روح الرعد "(الجزء الاول)"

البارت الخامس والثلاثون والاخير

روح الرعد
البارت الخامس والثلاثون والاخيرر
خاتمه الجزء الاول يعني الروايا هيكون ليها جزء التاني والاحداث هتكون ضرب ناار وان شاء الله هتعجبكم نبدأ ف روايتنا بقا
بقلمي🖊دعاء محمد نصر
روح: رعدددد
والكل جري ع رعد
رعد شد روح من مازن والرصاصه جاات في هو
روح: رعد فتح عينك متسبنيش قوم انت قوي وقدها قوم عشاني وعشان بناتنا
رعد: انتي كويسه خلي بالك من نفسك ومن بناتنا
روح: لا لا مش هسيبك قوم يارعد روح الرعد متقدرش تكمل من غيرك قوم عشان نربي بناتنا سوا قوم عشانا يارعد لا متغمضش عينك فتحهم رعددد
احمد: رعد قوم ياصاحبي افضل مفتح عينك
رعد: خلي بالك منها يا احمد
احمد: انت قدها ياصاحبي وهتقوم حد بطلب الاسعاف
ادم: رعد انت صاحبنا وقدوتنا لازم تبقي قدها وتقوملنا كلنا محتاجنلك
الشرطه: الاسعاف ع وصول بس مازن هرب مننا
احمد: يعني ايه هرب ازاي ده حصل ازاي يهرب منكم بعد ما عمل كده المفروض يموت مش يهرب
الظابط: استاذ احمد مقدرين حالتك بس هو هرب وان شاء الله نقدر نلقيه
ادم: احنا مش عاوزين ان شاء الله دي لقوه كفايا اللي حصل اكيد هيفكر يعمل حاجه تاني
الظابط: هنعمل شغلنا كله
والاسعاف جات
روح: رعد فتح عينك متسبنيش
رعد: انتي قدها ياروح الرعد
وغمض رعد عينه
روح: رعد لاء مش هقدر اكمل من غيرك انت بتكمل روح قوم يارعد
الممرضه: ممنوع الدخول يافندم
روح: انا مراته وهركب معاه يعني هركب مش هسيبه
الممرضه: بس مش هينفع حضرتك
روح: سبيني اركب معاه مش هقدر اسيبه
الممرضه بحزن ع حالتها خلاص اتفضلي اركبي
روح: شكرا جدا
وطلعت سياره الاسعاف واتحرك احمد وادم للمستشفي والشرطه ف بتدور ع مازن
ياتري مازن راح فين ابن العقربه دي بينفض نفسه منها علطول بكره يقع😂ومش هنرحمه😂😂😂
وصلت سياره الاسعاف للمستشفي
ونزلت روح مع رعد
روح: رعد قوم عشاني رعد متسبنيش انا محتجالك قوي
الممرضه: بعد اذنك
احمد: تعالي ياروح خليهم يشوفوا شغلهم وان شاء الله هيقوم بالسلامه
روح: هيقوم مش كده ويرجع لنا
احمد: ايوا هيقوم ويرجعلنا صحبي قوي ومفيش زيه
روح: يارب يا احمد يارب
ادم: طب تعالي اقعدي انتي تعبانه خالص
روح: مش هرتاح الا لما يقوم ويرجع احسن من الاول
ادم واحمد: ان شاء الله يقوم ويرجع احسن من الاول اهدي بس
روح راحت قعديت وفضلت تقرأ قران وبتدعي من كل قلبها ان ربنا يقومه بالسلامه عشان هو روح الرعد روح من غير رعد تموت
وادم واحمد فضلوا رايحين جااين قدام الغرفه وهمي بيدعوا انوا يقوملهم بالسلامه
وشويا والكل وصل
الجد: رعد والدي فين هو بخير مش اكده
احمد: ف غرفه العمليات لسه ياجدي
صفاء: انا عاوزه والدي والدي فين
احمد: اهدي ياماما انتي قويه ورعد هيقوم بالسلامه ان شاء الله
وفضلوا الكل قاعد ومحتار والخوف سيطر عليهم وبيدعوا من قلبهم يقوم ويبقي كويس
احمد واخد ليل ف حضنه وفضل يهديها واحمد افتكر كل ذكرياته مع رعد دراستهم سوا والشغل مع بعض وديما كانوا مع بعض ونزلت دموعه
ليل فضلت تعيط وبتدعي ان اخوها يقوم لها بالسلامه اخوها اللي كان ديما دعم ليها اللي وقف جمبها ف كل مراحل حياتها وهيا صغيره وحنيته عليها ولما عانت عشان تدخل الثانوي والجامعه والكل كان معارض ده هو اللي وقف جمبها ودعمها هو ديما كان بيخرجها وبيبسطها وبيخدها ف حضنه اهاا قد ايه الاخ ضهر وسند ونزلت دموعها من فكره خسارتها ليها وان لو راح هيا هتتكسر وضهرها هيتكسر وفضلت تدعي ان يقوم ويبقي بالسلامه
