شيخ كلبي

البارت الخامس عشر

البارت خامس عشر

جووان..مر شهرين واني من طلعت من البيت اووف الشي الوحيد الي مصبرني ابني الي ابطني احس بطني كبرانة شوية وبس اباوع عليها بالمرايا شعور حلو تحس روح ثانية جواك وراح اصير ام شوكت تكبر واتكوم اتدفر اضل احجي وياه واسولف واكلة شوف ابوك اشسوة بية وماصدكني ولاحتى سأل عني ومثل الخبلة اشتاقلة

بديت اداوم جامعة واروح واجي نفسيتي صارت احسن امي رجعت للبنك اتداوم ورجعنة سوة بالبيت اني وياهة
فواز..مرت الايام افكر بيها وماتروح من بالي وبس احلم بيها تبجي واتكلي ظلمتني ليش مكاعد اتروح من بالي
ومن جهة امي خابصتني ابمرام اتزوجها وكل يوم متعارك وياها

بعد مرور شهرين

جوان..اجة الشتا وباردة الدنيا صارت ياربي شنو البس هسة بطني. كبرانة والهدوم ضيقة صارت لازم اروح لسوگ اشتري هدوم
رحت لسوك اشتريت هدوم بس اباوع على الناس كل اثنين لازمين ايد بعض واني وحدي ماكو احد وياي 😢
ليش هيج حظي

فواز..تعبت بس افكر بيها وماتروح من راسي تعبان كلش والهم اشكبرة فوگ راسي والله حبيتها كلش ياربي بس مااكدر صعبة الخيانة واشتاقلها هواي

جوان ..عندي صديقات صار بالجامعه هواي انسولف كمت اطلع وافوت وياهن شوية النفسية اتغيرت

فواز..كعدت الصبح بدلت ونزلت شفت امي ومرام اهووو هاي اشجابها بلكوة يلزكوهة بية

فواز..اني طالع

ام فواز..ماتتريك مرام حظرت الريوك وخابزة ومسوية عروك تدري اتحبة جابتلك واجتي من الصبح

فواز..ماريد زقنبوت وطلعت عصبي صعدت بالسيارة شناسي اني اوووف الموبايل
نزلت حتى اجيب الفون بعدني مافايت اسمعهن يحجن

مرام..حرنة شنو سوينة حتى يعوفها الحبوب والرسالة وكلنة هاهية  راحت وماخلصنة وبعد مايباوع بوجهي

ام فواز..صبري كم يوم وشوفي شلون يتغير

فواز..فتت عصبي يعني كل هذا من راسكم جان الله لايوفقج ولايهنيج مرام وانتي امي هيج اتسوين بأبنج واتدمرين حياتة علمود بنت اختج اطلعي برة مرام  ماريد اشوف وجهج بعد ودواج عندي وانتي امي انسي عندج ابن اسمة فواز

ام فواز..ووالله جنت خايفة عليك منها واريدلك الخير

فواز..انتي دمرتيني نهيتيني مو تريديلي الخير

طلعت من البيت والدنيا طالعة من عيني بوجهي لبغداد واريد الطريق يخلص ومايخلص وصلت لبيتهم دكيت الباب طلعت امها
فواز.. السلام عليكم

ام جوان ..وعليكم السلام هلا يمة فواز فوت اتفضل

فواز..فتت للبيت وشلون راح اباوع بوجها بعد كل الي سويتة بيها وظلمتها ضليت اباوع واتلفت اريد المحها

فواز..وينها جوان جيت اعتذرلها وندمان كلش والله

ام جوان..بالدوام هسة

فواز..يادوام

ام جوان..داومت كلية رادت تنتبه لحياتها ومستقبلها ورة ماشمرتها ماتجي هسة لل1

فواز..وين اتداوم هي مااتحمل بعد لل1

اخذت العنوان ورحت للجامعة سألت وين قسمها سألت عليها كالو خلصت المحاظرة وطلعت وية صديقاتها

دورت عليها بكل الجامعة بس اريد المحها

شفتها من بعيد كاعدة هي وصديقاتها على مصاطب وتضحك واتسولف اووف شكد مشتاق لهل ضحكة

جوان..طلعت من المحاظرة وية صديقاتي وكعدنة انسولف يضلن يصنفن علية ويضحكن يطلعني من جو البي جنت يصنفن علية شلون امشي مثل البطة وبطني كبرانة وشلون سمنانة واضحك عليهن شلون ايصنفن وباوعت صفح ولمحتة هو لا مو هو اي هوو اتقدم علية
فواز..السلام عليكم شلونج جوان

جوان..وعليكم السلام تمام شتريد

فواز ..اريد احجي وياج

جوان..من رختصكم بنات اشوف شنو ايريد

فواز ..كامت جانت لابسة جاكيت طويل مغطيها ومفتوح من كامت بطنها جبيرة مامبينة من كاعدة

فواز..انتي حامل 😳

جوان..لا مو حامل كرشي هذا الله يا الله 😒

فواز..ياشهر

جوان..بالخامس شكو جيت شتريد

فواز..ليش ماكلتي حامل

جوان..اني جذابة ماتصدكني

فواز..والله ندمان لأن ماصدكتج والله جاي اعتذر منج حبيبتي والله كاعد اتعذب بدونج ظهري انكسر بغيابج انظلمتي واني الي ظلمتج غلطان والله بس اي واحد يسوي مثلي كل يوم احلم بيج واكعد مخنوك

جوان..اوك وشتريد هسة

فواز..اريدج ترجعين إلي انتي حلالي

جوان...تحلم بعد ارجع وياك انت دمرتني فواز وجرحتني هواي ومستحيل اسامحك

عفتة ومشيت رجعت للبيت اتعاركت وية امي لأن انطتة مكان الجامعه

فواز..رحت لبيتنة الي ابغداد بتت بي والليل كلة ادك عليها ماترد لوترفضة

جوان..الليل كلة ثبرني بس ايدك ويدز رسائل

فواز..مشتاقلج والله لاتعذبيني سامحيني حبيبتي مشتاقلج هواي مشتاق لعيونج الحلوات الي يضيعني من اباوع بيهن مشتاقلج حسي بية حبيبتي وارجعي احبج

انا العاشق لعينيك
برب العشق فرحمني
وخذ بي بين يديك
نبض القلب اسمعني
وضمد جرحي الدامي.
مني اليك فأخذني
وشافي مر علقمك
حيث الشأم يحملني
وداويني ببعض الحب
طمأني وصبرني
وخذ مني ياروح القلب
صدق ليس يشغلني
او حتى فخذ بالروح
حطمني واخبرني
بأن القلب منك منك ملكن
لغير عنك ابعدني
وكل قسوتك بكرهاُ
منك واتركني
فلا ادري مابال القلب
مني إليك يهجرني
وخيار روحي صار انت
اراها روحي ترمقني
تقول بكل قسوتها
بغيرك سوق تقتلني
اراني اذوب ياعمري
ولا ادري مايجبرني
نيران فتشعلني ودمع
الذات يغرقني
وانت اراك تأسرني
مني إليك تسرقني
اراني اذوب ياعمري
وليس سواك ينقذني

للحكاية بقية .....