روح الرعد "(الجزء الاول)"

البارت الرابع والثلاثون

روح الرعد
البارت الرابع والثلاثون
في جنينه القصر
ادم: اخيرا بقيتي مراتي يارورو
روان: ادم انا بحبك اوي
ادم: وانا بعشقك ياقلب ادم
روح: رعد تعالا نطلع للعرسان
رعد: اقعدي ياروح تطلعي فين بس
روح : مليش دعوه يلا نطلع بقا
رعد: مينفعش ياروح انتي حامل
روح: لو مطلعتش معايا هطلع بالبطيخه بتاعتي لوحدي وبعدين انا لسه في الخامس فيلا بقا يارعد
رعد: أمري لله يلا يا آخره صبري
عند احمد وليل
ليل: احمد متطلعش لوحدك يا احمد خودني معاك
احمد : مينفعش يا ليل تطلعي خليكي هنا احسن
ليل: اها قول كده بقا انك مش عاوز تطلعني معاك عشان محدش يشوفني وانا كده معاك منتا مبقتش تحبني
احمد: هووص بس يا ليل انا غلطان تعالي بدل متفتحي هرموناتك دي ونبوظ الفرح
عند عمر وايه
آيه:عمر عشان خاطري عاوزه اطلع روح وليل طلعو
عمر: ياحبيبتي مينفعش
آيه: طب هطلع ومش هتحرك عشان خاطري بقا ياعمر
عمر: حاضر يا آيه يلا
طلعوا الكل والبنات رقصت مع بعد والشباب رقصوا مع بعض والاتنين عملوا فرقه حلوه اوي
وفاجأه رعد بيدور ع روح مش لقيها
رعد: ماما مشوفتيش روح
صفاء: لا ياحبيبي طلعت معاك ومنزلتش من وقتها
رعد: ازاي كلنا بنرقص هيا اللي مش موجوده
حنان: دور عليها تاني كده او شوفها فوق
وبعد شويا رعد فضل يدور ع روح والكل بدأ يدور عليها لكن ملهاش اثر
رعد: هتكون راحت فين يعني
احمد: اهدي يارعد وهنلاقيها
رعد: اهدي ايه ومراتي مش موجوده
ادم: كلنا موجودين هتكون راحت فين
وفاجأه تلفون رعد رن وكان رقم غريب
رعد: الوو ميين
المجهول: تؤتؤ رعد الجارحي بنفسه ميعرفش مين بيتصل
رعد: مين وعايز ايه اخلص
المجهول: اهدي ع نفسك كده ومتتعصبش دي الحلوه مراتك معايا تخصك ولا متخصكش
رعد: لو جيت جمبها او ازيت شعره منها هوريك هو مين رعد الجارحي
المجهول: دلوقتي مراتك ف ايدي يعني انت اللي تتبع اوامري
رعد: ومين قالك ان رعد الجارحي بيتبع اوامر حد ومراتي هخدها منك
المجهول: ههههههههههه ابقي وريني ازاي وقفل الخط
رعد: وربي مهرحمك
احمد والد روح: مين دي يارعد وعاوز من بنتي ايه
رعد: معقول يكون معقول
ادم:ف ايه يارعد فهمنا
رعد: روح اتخطفت
صفاء: ايه ومين خطفها وعاوز منها ايه يابني
حنان: بنتي انا عاوزه بنتي يارعد رجعلي بنتي يا احمد
احمد والد روح: اهدي ياحنان وان شاء الله هترجع سليمه
رعد: مراتي لازم تكون هنا وخلال ساعه
احمد: كامرات المراقبه فين نشوفها
وراحوا شافوا كامرات المراقبه كانت متعطله وقت اختطاف روح وطبعا رعد مش هيسكت ع كدا ابدا دي ميبقاش رعد الجارحي😂مغرور اووي 😉😂
عند روح كان مغمي عليها بدأت تفتح عنيها وتفتكر اللي حصل
فلاش باااااك
