روح الرعد
البارت الرابع والعشرون
عند احمد وليل رجع احمد الفيلا لقا ليل بتعيط
احمد بندم: ليل حقق عليا كانت تتقطع ايدي قبل ما تتمد عليكي انتي عصبتيني بكلامك وانا اسف معرفتش امسك عصبيتي
ليل: بعيد الشر عليك يا احمد متقولش كده
احمد :يعني انتي خايفه عليا
ليل: اها خايفه عليك دي انت حبي...
احمد :سكتي ليه كملي يا ليل.. بحبك انتي ولا حبيت غيرك ومخنتكيش انتي فاهمه غلط
ليل: فاهمه غلط ازاي وانا شفتك بعيني
احمد: مخنتكيش في الوقت اللي دخلتي فيه المكتب كانت السكرتيرة هتقع وانا لحقتها وفي الوقت ده انتي دخلتي فيه وشوفتي الي حصل ومشيتي ومردتيش تسمعيني ومحبيت غيرك ولا خنتك انتي حبيبتي وبنتي وامي وصحبتي يا ليل متبعديش عني تاني
ليل: بجد يا احمد
احمد: بجد ياقلب احمد
وشالها احمد وحطها علي السرير
ليل: ابعد يا احمد هتعمل ايه
احمد : هشش هتعرفي دلوقتي
ليل بكسوف: لا ابعد عاوزه انام
احمد: ما احنا هنام (وتسكت شهرزاد عن الكلام الغير مباااح)
عند روح ورعد
رعد اخد روح مطعم يتعشوا في
رعد: المكان عاجبك
روح: حلو اووي المكان ده
رعد:كنت متأكد انو هيعجبك
روح: مغرور اوي انت
رعد: احنا طالعين من غير خناق بقا هااه
روح: هو انت عندك كل حاجه بالخناق اصلا يارعد
رعد: عارف اني عصبي بس انتي الي بتعصبيني ياروح
روح: انا الي بعصبك ولا انت الي بتيجي وتطلع عصبيتك عليا يارعد
رعد: طب خلاص حقك عليا
روح :ايه ده انت سخن ولا ايه يارعد
رعد: لا بارد
روح: بجد انت بتتكلم بجد ولا انت مش كويس
رعد بضحك: لا كويس ياستي وعارف بقول ايه كمان
روح وسرحت في ضحكته
انت ضحكتك حلوه اوي
رعد: منا عارف انها حلوه وبتسحر كل البنات
روح بغيره: بنات مين دي بقا ان شاء الله
رعد: دي احنا بنغير بقا
روح: وانا هغير ليه انا كنت مفكراك مش بتضحك اصلا طلعت بتضحك زينا
رعد: ليه مش بشر ولا ايه ياختي
روح:لا انت علطول عصبي معايا
رعد بحزن: حقك عليا يلا ناكل بقا عشان عاملك مفاجأه تانيه
روح: مفاجأة ايه
رعد: لما ناكل يلا
وبعد شويا رعد لسه هيخرج هو وروح لقي رساله من رقم غريب ع تلفونه رعد شافها واتصدم من الي شافه
روح: ايه بقا المفاجأه التانيه
رعد قام فاجأه وشدها وطلعوا بره المطعم ركبها العربيه
روح: رعد مالك بتشدني كدا ليه رعد
رعد: اخرصي خالص مسمعش صوتك انتي فاهمه
روح: رعد مالك من شويا مكنتش كدا رعد
رعد: قولتلك اخرسي مسمعش نفسك
وبعد شويا وصلوا البيت نزلها رعد وشدها ع الاوضه
روح: رعد سيب ايدي متشدنيش كدا
صفاء: رعد ف ايه يابني مالك وشادد روح كدا ليه
حنان: ف ايه يارعد سيب بنتي وشددها كدا ليه خارجين من شويا حلوين
رعد: محدش ليه دعوه واحد هو ومراته هو حر محدش يدخل ولا يجي هنا الاوضه دي انتوا سامعين ورزع الباب وراه
روح: رعد بالله عليك اهدي ممكن تفهمني انا عملتلك ايه
رعد ضربها بالقلم ع وشها: انا هقولك عملتي ايه يا خاينه يازباله انتي زيك يبقي مكانه ف الشارع مش هنا اها ياواطيه يا الي عملتلك قيمه وانتي متستاهليهاش
