Abimana Si Musang [BL]

[Bab.16] Musangnya gue

Gue tidur seharian, kaga makan, kaga mandi. Perkara ati gue lagi gundah gulana, gue bingung, galao ceritanye.

Tetiba aje mak gue ngehantam gue pake centong ,

“Aduhh, makk sakit atuh” kata gue

“Sakit-sakit, kaga usah makan aje lo”

“Kaga keluar kamar, kaga mandi, kaga makan kaya ayam yang mau dijual aje lo”

“Masih mending juga ayam bisa dapet duit, nah elo kaga laku iye” kata mak gue

“Au ah, Kiki lagi capek makk”

Kaki gue ditarik ampe dapur ama mak gue ,

“Emakk ih” kata gue

“Segalau apapun kalo kaga makan bisa mati lo” kata mak gue

Setdah bener juga ye, duh sayang banget gue sama mak gue. Mana dimasakin semur ayam kesukaan gue lagi.

“Udah makan dulu sono” kata mak gue

Gue makan aje, ampek nambah 3x buset gue kek tempat pembuangan akhir aje. Meskipun gue kalo makan segaban gue tetep aja kurus.

Pas abis makan gue dikasih semangka ama mak gue, tumben mak gue baek yang ada malah bikin merindink.

Ni hari udah sore aje tetiba, gue lagi bengong sambil nyalain tv. Kaga gue liat tapi tvnya yang liatin gue.

“KI!” ada yang triak dari luar

“Apaan asem gue kaget” kata gue ke si Lita

“Ngangkring nyok” kata dia

Asik nih sore-sore ngangkring, gue juga udah laper lagi.

“Nyokk” kata gue
Pas dijalan gue nyoba nanya

“Lo ngapa kaga pulang dulu dah, mana masih make seragam” kata gue

“Bodo ah gue laper, kaga ade temen” kata dia

Gue lagi asik ngeteh sama jajan diangkringan gue ngeliat si musang ama si icha kek lagi kejar-kejaran. Oalah jan*cok, baru kemaren sekarang udah liat peginian lagi.

Awalnya gue cuman merhatiin dari jauh, si anjj malah makin ngelunjak. Eh si jan*cok, maen nyium pipinya si musang. kalo gini gue beneran kaga bisa diem. mau Gue samperin si musang,

“Oi ki!”

“Mau kemane” Tanya si Lita sambil ngikutin gue.

Gue langsung gercep aje beneran gue tonjok mukanya si musang,

“Si anjir, baru kemaren nangis-nangis didepan gue. Bilang kek pegitu, udah lupa lo?”

“Suka lo dicium pegitu ?” kata gue ke musang

“Kamu ngapain si, lepasin Abi-ku” sahutnya si icha

“Abiku , Abiku matamu. Si musang punyanya gue” kata gue

“Udah, udah lo diem dimari aje” kata si Lita ke icha

Abis nonjokin mukanya si musang terus gue cabut aje, si musang ngegandolin tangan gue sambil megangin pipinya yang kena tonjok.

“Apaan lagi lo ? lepasin” kata gue

Si musang malah masang muka tajem, asem mati gue. batin gue, si musang bediri terus narikin tangan gue buat ikut dia. Pan lagi ngegenggamnya kaga usah kenceng-kenceng begini napa.

Gue ditarik ke gang terus dipepetin ke tembok ama si musang. gue dengan jelas natapin mukanya dia sambil masang muka songong,

“Mau ape l-“