رساله جات لروح ع الفون انها تطلع بره ف حاجه ليها ولازم تستلمها فضلت تنده ع رعد تقوله بس مسمعهاش فطلعت هيا اول ما طلعت لقت حد رش حاجه ع وشها وخدوها ف العربيه ومشوا
باااااك
روح بخوف: انا فين
الحارس: صحت بسرعه نعمل ايه
الحارس التاني: كلم الباشا الاول لحسن نعمل حاجه وفيها رقبتنا
الحارس: اديها منوم تاني
الخارس التاني: لا مش شايف بطنها لتروح فيها انا هروح ابلغه
وراح الحارس بلغ المجهول
المجهول: حلو اوي انها صحت روح انت وانا جاي وراك
شهد: هتعمل فيها ايه ياروحي هتخلص منها
المجهول: ايوا ياحبيبتي هخلص منها
شهد: اخيرا بقا هخلص منك ياروح وقالت بخبث: انت وحشتني اوي يابيبي انا موحشتكش
المجهول: اوي اوي ياحبيبتي وخاد منها قبله ف الهواء
وراحوا عند روح
روح: ارجوك خليني اطلع من هنا انا معملتش حاجه انا هنا ليه
دخل المجهول: اقولك انا ليه
روح بصدمه: مازن
مازن: ايوا مازن ايه اتصدمتي ليه(عاوزه اشوف وشكم لما تعرفوا ان المجهول مازن حد كان يتوقع اكيد🤔😉😂)
روح: مازن خليهم يطلعوني من هنا ورجعني لرعد
مازن وضحك بصوته كله: رعد هو انتي لسه بتفكري ف رعد بعد كل اللي عمله فيكي غيرك كانت سابته من زمان تروحي لواحد عاوزك وبيحبك وبيقرب عليهاا
روح: مازن انت مجنون رعد جوزي وصاحبك ازاي بتقول عليه كده
مازن: صاحبي رعد عمره مكان صاحبي طول عمره شايف نفسه الاحسن ف كل حاجه وان مفيش زيه بس انا هنهي رعد الجارحي ده وللأبد هكسر غروره
روح: معاش ولا كان اللي يكسره او يكسر غروره انت فاهم
مازن ومسكها من طرحتها: وانتي بتدفعي عنه ليه بعد اللي عمله فيكي عارفه كنت انا السبب
روح: انت ازاي
مازن: هتفضلي غبيه طول عمرك
دخلت شهد: طول عمرها غبيه يابيبي
روح: شهد انتي بتعملي ايه هنا
شهد: جايا اكسرك واذلك ياروح
روح: وانا عملتلك ايه وجوزي عمل فيك ايه
مازن: ياااه دي قليله اووي لما يجي تعرفي ياحلوه
شهد: هو انت لسه هتسيبها ارميها لأي كلب من اللي بره ينهشو فيها وبعدين اقتلها
مازن: انتي بقا ملكيش دعوه بيها فاهمه
شهد: لا مش بعد ده كله مش هيحصل اللي انا عاوزاه ولا عشان هيا حبيبه القلب
مازن: اها حبيبه القلب ويلا بره ونفذي وبس
شهد: مش هنفذ حاجه انا لازم انتقم منها خلي الحراس ينهشوا فيها واقتلها قدام رعد وبكده خلصت منها وكسرنا رعد
مازن: ياحراس
جي حارس: نعم يامازن بيه
مازن: شوفوا شغلكم معاها واتوصوا
شهد: مازن انت بتقول ايه ماااازن
انقضوا عليها كل الحراس
مازن: اشبعوا منها بقا
روح: حرام عليك ليه بتعمل كده ومستحملتش المنظر وغمضت عنيها
مازن: اهدي انا مستحيل اذيكي انا هنتقم من رعد واخليه يطلقكك وانا وانتي نتجوز وهتعيشي اجمل ايام ف حياتك
روح: انت مريض انت لازم تتعالج
