراشي وبس عيطت طلعت 

حسين:اهدى ادى انت مشقلب عل فراش


احمد: والله جدي جانت مالية الغرفة وكبرانه, باوعت عل شباك لكيت وحدة , جدو باع هاي هياتها وحدة عل شباك

حسين: اي طبيعي دائما انت تكتلهم

شتتوقعون بل جزء الثاني؟؟؟