Masked Joy

14

"Kausapin mo na kasi siya, Lily. Ako ang kinukulit niya, at isa pa gusto kong masagot niya ang mga tanong mo. Baka naman iba ang nasa isip mo at iba ang paliwanag niya, kung mahal mo siya ay may tiwala ka sa kaniya. Kaya hayaan mo na siyang magexplain," I said to her calmly.

Nandito kami ngayon sa isang fast food chain nagkasabay ang day-off namin kaya heto, pinapayuhan ko siya.

"Gusto kong gawin, kaya lang natatakot ako sa isasagot niya," she replied and bowed.

I took a deep breath before answering, "Mas ayos na iyon, at least ay nasagot ang tanong mo. Hindi naman siya kawalan, marami pang lalaki riyan."

She lifted her head and looked at me, "Tama ka! Hindi ko siya kawalan."

"Cynthia, alam mo ba? Feel ko may something si Sir Luke at si ate Ella," I stopped eating my spaghetti when I heard ate Ella and Luke's name.

"B-bakit mo naman nasabi yan?" I asked.

"Wala nakita ko kasi ang name ni Sir Luke sa contact niya, may heart!" saad niya, ayon din ang nakita ko.

"N-nakita ko rin yan, baka naman ibang Luke yun," I said.

"Hindi! Promise, narinig ko ang sabi niya "Sir Luke" at kaboses ni Sir," sabi niya at hinawakan pa ang kamay ko.

Paano kung si Luke nga iyon? Baka naman sila talaga.

"Cynthia? May hindi ka ba sinasabi sa akin?" nagulat ako sa biglang tanong ni Lily.

"Ang random naman ng tanong mo, wala ah," saad ko at kinakabahang tumawa.

"Sabihin mo na, para na kitang kapatid, makikinig ako," she said and smiled at me.

Huminga ako nang malalim at kinwento sa kaniya ang lahat ng mayroon kami ni Luke.

"What?! Asawa mo siya?!" sigaw ni Lily, napatingin ako sa ibang tao kung nakatingin ba sila sa amin, mabuti na lang at hindi. Narealize siguro ni Lily ang ginawa niya kaya tinakpan niya ang bibig niya.

"Oo."

"Kaya pala ganon ang reaction mo noong sinabi ko na parang may something sila ni ate Ella! At kaya pala ganon siya tumingin sayo noong unang bisita niya sa sarili niyang café!" she said at mukhang natutuwa pa.

"Huwag ka ngang maingay riyan, huwag mong ipagsasabi to kahit kanino ha? Sayo ko lang to kinwento," I said.

"Oo naman! Trust me," she said and smirked.

Pagtapos ng kwentuhan namin ni Lily ay naisipan na naming umuwi, ang sabi niya ay kakausapin niya si Cian. Noong nalaman niya ang past namin ni Luke ay parang gusto niyang bugbugin dahil sa ginawa nito sa akin, bago kami umuwi ay tanong ito nang tanong kung ayos lang daw ba ako.

Nang makauwi ako ay nahiga ako sa sofa at huminga nang malalim tsaka pumikit. Hanggang kailan mo ako gagaguhin, Luke? Pagod na ako, ang akala ko pa naman ay magiging seryoso ka na sa akin. Idinilat ko ang aking mga mata nang marinig ko ang pagbukas ng pintuan, nandiyan na siya. Tumayo ako para silipin siya, hindi pala siya magisa. He's with ate Ella... At may kasama silang bata.

"Cynthia... What are you doing here?" ate Ella asked me.

"Ako dapat ang magtanong sayo niyan, anong ginagawa mo rito?" tanong ko at tinignan ang batang gitna nila ni Luke at nakahawak sa kanilang kamay.

"Daddy? Who is she?" the kid asked, tinignan niya pa si Luke.

"D-daddy? Tama ba ang narinig ko?" I asked Luke.

Hindi siya sumagot, tinignan niya ako at pilit na ngumiti. Tinignan ko si ate Ella at puno ng kuryosidad ang kaniyang mga mata, nagsimulang tumulo ang mga luha ko habang tinitignan sila. Tumakbo ako papunta sa kwarto at umiyak. Hanggang kailan mo ito gagawin, Luke? Laruan lang ba ako sayo?