شيخ كلبي

البارت الثاني

كعدت الصبح مثل العادة عطلة لاشغلة ولامشغلة

دورت على ماما ماكو اكيد راحت لدوامها

دكيت باب الغرفة

جوان ..باباتي حبيبي صباح الخير
شفتة لبس بدلتة اووف كشخة وهيبة

ابوجوان..صباح النور اميرتي بنوتي الحلوة

جووان..من رحت سبع فدووووووات الك ووللنجمات الي على كتفك سيدي ودكيتلة تحية ضحك وحضني وباسني من راسي

ابوجوان..كولي شعندج شتريدين بدون مقدمات

جوان...حسستني اني فد وحدة مصلحچية ليش

ابوجوان ..كولي شعندج راح تأخريني

جوان..اريد100 الف

ابوجوان..شكاعد اتسوين بالفلوس قبل يومين منطيج 100

جوان..مو فوني اتفلش وكاعدة اصلحة وكلف هواي

ابوجوان..مامصدكج لأن مامعقولة فون يكلف تصليحة 200 الف

جوان...بابا هسة راح تنطيني

ابوجوان..انطيج بس اخر مرة ماريدج اتصيرين مبذرة صح حالتنة فوگ العال بس مايصير

جوان..يدلل باباتي اخر مرة
وصلتة للباب ودعتة حضني وباسني

جوان..ربي يحفظك بابا

ورة 5 دقائق رجع
جوان..ناسي شي بابا

ابوجوان .تعاي ماشبعت من حضنج
حضني وكلي ديري بالج ع نفسج وعلى امج وعلى البيت معتمد عليج ابد ماريد اشوفج ضعيفه بيوم
صيري قوية على ابوج حرامات لوخلفتي كلها بنات ولا هل ولد العاق
جوان.. حسيت بي شي بس ماسألتة راح بابا ودعتة

وفتت نظفت البيت وطبخت جتي امي تغدينة وخلص اليوم
نمت بالليل وحلمت حلم ايخوف كلش كعدت مرعوبة وابجي رحت لغرفة امي وابوية جان دائما بابا يحضني من اخاف نسيت خفارة اليوم
شلت الفون اتصلت بي
جوان..الوو بابا
ابوجوان..خير بنتي لش متصلة علية ب2 بالليل
جوان..حلمت  حلم ايخوف وانت ماكو

ابوجوان..وكفتي گلبي عبالي بيج شي روحي بابا اتوضي وصلي ركعتين واتعوذي ونامي

سديت الخط صليت بس مانمت مامرتاحة ومقبوض صدري
للصبح راحت امي لدوام نظفت البيت وركبت الغدة

اتصلت ابابا مايرد مو من عوايدة اني المدللة مالتة لو بنص حرب يرد علية
رجعت امي اتغدينة وماكو بابا مايرد

ام جوان..اكيد مشغول بنتي هو هسة يتصل
ليل اني اتصل وبابا ماكو متت علي
فوك ال100 مكاملة ومايرد
لحد الساعه 9 دك فرحت وطرت من الفرحة

جوان..الو بابا حبيبي هاي وينك

المتصل..انتي بنت السيد محمد فاضل

جوان..اي اني منوانت بابا وين

المتصل ..ممكن تجون للمستشفى

جوان...مستشفى شنوو بابا شبي

المتصل..متصوب

جوان..من كلي هيج ماحسيت بروحي بعد طرت لباب الشارع واني وبجامتي والشعر مفلول والدنيا باردة ثلج وليل اركض وامي تركض وراي خطية وكفت تاكسي

بس وصلت للمستشفى يمكن سويتها خطوتين نزلتي من السيارة وصلت للاستعلامات انربط الساني

جوان..ابووو ية ابوية و ووين ياا غرف ة

ابوالاستعلامات..شسم ابوج

جوان..ممحم د محمد فاا ضل

ابو الاستعلامات..غرفة23

ركضت بية مابية من قوة بلكوة وصلت لباب الغرفة الشعر ع وجهي متناثر ودموع عشرة عشرة شفت الجيش والسرية كلها مكلوبة بالممر مخلوني افوت انهاريت كمت اعيط
جوان..عووفوووووني هذا ابووووية وخرووووا عني
انفتحت الباب طلع الدكتور

الدكتور..انتو اهلة

جووان..اي باا با هذا

الدكتور .العمر الكم جانت الاصابة قوية

جوان ..لاجذب مايموت بابا مو بابا هذا وخررررر
فتت للغرفة واتجمدت ابمكاني مغطينة بغطا ابيض صاير احمر من الدم مشيت خطوات بطيئة رفعت الغطا العيون نفسهن والوجه واللحية السودة ومقلمة بأبيض نفسها
ارجووان...انهاريت بابا كووم بابا كللهم ماميت انت ماتعوفني وحدي بابا كووم لاتخليني الله عليك كووم مااكدر اعيش بدونك مو اميرتك اني شلون اتخليني بابا اهئ اهئ بابا ردت اسويلك حفلة عيد ميلاد اخذت الفلوس منك ردت اسويلك حفلة وتاليها اترووح اكعد لاتعذبني هيج مو كد هذا الحمل اني بعدني صغيرة حتى افقدك بابا لاتعووفني الدنيا اتخوف وانت سندي الوحيد جنت ليش اتعوفني جروني من يمة لكيت امي منهارة فقدت ذاك اليوم حسيت الدنيا ضلمة بعيني كمت مااحس بشي بس مصدوومة مااصدك لا مستحيل بابا يعوفني

للحكاية بقية ...