شيخ كلبي

البارت السادس عشر

البارت السادس عشر

فواز..صرت احاول وياها بكل الطرق حتى ترجع ورافضة حتى الاساتذة ودكاترة الجامعه حجيت وياهم حتى يقنعوها وماكو فايدة قافلة

جوان...كعدت الصبح بدلت دا اطلع للجامعة واشوف كدام باب الشارع ورد وكاتب احبج سامحيني بنص الشارع
ههه 😄خبل ياربي بس ماارجع

وصلت للجامعه وامشي واشوف لافتة يم القسم مالي شكبرها مكتوب اسف سامحيني احبج ام بيتي رجعيلي ولاتعذبيني
وصديقاتي متخبلات

اية..لج خبلة والله حرام عليج امبين ايحبج وندمان كلش وجمالة شلون رجال عدها هيبة وشخصية وحلو

جوان..انجبي

اية..اتحبي انتٍ هم ليش اتكابرين ترة يمل ويروح لغيرج شفتي شلون غرتي علي من كتلج حلو

جوان...ماريد ارجع

فواز..حاولت هوواي ومافاد ماخليت احد ماتوسلت بي حتى ترضى وترجع ومافاد
بكل الطرق حاولت ومافاد شكد عنودية ياربي

خابرني جدي وكلي ارجع للديرة اكو مشكلة صايرة بين عشيرتنا وعشيرة ثانية ولازم ارجع احلها

رجعت للديرة والمشكلة كلش جبيرة ولد عمي متعاركين وية ابن شيخ العشيرة الثانية وشاكين راسة لأن متعرض لبناتنة وماعدنة شهود علي ورادو يفصلونة ورفضنة لأن هو الغلطان ومتعرض لبناتنة

جوان..كاعدة بالبيت بالليل واگلب بالنت واتذكر فواز من اول يوم شفتة لحد هذاك اليوم والله احبة بس جرح كرامتي كلش وكسرني شلون اسامحة

نمت بالليل وماكدرت انام مخنوكة واحس نفسي ثكيلة مدري من الحمل مدري شبية بس الوب طلعت برة لبست جاكيت وكعدت بالحديقة اشتم هوا وماكو قريت ايات هواي .الم نشرح لك صدرك ..نفس الصار بية بليلة الي مات بابا بيها حسيت صاير شي الليل كلة مانمتة بس الوب

جوان..رحت الصبح للجامعة كاعدة افكر بيني وبين نفسي وينة فواز ليش اختفى كل يوم جان يجي معقولة حجي اية مل وراح لغيري لا لا مستحيل اذا رجعلي وما مل راح ارجعلة واذا مااجة راح انساه

كاعدة بالمحاظرة ومااتحملت واستأذنت وطلعت كعدت برا
دك تلفوني رقم غريب
جوان...الوو منو
الوو اني عمج صالح

جوان..هلا عمي شلونك

عمي صالح..مو زين بنيتي مصيبة فوك راسنة

جوان..شكووو مصيبتيش يا ستار

عمي صالح..اهدي بنيتي بس فواز متصووب

جوان..شنوو شبي فواز لا عمي كول غيرها كول كاعد تتشاقة بس حتى ارجع

صالح..بنتي هيج موضوع مابي شقة قبل مايفوت للعمليات وهو ايكلي جوان اريدهة اريد احجي وياها

جوان..عمي تعال اخذني الله يخليك بسرعة

صالح..دزيتلج ابني ايوب هسة يوصلج