كدرت احرك راسي باوعت لكيت خفاش جبير بكد البزونة حاولت اتحرك لاكن جسمي مشلول بعده صعدت عله ايدي وعضتني كمت
اصيح وراسن كعدت وايدي توجعني باوعت للمكان الي جان بي الوحش لكيته بعده يباوع ويرمش واختفة شغلت الشمعة باوعت عله
ايدي لكيت عضت الخفاش بعدها بس العضة انوو شكلها يختلف اني اذكر شايفة بيت ام مرام و بيت ام مريم عل حيطان
طلعت برة الغرفة لكيت جدي كاعد ومشغل راديو , بس ماحجيت ويا بعدني ضايج من طريقة الحجي مالته , طبيت غسلت وجهي
ورحت للمطبخ اسوي كهوة سويت كوب كهوة رجعت للغرفة طلعت كتاب اقرة طب جدي للغرفة واني سويت روحي ما منتبه اله
حسين: ها احمد لا سلام لا كلام
احمد : اني وياك منحجي بعد
حسين: ليش؟
احمد: انت مو كلت تشهد ضدي بل محكمة
حسين: اني كلت اشهد ضدك بالمحكمة؟
احمد: حسين بله سوالف الزهايمر وهذني ميعبرن عليه
حسين: لا اصلا هيج موضوع مانسا يضل بالي
احمد : يعني انت متذكر من كتلي البارحة عوفني ويه بيبيتك عندي حجي وياها
حسين: لا اذكر من كتلك , بس بيبيتك طلعت وعافتني ف اني ضجت وطلعت وراها وقفلت الباب بل مفتااح
احمد: وين قفلتها انت البارحة فتحتلي الباب وحجينه
حسين افتحلك شلون واني دنت طالع من رجعت لكيتك ب غرفتك قافل الباب كلت تعبان من هل يومين لا اكثر ولا اقل
احمد: ترة بديت اتخبل شنو جاي اهلوس واحجي ويه روحي
حسين الضاهر بيبيتك جاي تشتغل ويه ناس خطرة , عوفها احمد اتسوي الي تريده كاعها وهيه حره بيها لا انروح ثنينه نتخبل من وراها
احمد: مادام بيتها هاذا يبقى بيتي اني هم ورث ابوية وارفع عليها محكمة واطردها
حسين: يعني تطردني يا احمد؟
احمد: محد جايب سيرتك احجي عله بيبي
حسين: وانت عبالك اعوف مرتي بل شارع؟
احمد : لعد دنعل ابو الكاع لابوها لابو الي يريدها والله صوجي اني جاي ادافعلكم بس والحسين لساني ميطخ لسانها
حسين: دتشوف الي يصير بيك من عارضتها عله بيع الكاع ليهسه هاذا تحذير بسيط
احمد: زين جدو ماعرفت الكاع شكد تجيب؟
حسين: يعني تجيبلها بل ....... دينار
احمد: يعني ب الله مو حرام هيج فلوس تروح هبل
بعدني ممكمل كلام لكيت بيبي فايته
نور : حسين اطلع اريد احجي ويه احمد
احمد: شكو شتريدين مني نور؟
نور : هيج نور راسن بدون بيبي
احمد: انتي مو عايزة تبيعين الكاع بيعيها بل عافية واني مالي علاقة
نور: اسمع اريدك بشغلة مهمه
احمد : شنية الشغلة التريديني بيها
نور : اريدك تبيع البيت هاذا
بصوت عالية وعصبية احمد: لان انتي تخبلتي رسمي بابا بيتي هاذا شبيعه مو زين حكعدج بي
ثواني بس لكيت عيونها خنزرت وتباوعلي حسيت نفسي قل وكلبي كام يدك سريع وجسمي كله نمل وتشنج
نور: من تحجي وياي تحجي بأدب ومتعلي صوتك وتسمعني الان اكمل
احمد: ماريد الفلوس تضيع عله ناس حيالين وقفاصة وابقة اجدي بل شارع
نور: راح اعيشك ب عز مشايفة بحياتك ابد ابد
احمد نشوف مخسران شي بس والله والله اذا طلع نصب وراح كلشي حكعد ادعي عليج وازوج واخلي مرتي تدعي عليج وجهالي يدعون
نور : لتخاف ميصير شي امشي وراي
احمد: نشوف اخرت هل موضوع وين
مشت الاشهر اخر شي بعد شهرين اجت بيبي كالت الحكني للسيارة نروح نشوف مكان , طلعنه السيارة رحنه مكان بعيد كلش صاير
عله عليه كتلهة هاي شنو ليش اله هاذا كالت معليك انته كلتلها بس هاذا اقل شي يرادله 5 سنوات يله ينبني
نور: هاذا لمعاجبك تعال بعد 5 اشهر وشوفه
احمد: معقولة قصر ينبني ب 5 شهور؟؟؟؟؟؟؟؟؟
BẠN ĐANG ĐỌC
لجدتي سراً كبيراً
Kinh dịمن وحي الخيال وبين عالم الجن والإنس حياة غربية اعيشها مع اشخاصاً قريبين مني شعوذةً ودجل خوفاً في محطة الامان انتقاماً غير بشرياً حياتنا تُقلب راساً على عقب من البيض الى السواد ماذا يحدث يا ترى ؟ لجدتي سراً كبيراً وسوف نكتشفه معاً .. وسوف نرى حجم الص...