بعدوا الحراس عن شهد
مازن: دلوقتي دورك انتها
شهد: يعني ايه
مازن: باي باي ياحلوه ورفع المسدس ع وشها
شهد: مازن متعملش كده انا همشي ومش هتشوف وشي تاني
وجات طلقه ف نص دماغها
مازن ضحك بشر: ودي اخرت اللي يتحدا مازن ياحرااس
الحارس: نعم يابيه
مازن: ارموها لكلاب السكك مازن عملت اللي كانت عاوزه تعمله فيكي ياحبيبتي جبتلك حقكك
(وهذه كانت نهايه شهد تستاهل والله اللي حصلها كما تدين تدان حتي لو بعد حين😂🤓مبسوطه اوي ف شهد دي تستاهلي يابت😉)
روح من الصدمه اغمي عليها
مازن: حبيبتي هسيبك ترتاحي عشان نمشي انا وانتي ونتجوز
وطلع مازن وساب روح مغمي عليها
ف قصر الجارحي الكل قلقان ع روح ليكون حصلها حاجه
تلفون رعد رن
رعد: لو لمست شعره من شعر مراتي لقطلك مكانك
مازن: اهدي كده وبراحه ع نفسك اظن اللي معايا مراتك وام ابنك صح
رعد: انطق قولي فين بدل معرف بطريقتي
مازن: خلتص تعرف بطريقتك بس براحتك بقا
رعد: انطق قول فين مراتي
مازن: صعبت عليا بص بقا يارعد ياجارحي اللي هقولك عليه يتنفذ بالحرف الواحد هتلعب بديلك يبقي انسي مراتك خالص
رعد: اخلص قول عاوز ايه
مازن: تعجبني وانت بتنفذ كده تطلق روح وتكون اوراق الطلاق معاك وشركه بتاعتك عاوزها بأسمي غير كده تطلع بره السوق كله ولما تيجي نتفق بالباقي ولو عملت اي حاجه هتندم واوي يابن الجارحي ولو بلغت الشرطه يبقي اترحم ع مرتك المصون
رعد: رعد الجارحي مبيتهددش ومراتي وهرجعها اللي انت عاوزه خده سلامه مراتي اهم لكن اطلقها دي لما تشوف حلمه ودنك
مازن: نص ساعه هبعتلك العنوان وتكون موجود ولوحدك ووراق الطلاق يكونوا قبلك وقفل الخط مستناش منه رد
احمد: انت هتسمع كلامه هطلق مراتك وتبيع شركاتك رعد انت اتجننت
رعد: مراتي اهم عندي من اي فلوس يغور دي كله المهم سلامه مراتي واولادي
احمد: ماشي رجع روح بالسلامه بس فكر ومتخسرش كل حاجه بسبب واحد زي ده
رعد: لازم انقزها بقي طريقه روح حامل ومش هتستحمل
احمد: هقولك نعمل ايه ونتحرك
وبعد تفكير عرفوا هيعملوا ايه
رعد: احمد مش عاوز ولا غلطه
احمد: انا هاجي معاك يارعد وادم هينفز الباقي
رعد: لا مش عاوز اخاطر بحياه حد تاني
احمد: لا خطوره ولا حاجه يلا بينا
واتحركوا همي الاتنين معا
وبعد شويا وصلوا المكان
رعد: احمد خليني ادخل لوحدي وخليك هنا انت
احمد: يلا يارعد بقا بقالنا ساعه بنتناقش وانا كده كده هدخل يلا ونزلوا من العربيه
تليفون رعد رن
مازن: دلوقتي اقدر اقولك وصلت لنهايتك يارعد
رعد: نهايتك انت دي بدايتي بس
مازن: مستنيك يابن الجارحي وقفل الخط
رعد: احمد مفيش وقت نتأخر اكتر من كده يلا
احمد: يلا ياصاحبي
ودخلوا احمد ورعد لقوا حراس
رعد هجم هو واحمد وحراسه
