مستقبلي الجديد

6

وعدتك...
ان لا أبالي بشعرك،حين يمر امامي....
وحين تدفق كالليل فوق الرصيف....
صرخت....
وعدتك....
ان اتجاهل عينيك،مهما دعاني الحنين....
وحين رأيتهما تمطران نجوما....
شهقت....

_________________________________________
قامت في فورمة الصباح عملت دوش ركحت شعرها و مكياج خفيف لبست jupe في blue فيه fonte عجنب و مريول مخلع ابيض و جكات في ال blue زادة عملت parfum وهبطت فرحانة تنڨز في الدروج...قابلها يترشف في قهوتو شاد تلفون و يفطر لابس chemise blanche(خارجة على بدنو تباركلله💀)و سروال blue دوب مشفاتو مخها بدا يدور و دخلت بعضها
_ شبي عزاه هذا ملقا ميلبس لون هذا كان ليوم...شبيني نرعش انا فيق على روحك مراام
طلع راسو متلفون لقاها تخزرلو باهتة فيه قامها و حطها بعنيه
_ صباح الخير
_ صباح الخير
_ رقدت مليح مبارح
_ اي
_ هيا افطر خنخرجو
عملتو براسها باهي قعدت تفطر و هو كلمرة يخطف منها غزرة منغير ميشلق. كملت فطرت هز لڤاسة متاعو و مفاتحو و هي ساكها طلعو فلكرهبة لبس lunettes متاعو و هي زادت و مشاو
ثنية كاملة ساكتين حتى قررت تكسر حاجز الصمت و تحاول تحكي معاه
_ ياخي متقليش هازني معاك نخدم و انا لا نعرف الشركة لا شنية باش نخدم
_ متخافش تو الولاد غديكا يعرفوك عليها الشركة هي شركة accessoires ننتجو فيهم صنعة خذيتها على جدي و كبرتها و انتي باش نكلفك باش تدور و تعمل contrôle على المنتوجات و تعاون الموظفين اذا ستحقوك في سؤال يعني تنجم تقول مسؤولة عليهم عندك بيروك و كلشي راكح
_ و كيفاه باش نتعلمها الخدمة و كان منڨدش روحي
_ أميمة تعاونك اذا مفهمتش حاجة و كل متستحقها تلقاها
ڨحرتلو على جنب و قامت حاجبها و هو موش هوني بارد برشا الراجل يسوق موش معبرها
_ و شكوني ها للة أميمة لعاطيها الثيقة حتى هيا تعلمني
تبسم على جنب
_ مساعدة متاعي ملي حليت شركة و هي يدي لمين
دورت وجها للشبك تكشخ
_ يدي لمين...نانانانانا
_ شقلت مسمعتكش
_ شيء تلف
بعد حكاية درجين وصلوا هبطت خذات نفس و هو قدم يمشي و هي وراه...ناس لكل تغزرلهم فما لحاسدها و لي يڨحر و لي يتبسبس و لي يتبسم و لي يعرضهم يقول"bonjour monsieur amine" وصل لوسط الشركة صفق مرتين دارو بيهم الناس لكل و هي وجها احمر ماهي فاهمة شي
_bonjour à tous Je veux vous présenter ma femme, Maram. Elle commencera à travailler avec nous à partir d'aujourd'hui. Pour toute demande de renseignements, vous pouvez lui demander dans son bureau au deuxième étage, l'aider et la bien traiter, car elle est devenue l'une des notre famille.merci beaucoup
تبسمت و عجبها كيفاه يحكي مع خدامتو موش المدرين لكل كيفو كمل حكى و تبعاتو تمشي وراه لكل يغزرولهم كيفاه لابسين (حلوة لفازة) قداهم طالعين على بعضم برسمي يتحسدو على بعضهم لبنات لكل غايرين منها وقتاه و كيفاه عرس و كيفاه نجمت تخليه يعرس بيها و هو طبيعتو صعيبة مع البنات اما الولاد لكل يتبعو فيها بعينيهم على قد ماهي محلاه.
دخل لبيروه و هي وراه
_ بيروك اهوا ليبجنبي
_ لا و بلار بيناتهم زادة لدرجة خايف لنعمل حاجة غالطة . تبسمت بسخرية
_ لا اما فما كان هذا بيرو واسع و باهي تحب تبدل تفضل
_ لا عيشك ميسالش ...اييي و لخلاص كيفاه.
_ هات قداه تحب
ضحكت و حطت يداها يد منا و يد منا مقابلا ملبيرو بطريق مثيرة و شعرها قدامها
_ هكا توى ؟؟ كيفاه راجلي الحنين يخلصني
قعد يغزرلها بياكلها بعينيه باهت في تصرفها بلع ريقو بسيف و قعد يشوفلها لعينيها...هوما هكاكا دق لباب ستوات روحها و شعرها
_ Entrer
