- الـفـصـل الـخـامـس و الـثلاثـون و الأخـيـر -
"إنه الله؛ يراك وأنت تخوض المصاعب، وتتعرقل، وتتعثر، وينكسر قلبك، وتبكي، وتحزن وتفكر كثيراً هل من حل ؟!
إنه الله شهيد على كلّ تنهيدة وجع فلا تقلق فعنده الفرج والشفاء، لذا هذّب قلبك، وامسح على أحزانه وانتشلهُ من أقاصي ضلالاته و نبئ قلبك أن كل سعادة فيما سوى الله زائلة، وستُصيبك رحمة الله من حيثُ لا تعلم في الأوقات التي تحسبُ فيها أن النجاة مُستحيلة."-----------------------------------------------------------
بعد عدة ساعات ..
ظل جامداً و هو يجلس على إحدى المقاعد بصمت تام ، ينظر إلى نقطة فارغة بشرود و ضيق كبير يملئ صدره ، نظر بجانبه إلى أمير الذي هتف بضيق : ما تفهمني يا هادي هو حصله إيه ؟
مسح الآخر وجهه بغيظ و نفاذ صبر : وأنا هعرف من فين يا أمير ..! معرفش معرفش أنا زيي زيك هنا مستني دكتور يطمنا ..
عاد أمير إلى الخلف بغيظ : بالراحة مالك بتزعق ليه كدا ..! خلاص يا سيدي مستنيين دكتور يطمنا ..
نظر له هادي بطرف عيناه و هو يبتسم بجانبية : بس إيه كل الحب لـ يامن و عمر دا ها ؟ متأكد أنه من قلبك ؟
حك أمير ذقنه ببعض من الغيظ و هو يهتف من بين أسنانه : لا ، مصلحة مصلحة ... في النهاية يعتبر أنهم أخوات جيداء ..
ضحك هادي بيأس و حسرة ماسحاً وجهه : أنت إنسان مفيش منك فايدة ..
صمت بعدها و هو يتنهد بقوة ناظراً إلى الغرفة التي أدخلوا بها عمر و لم يتلقى خبر من حينها ، مرت دقائق قليلة عليه قبل أن ينتفض بسرعة حين خرج الطبيب بملامح حادة و ربما غاضبة ، أقترب منه سريعاً هاتفاً بقلق و تردد : خير يا دكتور ؟
تنهد الطبيب بحدة و ضيق هاتفاً : حقيقي أنا مش عارف أقولكم إيه ..! الحالة دي أنا متابعها من شهور و كل مرة الوضع بيكون أسوء مية مرة من اللي قبلها و دا سببه أن حضراتكم مفيش أي إلتزام بالعلاج أو المتابعة عشان نقدر نسيطر على أي سوء بيحصل في العضو ..
رد هادي بقلق و تردد : يا دكتور يمكن مش السبب إهمال الأدوية ، هو حالياً بيمر في فترة صعبة و نفسياً مش كويس و أظن دا بيكون ليه تأثير قوي على المريض ..
هز الطبيب رأسه بحدة متابعاً : أكيد ليه تأثير كبير جداً ، بس مستحيل يكون ملتزم بالأدوية ، و أنا متأكد أنه مش بياخد أدوية ، لأن عملنا فحص دم و مفيش أي مواد في جسمه ، دا ولا حتى مسكن ... سايب نفسه خالص ، و المفروض الأدوية اللي كنت كاتب أنه ياخدها تقلل المناعة عشان توقف أنها تهاجمه ، بس الوضع العكس ، حتى أنها بدءت تهاجم المفاصل و باقي الأعضاء ، للأسف مكنتش عايز أننا نوصل للمرحلة دي بس الكبد يكاد يكون توقف عن العمل ، و وارد أنه يوقف تماماً ..
أنت تقرأ
غَـرْقَــى
قصص عامة"جميعنا غرقى.. بالحزن، بالظلام، بالقهر والوحدة مُتعبون نحن حد الثمالة لا شيء سوى العبث، العجز، و الإندثار مركبنا قُطعت أشرعته.. تسلل ماء الظلم إلينا، واصطادنا البحر بشباكه، قبل أن نغرق فيه، غرقنا في اليابسة ألف مرة، وظننا لفرط سذاجتنا، بأننا ناجون...