وشويا وكانوا خلصوا عليهم كلهم
ورعد دخل جوه لقا مازن
رعد بصدمه: مازن
مازن: مفاجأه مش كده
رعد: بقي انت اللي عملت كل ده انت اللي خطفت مراتي وبعت شهد ليها
مازن: ياااه اخيرا فهمت من زمان وانا مستني اللحظه دي اووي عشان اكسرك يارعد
رعد: طب ليه عملتلك ايه عشان تعمل فيا كده دي انا بعتبرك اخويا زي ادم ومحمود واحمد
مازن: عمرك معتبرتني زيهم كنت بتعاملني ع اني اصغر واحد فيكم ومبفهمش حاجه يوم ما اشتغلت معتك مسكت احمد مدير التنفيذ بتاعك وانا حتت عيل بتمشوا وراكم وكبرت وكبر اسمك ف السوق حاولت ابوظ ليك كل الصفقات كان احمد بينقزك مني ف اخر لحظه وتقولولي ياض انا مش عيل عشان كلكم تقولولي كده مراتك ايه نقيت صح واتجوزت عود لكن دي بقا هتبقي ليا انا وبس ومش هسبهالك يارعد انت متستحقهاش
رعد واقف مصدوم بقي يطلع كل ده من صاحبه اللي بيعتبره اخوه: مازن انت مريض تفكيرك وكلامك غلط انت مريض ولازم تتعالج ومراتي خط احمر ومش هسبها لحد طول مانا عايش اعتبرناك اخ لينا لكن انت عملت ايه طلعت خاين وواطي
ف الوقت ده دخل احمد
احمد باستغراب: مازن بتعمل ايه هنا انت لحقتنا ولا ايه وفين روح يارعد لقتها
مازن بضحك: اهو جي دراعك اليمين ومديرك التنفيذي بتفضله علينا ف كل حاجه ولا عشان كان يتجوز اختك لعبتها صح يا احمد واتجوزت اخته وبقيت كل حاجه ف الشركه وقت غيابه وانا بقا هنتقم منكم وهندمك ع اليوم اللي فكرت تقلل مني يارعد وتخليني اقل منكم ديما تقولولي العيل العيل وياض لاوانا مش عيل ولا ولااا انت فاهم
احمد: ايه اللي بتقوله ده يا مازن انت مجنون عمرنا مفرقنا مع حد او قللنا منك دي انت اخونا ياض
مازن: انا مش واض يا احمدد ايه عاوز تقوش ع كل حاجه بس بعينك ورق الطلاق فين يارعد
رعد: وانا مش هطلق مراتي عشان حتت عيل زيك دلوقتي بس اقدر اقولك انك عيل وبرياله كمان زمان لما كلنا بنقول كده لبعض هزار الصحوبيه اللي بينا وعشان انت اصغر واحد فينا بنحب ندلعك شكلك انت اللي مش بتحب تنضف وانا بقا هنضفك واوريك ازاي تعمل كده مع رعد الجارحي
وشد منه المسدس رعد
وقال: فين مراتي يامازن
مازن: بعينك اخليك تشوفها وضربوا بعض همي الاتنين واحمد دخل ف النص
عند روح بعد ما اغمي عليها صحيت ع صوت الرصاص وسمعت صوت رعد فضلت تخبط ع الباب ع امل ان حد يسمعها ويجي يأنقذها من هنا
تحت عند مازن ورعد واحمد
رعد: انطق فين مراتي يامازن
مازن: بعينك ورق التنازل وورق الطلاق الاول
رعد وسمع خبط من فوق
رعد لأحمد: خليك مع الكلب ده وانا هشوف روح فين
وطلع يدور ع روح
مازن: مش مهرحمك يارعد وفضل يضرب ف احمد واحمد يضرب في
رعد وطلع يدور ع روح وسمع خبط من فوق رعد: رووووووح