روح: انت بتقول ايه انت مجنون
رعد ضربها قلم تاني: انا هوريكي مين المجنون دي عاوزه جوازنا يبقي ع ورق وتطلقي صح وانتي دايراها ع حل شعرك صح وانا بقا عاوز حقوقي الشرعيه
روح: انت مستحيل تعمل كده ابعد عني
رعد: مستحيل ليه انا حتي جوزك ولا الغريب احسن مني فين صورك ياست هانم
روح: صور ايه انت عبيط
رعد: وانا بقا هوريكي مين العبيط دي وزقها بعيد وقعد يدور ف الاوضه كلها لغايت ما لقي صور لروح مع شاب
رعد: ممكن افهم ايه ده بقا يا هانم يامحترمه
روح: دي مش انا صدقني اول مره اشوف كدا اصلا
رعد شدها من شعرها: تعرفي انتي واطيه اوي ونزلتي من نظري اوي واحده خاينه زيك متستحكش اني المسها ولا تبقي ع زمتي يوم واحد
روح: رعد انت فاهم غلط دي مش انا.. انا معملتش كده صدقني
رعد: وانا هوريكي هعمل ايه هتفضلي هنا خدامه مش اكتر انتي فاهمه خروج من الاوضه دي ممنوع انتي فاهمه مش رعد الجارحي الي واحده زيك تعمل فيه كدا وسابها ومشي ورزع الباب وراه
روح بعياط هستيري: دي مش انا رعد رعد اسمعني يارعد
نزل رعد ع السلم
حنان: رعد انا عاوزه اشوف بنتي افتح الباب
صفاء: افتح الباب يارعد مينفعش كدا يابني
رعد: محدش يجي جمب الباب دي واي حد يجي جمبه ميلومش الا نفسه انتوا فاهمين
احمد: شكلي غلطت لما وافقت اني جوزتك بنتي يارعد افتح الباب وهاخدها ونسافر مصر
رعد: مراتي مش هتسافر ف مكان وباب مش هفتح ومحدش يدخل مع واحد ومراته انتوا فاهمين وسابهم ومشي
حنان: احمد انا عاوزه بنتي خليهم يفتحوا الباب بنتي جوه
الجد: محدش يدخل معاهم وكل واحد ع اوضته يلا
احمد: بس يابا بنتي
الجد: قولت يلا وهو شويا وهيصالحها محدش يدخل
وغادروا الجميع ع غرفهم
عند رعد فضل يلف بالعربيه بتاعته ونزل ف مكان فاضي وفضل يبص للصور وفاجأه زعق بصوته كله اهاااااااااا ليه كدا ياربيي ليه بيحصلي كدا كانت سبب ف اني اتنازل عن كبريائي وغروري معاها وكنت خلاص هعترف اني بحبها ليه تخوني كدا بس وحيات حبي ليها لهنتقم منها وع كل حاجه عملتها هيا والخاين الي معاها وفضل يلف بالعربيه شويا
ف غرفه صفاء وجوزها محمد
صفاء: عجبك اللي ابنك بيعمله دي هيضيع البت من ايده وهو بيحبها
محمد: الله اعلم حصل ايه بينهم
صفاء: وانت تايه عن ابنك وغروره معرفش طالع مغرور لمين يعيش معاها يومين بدل ميفضل كدا وغروره دي هيكسره اول واحد
محمد: بكره يندم ع الي بيعمله ربنا يهديه ياصفاء ادعيله
صفاء: ربنا يهديك يابن بطني يارب
وبعد مرور اسبوع
روح ورعد
رعد مرجعش البيت من اليوم الي اتخانق فيه مع روح وروح قاعده ف اوضتها مبتكلش ومش بتكلم حد وفتحوا ليها الباب وهيا مش بتطلع من اوضتها
ف يوم قاعده روح لوحدها ف اوضتها وفاجأه جالها اتصال من شهد
شهد: روح حبيبتي عامله ايه بقالي اسبوع بكلمك مش بتردي ليه
روح: بتعب: معلشي ياشهد مشفتش الفون انتي عامله ايه
شهد: انا مش كويسه خالص ياروح