عمر وكان واقف ف جمب لوحده راحت ليه ايه
ايه: هيبقي كويس ويقوم رعد قدها
عمر: يارب يا أيه يارب رعد لو جراله حاجه كلنا هنتكسر احنا منكملش من غير رعد سقف بيتنا يقع احنا البيت ورعد العمدان والسقف بتاع البيت ده ونزلت دموعه ع اخوه
ايه ونزلت دموعها هو كمان هيبقي كويس واحسن كمان هيقوم عشانا كلنا وروح واولاده
عمر: ياارب
صفاء: اها يا والدي ياللي مبتلحكش تفرح ابدا قوم يارعد قوم ياوالدي كلنا محتاجينلك
حنان: اهدي ياصفاء وادعيله هو محتاج اننا ندعيله وربنا يقومه بالسلامه
صفاء: يارب ياخيتي
والكل قاعد متوتر ومستنين الدكتور يخرج يطمنهم عليه
وحنان راحت قعدت جمب روح هيا واحمد واخدوها ف حضنهم وهيا فضلت تعيط وتدعيله وتقرأ قرأن
والكل فضل قاعد ع اعصابه
وبعد شويا من التوتر اللي ظهر ع الكل والكل رايح جاي قدام غرفه العمليات
الدكتور خرج والكل جري عليه
الجد: طمنا يادكتور رعد والدي كيفه
الدكتور بأسف: انا اسف يا جماعه بس الرصاصه كانت جمب القلب علطول ومقدرناش ننقذه
احمد: يعني ايه
الدكتور: شد حيلكم البقاء لله
وقع الخبر عليهم زي الصاعقه وروح زي ما يكون حد خرج قلبها من جسمها مقدرتش تتكلم وفضلت ساكته واغمي عليها علطول
حنان: روح روح قومي يابنتي
احمد: حد يجي يشوفها بسرعه
وجم خدو روح ع اوضه تانيه وعلقوا ليها محاليل وشويا وتفوق
والكل بره انهار من العياط ومش قادرين يصدقوا فكره انه مات
والكل طلب يدخل يشوفه ويودعه
دخل احمد صاحبه
احمد: كده يارعد تسبني ليه ياصاحبي انت موعدتنيش ع كدا احنا وعدنا بعض هنكمل مع بعض طريقنا واحد ادينا ف ايد بعض طب قولي دلوقتي مين هيكمل معايا ليه كده ياصاحبي كسرت ضهري لما سبتني هروح لمين غيرك بعد كده انت مش صاحبي بس انت اخويا وكل حاجه ليا انت عيلتي التانيه كده خلتني اخسر عيلتي لتاني مره ابقي لوحدي قوم يارعد انا محتاجكك اوي وكلنا محتاجينك قوم يا صاحبي ومتسبناش ونزلت دموعه ع فقدانه لصاحبه وبعد شويا خرج
ودخل عمر
عمر: قوم يارعد متسبناش احنا من غيرك ولا حاجه ليه كده ياخوي تمشي وتسبني ليه قوم عاتبني وزعقلي قوم نتخانق مع بعض زي زمان قوم يارعد ومتهدمش البيت اللي بنيته من زمان قوي مع السلامه ياخوي ونزلت دموعه بغزاره ع فقدانه لخوه
ودخلت ليل: قوم يارعد قوم ياخوي هتسيب ليل لمين هتخلي ضهري يتكسر من بعدك قوم انت اقوي من كده مين هيجيلي وشوفني زعلانه ولا لاء مين هيقف جمبي ويدعمني قوم ياخوي كلنا محتاجنلك كده تسبنا دي انت كده كسرتنا كسرتنا اوي ياخوي اوي وفضلت تعيط وتشهق ودخل احمد خدها وخرج
ودخل صفاء ومحمد والجد واحمد وحنان ويوسف وسماح ونوران وشويا وخرجوا
ودخل ادم: ليه كده ياصاحبي ليه تسبني وتمشي ملحقتش اشبع منك يارتني سمعت كلامك من زمان ياصاحبي ولا فارقتك ولا فارقت البلد هنا مشبعتش منك يا صاحبي ولا من وقفتك جمبي ديما كنت الصاحب والاخ الجدع ديما هتوحشني اووي بس هتكسرنا يارعد هتكسرنا اوي ونزلت دموعه ع فقدانه لصاحبه وخرح
عند روح كانت فاقت اول ما فاقت استوعبت اللي حصل قامت بسرعه وحاشت المحاليل اللي ف ايدها
