1 Week later
Josiah pov
The past week mi stay home wid Taja and Josiah. After dat night of crying she just get sick mi nuh know why.
She wake up a morning time n a vomit, if she eat certain things she vomit and she extremely moody.
Mi tell har fi mek mi falla har go doctor but she seh no need to caz she feel better.
When mi seh mi spend eh week wid mi family mi mean mi nuh tek up phone or mek nuh call.
Jus give dem all mi time n fi tell eh truth eh nice fi spend time wid family.
We plan fi tek a family trip Barbados next week. We ago visit har grandma and spend some family time alone other wise. Mi a tek dis week fi get up to date wid business n mek sure seh everything a go good.
Mi pull up to the warehouse and hail up mi dealer dem n go straight to mi office. Mi check up and mek sure seh mi money good.
Kaftan dem gone back a ja. Mi miss eh dawg dem cause when dem deh yah mi naffi worry bout nun.
We have a drop off and pick up fi mek a di airport wid Milly in a few minutes. Milly a run tings good fimi a yaad.
A mi ghee dat.
Mi know seh a long time him n Joanna deh before him show mi eh pree. Joanna seh dem a come spend eh week wid we so mi ago pick dem up at the same time of the drop off.
Meanwhile Milly deh yah kemo dem a run tings a yaad.
Somebody knock pan eh door n mi tell eh person come in.
“Boss it's time to go” Shawn seh
Him is a new worker.
“Okay get the vehicles ready”
“I already did” him ansa
Dat y mi work wid him enuh him always prepare and on time.
“Okay lets go”
Tajanae pov
“Girl we reach” Joanna seh all exciting
We nuh see each other since mi madda funeral.
“Fi tru? Josiah nuh reach yet?”
“No girl—ohh seem yah” she seh showing the cars pulling up.
“Okay jus hurry up and come n bring food”
“Okay sis” she seh n hang up.
“A Joanna dat?” Rachel ask
“Yes, she and har boyfriend a come spend eh week wid we”
“Oh long time mi nuh see har” she seh
“Been a while fi tru”
Half an hour later mi hear eh car pull up. Mi go unlock eh door only fi see Joanna she a run come, she run straight pass mi n go inna eh living room.
Mi lef eh door open n go look a wah she a run to. When mi reach inna eh living room mi see har a hug up messiah n a play wid him.
“Suh weh my hug deh?”
“Mi nephew affi get fi him first, right aunty baby?”she seh
She put him down n come hug mi.
“Would a tell uh seh mi nuh waa nuh hug from uh but a tru a mi son uh hug first”
“Chro” she seh n roll har eyes.
“Oh waa gwaan Rachel” she seh when she notice har.
“Nun” Rachel seh dryly not even looking up from har phone.
YOU ARE READING
Flash Rebound
Teen FictionAfter an heartfelt betrayal by her bestie and boyfriend, Tajanae Wilson was stranded on the street, saved by a stranger who in no time became more than a stranger. Moving too fast time catches up and everything fell apart. Written in Patios🇯🇲2022