روح: مالك
شهد: رجع هددني تاني بالصور ياروح وعاوزني ارجعله الشقه تاني غير كدا هيفضحني اعمل ايه ياروح انتي قولتيلي انك هتساعديني لما ترجعي مصر بس شكلك مش هترجعي
روح: لا هرجع يومين كدا وراجعه
شهد: بجد ياروح
روح: اها راجعه متخافيش فاجأه دخل عليها رعد ولقت شهد قفلت فاجأه تحت استغراب روح انها قفلت بس ما اهتمتش
رعد: والهانم بتكلمه تقوله انها رجعاله مصر عشان وحشتيه مش كدا بس دي بعينك
روح: هو انت عبيط هو مين دي وبعدين اها انا راجعه مصر وملكش حق انت فاهم
رعد شدها من شعرها: شكلك مش بتفهمي رجوع مصر لحبيب القلب مفيش وبعدين متستعجليش هجبهولك عشان ساعتها هقتلك واقتله ميشرفنيش واحده خاينه زيك
روح: انا مخنتكش والصور دي معرفش جات منين
رعد بضحك: متعرفيش منين وانتي ف حضنه تعرفي منين صح مش كدا انتي مفكراني عبيط زيك ولا اهبل اصدق الكلمتين دول
روح: تصدق ولا متصدقش انت حر انا هرجع مصر يارعد وهطلقني طلقني بقا يا اخي
رعد زقها فاجاه: لما اخد حقي واشوف كلامك صح ولا لاء الاول دي لو كلامك صح
روح: مستحيل ابعد عني رعد ابعد
رعد مسمعش كلامها وانقض عليها تحت صراخها
روح: رعد ابعد.. ابعد متعملش كدا صدقني مخنتكش انا بكرهك يارعد بكرهك
فاجأه رعد قام وملمسهاش: وشدها من شعرها احسن انك بتكرهيني وخليكي فاكره الشكل دي بقا كتير عشان هتكرهي اكتر ياروح وسابها ومشي وهيا فضلت تعيط
عند شهد قفلت مع روح وهيا نايمه ف حضن المجهول
شهد: حلو اوي كدا وقفلت اول ما دخل عشان الخطه تكمل
المجهول: بس شاطره عملني زي ما قولتلك بعد ما فبركت الصور انا وانتي وعملتها معاها ومع شاب بس شغبط ع وشه عشان تبقي ضربه قاضيه لما يعرف مين اللي معاها
شهد: وانت ناوي تعمل ايه وتخليها مع مين
المجهول: لا دي ف وقته الوقتي وقتك انتي ياجميل
شهد: بضحكه مايعه وانا بقول كدا بردو وفعلوا ما حرم الله
عند ايه وعمر
عمر وآية عايشين حياتهم بين الحب والهزار والخناقه بينهم بس بردو بيحبوا بعض وحبهم بيزيد كل يوم
عند ليل واحمد
احمد قدر يصالح ليل وعاشوا احسن اسبوع من رخامه ليل علي أحمد وغيره احمد علي ليل وحبهم بيزيد كل يوم
روان وآدم
ادم بيضايق روان وكل يوم يروح ليها الجامعه وآدم اعترف انو بيحبها وقرر يتقدملها اما روان حاسه بشعور تجااه ادم وبترخم عليه لما بيجيلها الجامعه
عند فرح حاسه ان حاجه ناقصاهه ونفسها ترجع الصعيد تاني اما محمود اعترف لنفسه ان حب فرح اووي وعاوز يشوفها تاني ويعتزر لها علي خناقته معاها ديما وعاوز يقول لجده انو يتقدم لفرح
اما سماح ونوران عاوزين ينفذو الخطه بتاعتهم عشان نوران تتجوز رعد وكل حاجه تبقي بتاعتهه هيا
عند احمد وليل
ليل: انا عاوزه انزل الجامعه يا احمد دي اخر سنه ليا
احمد: حاضر يا حبيبتي هتنزلي معايا الصبح هوديكي ولما تخلصي هاجي اخدك
ليل: بجد يا احمد انت موافق
احمد :ايوا ياقلب احمد دي حلمك ولازم تحققيه
ليل: انا بحبك اوي يا احمد