دخلت يابابا وحدة شخطورة شعر لصفر و العينين لكبار لمكياج لحاصل تهبل .قعدت مرام تخزرلها باهتة فيها كيفاه الصخة عندو هكا معاه و هو موش عابي بيهم و لااا تو نشوف معبرهم ولا يا راسي يا راسكم
_ عسلامة مدام ...عسلامة سي أمين
تبسمتلها و قالت
_ عسلامة
_ اهلا أميمة نتصور تعرف مرام شكون
_ اي سي أمين ربي يفضلكم لبعضكم
قالتها بغل ووجها تقلب
_ باهي نوصيكش عاد عليها
_تهنى
......
تعدات نهارات شهور و هي من تدور على الخدامة تشوف في الخدمة مع أميمة و هي موش حاملتها تعرفت علخدامة حبوها و حبتهم يعطوها تشوف خدمة أمين و يحكولها عليه و هيا باهتة كيفاه الحجرة هذاكا يحول في الحجر بأنواعو لتحف و enfin مشات لبيروها ترتاح و تكمل خدمتها و تقعد كل مرة تشوف ل أمين حتى لين دخلت عليه أميمة قعدت تتفرج كيفاه تدحنس عليه قال شنوى توريلو فلخدمة و تريڨلو في الchemise حتى لين قدمت أميمة و هي هبطت راسها تخدم عاودت دارت تلقى الrideau تجبد مشات فيسع تجري حلت لباب عليهم تلقى أمين يلبس فيها في شركة وجها حمار و دم طلعلها لراسها و دموع تحبسو في عينيها لا تنجم تشدها من شعرها ولا تعاركو لا حتى شيء خاتر معندهاش لحق قعدت تخزرلهم و عينيها معبيين بدموع
_ س.سمحوني...جيت في وقت غالط؟
قالتها بغش قعدو باهتين فيها سكرت لباب و هزت ساكها و مشات باش تخرج ملشركة دز أمين أميمة و مشا يجري يعيطلها و هي متلفاتو شدها من مرفقها
_ أسمعني راك فاهمة بلغالط انا جيت.....
_ اششش اخطاني اصلن انا شكون انا كلبة معرسة بواحد ليهمو لنو معرس يتصرف على كيفو لا يحبني لا نحبو عايشين كي زوز أعداء نحكيو مرة عل فطور و مرة علعشا خليني راني تعبت والله
_ باهي يزي خليني نتكلم راك فاهمة بلغالط يزي ملعياط قدام لعباد و ايجا نخرجو
سكتت و دموعها هبطو نجمتش تشدهم شدها من يدها و هي باهتة ما فاقت كان كي ركبها للكرهبة و وقف قدام لبحر
_اهبط
_نحبش
_كلمتين قتلك اهبط
هبطت و وقفو قدام لبحر كلواحد مطيش عينيه في شيرة خذا نفس
_ شبيك أحكي هاني نسمع فيك عيط اعمل لتحب هوني
خذات نفس غمضت عينيها
_ عيشك لكنت سند ليا و عاونتني باش ننسا ماضيا عنا توى عنا 3 اشهرة معرسين بدلتلي فيهم حياتي و توى يلزمني نعطيك حقك
_ حق شنيا يا بنتي مطلبت منك حتى شي و انا راضي بلعملتو
_ حقك انو تشوف حياتك و تعرس بلي تحبها بنية مزيانه و تعجبك و معادش يخزرولك انو معرس
_ فاش تخرف انتييي
وقفت ووقف معاها عينيها حمر
_يزييي افهم رانا تعبنا نجموش نكملو هكا ليوم شفتك بعينيا كيفاه فرحان معاهاا يلزمنا نعيشو حياتنا نفرحو نلقاو حب حياتنا تعبنااا راااو افهم
_ سكر فمك كانك على أميمة مالها الا مساعدتي لا أكثر لا أقل و الشركة ليشفتني نلبسلها فيها هذيكا خدمت عليها انا و ياها عنا شهرين و حبت تجربها هذيكا لحكاية ياا للة و انتي عاملتلي قاوق و كي انتي مزروبة على الطلاق تفضل مفما حتى مشكل
_ مفما حتى مشكل؟؟؟علاه مقتليش لكلام هذا راني مضربتكش على يديك قتلك ايجا عرس بيا ....قاعدتلك على قلبك انااا؟؟
_ ياخي تفهمش سكر فمك اسكت وجعتلي راسي
_ نحبش نسكت يزي ما سك.....
جبدها من مرفقها و طول غطس في شفايفها حاولت تفارعو تهرب منو اما شي مبعد تفاعلت معاه...بوسة يعرفوش معناها شنيا الاحساس لي فيها شنيا ليداخلهم الزوز ...شنوى ليجبدهم لبعضهم...بعدو شويا على بعضهم يلهثو قرب من وذنها ووشوش
_ هكا تسكت انت؟
حمارة بكلها موش عارفة شنيا باش تقول ولا تتكلم هبطت راسها و هو شاخ عليها بضحك مبعد قدم ملكرهبة
_ هيا ولا تحب تبقى هوني؟
_ هاني جيت
طلعو فلكرهبة كلمة لربي لا هي كل متتذكر تتبسم و تحط يدها على شفايفها اما هو....هو حاير...عمرو متجذب لطفلة هكا...زعما شبيه...ومن ناحية أخرى مفما لوين توصل حياتهم هكا لازم يتصرف

To be continued
_________________________________________