روح ومش عارفه تتكلم عشان بوقها مقفول بلزق
الحراس اللي ع الباب سمعوا الصوت ورعد طلع فضل يضرب فيهم لغايت ما قدر يوصل للباب
رعد: روح ابعدي عن الباب عشان اكسره
رعد: روح انتي سمعاني
روح: امممم امممم وبعدت عن الباب
وف دقيقه كان الباب اتكسر ودخل رعد شاف روح مربوطه ع الارض وايدها مربوطه لوره شال اللزقه اللي ع بوقها وفكها وخدها ف حضنه
رعد مسك وشها بأيده: روح انتي كويسه
روح: اها انت كويس
رعد: انا كويس انتي كويسه الاهم
روح: كويسه بس بطني بتوجعني يارعد
رعد: استحملي ياروح الرعد وهطمن عليكي انتي وبناتنا وشتلها ونزل بيها
مازن: مستحيل اخليك تاخدها يارعد بعد كل ده انا مش هخسر انت فاهم وساب احمد وطلع لرعد فوق لقي رعد طالع بيها من الاوضه
قال: مستحيل اخليك تاخدها انت فاهم ورفع المسدس ف دماغه
رعد: نزل المسدس يامازن
مازن: سيبها يارعد
رعد: مستحيل استغني عن روحي بطل مرض بقا انت ايه فووق
وف هذا الوقت جات الشرطه وادم وعمر ومحمود
رعد: سيب المسدس وسلم نفسك يا مازن
مازن: وانا مش هخسر روح ليا انا بس
هنا رعد مقدرش يستحمل اقدر من كدا ونزل روح ع الارض
روح: بلاش يارعد خلينا نمشي
رعد: متخافيش ياروح الرعد انا معاكي
روح: انا خايفه عليك يارعد
رعد: متخافيش
وانقض ع مازن وفضل يضرب فيه مراتي خط احمر يامازن انت واللي يتجرأ بس يبصلها انت صاحب واطي متستهلش ابدا ف يوم من الايام يتقال عليك صاحب ياواطي ونزل ضرب فيه
طلع احمد وحاش رعد عن مازن
احمد: كفايا يارعد هيموت ف ايدك
رعد: ابعد يا احمد خليني اعرفه قيمته الصح
وفي هذا الوقت جري مازن وشد روح ورفع عليها المسدس
مازن: قولتلك انا اللي هكسب ف الاخر خليني انزل وخلي الشرطه تمشي غير كده اترحم ع مراتك
رعد: سيبها كلامك معايا انا ملكش دعوه بيها
مازن: لا ما الحلوه تخصني ابعد بقولك
وف هذا الوقت طلعت الشرطه
الظابط: سلم نفسك يامازن وسيب مدام روح
احمد: سيبها يامازن خلي الحكم بتاعك يخف شويا ومتبقاش مجرم
مازن: انت تسكت خالص كله بسببه هو وشاور ع رعد
لو ممشتنيش هقتل مراتك
رعد: سيبها يامازن
روح واقفه هتموت من الخوف مش عليها لكن ع اولادها وع جوزها وقالت رعد بناتنا يارعد
رعد: سبها بقولك يا مازن
وضحك مازن اتشاهد ع روحها هيا وبناتك ولسه هيضرب رعد جري ع مازن وروح وقفت قدامه
وطلعت طلقه من مسدس مازن
رعد: روووح
روح وهيا بتقع: رعددد
ياتري الطلقه جات ف مين؟🤔
دي اللي هنعرفه ف البارت الجاي والاخير ان شاء الله
بقلمي🖊️دعاء محمد نصر
يارب تكون الروايا عجبتكم انا بجد بتعب فيها ومش شايفه اي تفاعل ايدي بتبوظ من الكتابه ومفيش تقدير اتمني تعجبكم اشوفكم ع خير ف البارت الجااي
بحبكم ف الله🥰❤
روايه روح الرعد
بقلمي🖊دعاء محمد نصر