احمد : وانا بعشقك ياحيات وقلب احمد
فرح: الله الله نستني يا احمد خالص انا كده هغير من ليل
احمد: تعالي ياقرده هو انا اقدر انساكي بردو دي انتي اختي يابت وكل حاجه ليا
ليل: واختي انا كمان يافروحه
فرح: لا ازعل بقا انا انزل الجامعه وانتو بتستفردوا ببعض لما انا انزل
احمد: اهوه قرك ده الي هيجبنا الأرض ياختي
ليل: هنزل معاكي الجامعه بكره ياختي متخافيش
فرح: ايه دي بجد
احمد: ايوا هتنزل من بكره ويلا تعالوا عشان نتغدا
عند عمر وآيه
آيه:عمر يلا هتتأخر علي شغلك اصحا بقا
عمر: هو حد يسيب القمر ده ويروح شغله بردو
آيه: معلشي ياحبيبي بس يلا بقا عشان ننزل كل يوم بمنزل متأخرين علي الفطار
عمر: ايه يعني عادي يا يويو
آيه: طب يلا بقا عشان ننزل سوا
وبعد شويا نزلوا مع بعض
صفاء: صباح الخير ياحبايبي
آيه وعمر: صباح النور يا ست الكل
سماح: انا امك لو كنتي نسيتي يا آيه مفيش صباح الخير يا ماما ولا ايه دي مرات عمك وانا امك انتي فاهمه
آيه: انتو الاتنين ماما يا ماما وبعدين احنا قولنا صباح الخير للكل
سماح: انا بس الي امك انتي سامعه دي تبقي مرات عمك وبدل متتكلمي معاها اتكلمي مع امك
آيه: هيا امي زي ما انتي كمان امي وانا بتكلم معاها عشان انتي مش فاضيه الا لي تختيطك وبس
سماح: اسكتي قطع لسانك الظاهر ان مرات عمك ملت دماغك كلام من نحيه امك
عمر: لو سمحتي يامرات عمي متعليش صوتك علي مراتي وانا امي مش بتملي دماغها بكلام من نحيتك لو انتي حاسه من نحيه الامومة هتفهمي بنتك من نفسك مش محتاجه انها تتكلم عشان تفهمي
سماح: ولا وبقيت تعلي صوتك عليا انت كمان يابن صفاء وكمان بتملي دماغ بنتي انت وامك
يوسف:بس بقا ياسماح حصل ايه لكل ده انتي لازم تعملي خناقه مع أي حد وخلاص
الجد: اعملولي احترام انت وهيا انا لسه ماموتش عشان تتخانقوا قدامي كدا ومتعمليش حساب ليا انتو فاهمين وانتي يا سماح اي كلمه تاني وهتشوفي وش مني عمرك مشفتيه وسابهم ومشي
واحمد ومحمد ويوسف وعمر ومحمود راحوا الشغل
سماح ونوران طلعوا متعصبين جدا سماح اتعصبت من بنتها الي بتحب مرات عمها عنها مش طلعت زي نوران بتسمع كلامها ونوران قررت انها هتنفد خطتها ف اقررب وقت
صفاء: معلشي يابنتي دي مهما كان امك مينفعش كنتي تعلي صوتك عليها كده
آيه: مكنش قصدي ياماما والله كلامها الي ضايقني وانها بتقعد مع نوران كتير حتي اختي مش قريبه مني
حنان: معلشي يا آيه الام يابنتي مش بتفرق بين الضنا تلقيها بس الي زعلت عشان مش بتكلميها علطول
آيه: المفروض مين يكلم مين بس ياماما هيا الي بتعاملني كدا
صفاء: معلشي ياضنايا حقق عليا انا ربنا يهديك يارعد يابن بطني وتقدر روح قبل ما تضيع منك يارب
بقلمي🖊️دعاء محمد نصر
ВЫ ЧИТАЕТЕ
روح الرعد "(الجزء الاول)"
Детектив / Триллерهو عنيد حد الموت ومتملك ف حبها ويغشا ان تتركه فهو احبها وبصدق تام هل هيا ستحبه مثل ما هو احبها ام ستتركه روح الرعد(الجزء الاول)