الممرضه: مينفعش كده يامدام انتي حامل وكده غلط عليكي هتتعبي اوي
روح: سبيني لازم اروح لجوزي جوزي مماتش رعد عايش
الممرضه: مات حضرتك وشويا وهيخدوا جثمانه
روح بعلوا صوتها: رعد ماماتش وابعدي عني ابعدي
الممرضه بعدت عنها وروح طلعت تجري بره الاوضه وراحت قدام الغرفه اللي فيها رعد
باباها: روح اهدي وخليكي قويه
روح: رعد ما ماتش يا بابا رعد عايش طول مانا فيا نفس هو كمان ف النفس
احمد: اللي خلقه عاوزه يابنتي هنقوله لاء قولنا هنفارق يابنتي انتي قويه وعارفه حكمه ربنا ف كده يابنتي
روح: لا لا لا رعد ماماتش رعد عايش صدقني
الكل بصلها بأسف
روح: محدش يبصلي كده رعد عايش طول ما روح عايشه رعد كمان عايش روح الرعد هيفضلوا ديما روح الرعد مستحيل رعد يبعد عني انا لازم اشوفه
احمد: ادخلي ودعيه يابنتي وخليكي قويه والصبر حلو وارضي بقضاء ربنا
روح دخلت لرعد ومش مصدقه كلامهم
روح؛: رعد قوم قوم عشاني قوم يارعد عشان نربي بناتنا سوا ونختار اسميهم مع بعض مش انت قولت ان روح الرعد هيفض ديما قوم واسبتلهم ده رعد متسبنيش وتمشي رعد انا هموت بعدك لو سبتني رعد متكسرنيش رعد رد عليا انت ليه مش بترد عليا قوم عشاني قوم ومتسبنيش كده هتسيب روح هتسيب روحك اوعي يارعد تعمل كده اوعي انت روحي وحبيبي انا من غيرك ولا حاجه انت نصي التاني روح من غيرك من غير روح قوم يارعد متسبنيش ليه وقفت قدامي كان زماني انا مكانك مش انت قوم يارعد والنبي متسبنيش مش هقدر اكمل من غيرك انت قوي وهتفضل معايا مش كده قوم يارعد بقا رعد رد عليا رعد عليا يارعد رعد قوم انت سامعني وهتحس بيا رعد فتح عينك وقوم  يارعد قوم رعد رد عليا وفضلت تزعق جامد ودخل والدها احمد
احمد: قومي ياروح انتي كده بتعذبيه ادعيله انتي اقوي من كده يابنتي
روح: لا يابابا انا مش قويه انا من غيره ولا حاجه خليه يرد عليا خلي يقوم انا من غيره ولا حاجه يابابا
احمد: طب تعالي
روح: لا انا مش هسيبه وهطلع مش هسيبه  خلي يخدني معاه انا مش هسيبه مش هسيبه يابابا قوم يارعد والنبي رعد
احند وفضل يشدها عشان يخرجها وهيا مش عاوزه تخرج معاه
احمد: كفايا ياروح قومي بقا مينفعش كده انتي بتعذبيه قومي بقا وافهمي ان رعد خلاص روحه بقت عند ربنا يابنتي يعني مش حاسس بيكي دلوقتي
روح قالت مستحيل واغمي عليها
اشتالو روح وعلقوا ليها محاليل تاني وفضلت تحت الملاحظه
وتمت دفنه رعد
النهااااااااااااايه😭💔
تمت بالحمدالله
تمت كتابتها ف البدايه ف شهر مارس وتم تنزيلها تاني ع الاكونت دي ف
بدايه 27 أبريل عام3023
والنهايه4 مايو عام2023
بقلمي🖊دعاء محمد نصر
توقعوا بقا ياتري روح الرعد هتقدر تكمل وتربي بناتها من غير رعد هل هتقدر ع كل ده لوحدها ولا ممكن تموت وره رعد وتسيب بناتهاا دي طبعا بعد ما تخلف عاوزه اعرف رأيكم والتفاعل الحلو بتاعكم يا قمرات
______________________________♡
بجد البارت ده صعب جدا وكنت بعيط ف كل كلمه معلشي البارت صغير مقدرتش اكمل اقدر من كده وانتظروني ف الجزء التاني من روح الرعد
هنزل الجزء التاني ان شاء الله لما تخلص روايتي التانيه أحببت اخي هبدأ ف الجزء التاني علطول من روح الرعد
التفاعل يا سكاكير
عشان التفاعل بيعرفني الروايا حلوه ولا لاء
دمتم سالمين +بحبكم ف الله❤