لجدتي سراً كبيراً

الفصل الثاني

احمد: كام جدي ونزع نعالة وضرب لجامه وطار الخفاش ,يعني معقولة بيبي هيه كل هاذا ورا والله حتخبل 

حسين:اهده احمد انت اكيد مهلوس وشبيهة رجلك زركة 

احمد: باوعت لرجلي لكيتها زركة صايرة اذكرت عضت الذيب

مو اني اذا اكلك مراح تصدني حتكلي اهلوس

حسين: مو انت اذا كلت شي خيالي اكيد حكول عليك تخبلت رسمي , بس تلكى روحك متعثر بشي ومحاس او ناسي

احمد: زين جدو هسه بيش ساعة؟

حسين:ب 4 الفجر ارجع نام وارتاح بعد وكت

احمد: لا جدي اصلا النوم طار من عيوني

حسين: تمام لعد كوم صحصح خل نشرب كهوة ونسمع ام كلثوم

احمد:زين روح انت واني اجي وراك

طلع جدي من الغرفة واني افكر بل خفافيش وباوعت عله رجلي الي صايرة زركة وبسبب عضت الذيب اني متأكد الخفاش الي طلعها جدي هيه من الخفافيش الي جانت مالية غرفتي, اصلا اني بقيت مافهم الي ديصير كله شنو , طلعت ولكيت جدي توة طالع من الحمام

ها جدي تسوي كهوة لو اني اسوي

حسين : الواحد يكول صباح الخير اول شي بعدين انت شمكعدك من وكت انت تكعد ب 9 ب8 شمكعدك هيج وكت؟

احمد: شنو جدو مو جنت يمي كاعد بسبب الكابوس , توني كتلك ني من من جنت يمي بل غرفة

حسين: جنت وياك ؟ اني توني كاعد من النوم وطلعت من الحمام توني

احمد بقلق: شلون انت توك جنت يمي وكتلك عل خفافيش وانت كتلي عله رجلي الزراك البيها

حسين: اهدء اهدء وروح سويلنا فنجانين كهوة ونسمع ام كلثوم

احمد: اي انت توك كلتلي هل كلام زين باع عل زراك الي برجلي وكلي هاي شون صارت
حجينه بنفس الوقت وكلنه 
حسين: بس تلكى روحك متعثر بشي ومحاس او ناسي

احمد: شفت جدو اني شون اعرف الي تكوله

حسين: اي طبيعي لان تعرف بيه شون احجي

احمد:رحت اسوي كهوة وكاعد افكر بالي يصر فارت الكهوة مرتين واني مامنتبه لحد ما جدي اجه يمي كال روح اني اسوي

عفته ورحت شلت الميز خليته قريب الشباك وجبت الراديو ضليت ادور اغنيية ام كلثوم وطلعلي اغنية ام كلثوم ,دقيقتين وختفت طلع صوت مخيف كلش يغني الاغنية اني نرعبت صحت جدي جدي اجه جدي قبل لا اصيح وبيدة فنجانين كهوة

حسين: شكو شبيك جدو

احمد: صوت مخيف طلع بالراديو

حسين: انت شون مشغله بله فيشة , هاي الاشارة ضعيفة وراح الصوت

احمد: اي يجوز ضليت سرحان وافكر بكل الي يصير وجدي يحجي مافتهمت ايشي يحجي وملتهي بل تفكير بل صار لحد ما فاتت بيبيتي جسميقشعر وكلبي كام يدك سريع وجدي كال.

حسين : شبيج نور صبحي علينا عل اقل , احمد انت مزعل بيبيتك البارحة؟ احمد مو داحجي ووياك

احمد: اني شبيه شنو شكو 

حسين: شبيك انته من كعدت ليهسه ماكو فاصل فيشة ومتحجي المهم شحجيت ويه بيبيتك

احمد: اي جدو اني اصلا كلتلها حرفع عليج دعوة واخذ الكاع 

حسين : شنو انت تخبلت لو شنو تريد الناس تضحك علينا ونصير مضحكة للرايح والجاي

احمد: لعد شنو تريدني اسكت واخلي بيبي تنطي فلوسنا لوحدة نصابة وتروح علينا الاول والتالي ؟؟؟؟, اصلا البارجة دخلت عليها لكيتها تلم الذهب مالتها ومال امي

حسين: شنو حته الذهب , لا هاي تخبلت رسمي تريد تخرب بيتنه هاي , انت اطلع وعوفني احجي وياها عندي حجي

احمد: لا جدي ماعوفك وحدك 

حسين : مثل ما كتلك جدو اطلع وعوفني وياها

احمد طلعت وعفت جدي ورحت كهوة وطول الوقت اني صافن وافكر صارت ساعة ورجعت البيت رحت لكيت جدي كاعد يسمع راديو 

ها جدو بيبي وين؟

حسين: طلعت للسوك

احمد: زين كلي شسويت وين وصلت ويه بيبي ؟

حسين: بخصوص شنو؟؟

احمد: شبيك جدو علمود الكاع والذهب؟

حسين: احمد انت مالك علاقة هيه كاعها وفلوسها وهيه حرة بيهن انت لتدخل 

احمد: شنو شبيكم انتو بيبي تبيع الاول والتالي علمود وحدة قفاصة دجالة شبيكم فهموني شجاي تسون

حسين: هيه حرة بلي تريدة

احمد: شنو حرة والله اابد ماخليها تسوي الي براسها وراح اروح ارفع دعوة بل محكمة والي يريده الله يصير

حسين: اذا سويت هيج اني حشهد ضدك واكول انت الي تريد تبيعهة مو هيه

احمد: تشهد زور جدو؟

حسين: اي اسوي كلشي علمودها

احمد: باوعت عله جدي وهوه يحجي ب برود قوي كلش دار وجهة للشباك وعله صوت الراديو كأنما يكلي سد السالفة

كأنما جدي شخص ثاني , مو هذاك جدي الاعرفة , وبيبي تسوي الي براسها تسوي لو شيصير وسط ما اني سارح دخلت بيبي 

وباوعت عليه بنضرة كانما تكلي (انت معليك اني اسوي الاريدة) ,خلص النهار واني حابس نفسي ب غرفتي ماطلع منها

ونمت نومة عميقة ما كعدت الى بالليل تقريبا 12 بالليل سمعت صوت احد ديمشي ب غرفة الدنيا جانت ضلمة كلش وضوة الكمر

طاب للغرفة بل كوة شوية موضح الرؤية باوعت بصف الجرباية لكيت عيون حمر تباوعلي وترمش كل شوية مشة كم خطوة وبينت

ملامح جسمه (جان جسمه ضخم وقوي ومليان عضلات بس راسة راس ثور وطالعة كرون ثنين معوجات بتجاه بعض

كلبي كام يدك قوي  وماكدر احجي صوتي ميطلع وجسمي ماكدر احركة ابد , طلع من خشمة هوة وكال: ابتعد عن سيدتي او سوف

اخذك وياي للجحيم

يتبع........
حسابي انستا P9.88i

سناب شات