مستقبلي الجديد

18

لا شيء ينقصني في غيابك سوى الكون!
لا شيء يوجعني في غيابك
لا أَنامُ لأحلمَ
قالت لَه
بل أَنام لأنساكَ
ما أطيب النومَ وحدي
بلا صَخَب في الحرير
اَبتعدْ لأراكَ
وحيداً هناك
تفكِر بي حين أَنساكَ
لا شيء يوجعني في غيابكَ
لا الليل يخدش صدري ولاشفتاكَ
أنام علي جسدي كاملا
لا شريك له
لا يداك تشقَّان ثوبَ الملاك
ولا قدماكَ تَدقَّان قلبي كبنْدقَة
عندما تغلق الباب
لاشيء ينقصني في غيابك
_________________________________________
قعدت ليلة كاملت تتقلب في الفرش نوم مشافاتوش عينها كلام أحمد المغط يدور في راسها عندها غصة في قلبها هي بيدها موش فاهمتها علاه قامت الفجر توضت وصلّاتو حست روحها رتاحت شوية هبطت للكوجينة حضرت قهوتها و خرجت تترشف فيها قدام piscine قعدت مخها مش فوقها تخمم و تخمم في الماضي والحاضر مرام الطفلة المحلاها كانت متهنية شو شنوى تعدى عليها في عمر صغير...غمضت عينيها اول حاجة شافتها بين تصويرتو
_لا مستحيل يكون حب منحبوش قلبي باب وسكرتو وموش مستعدة نتجرح مرة أخرى يعلم بيا ربي كيفاه مستحملة حبي لول قدام عينيا كل يوم...زعما نحبو؟ لا ولا و لا زادة متأكدة نحيه من مخك يا مرام
هيا حلت عينيها تلقاه واقف قدامها...عاودت سكرت عينيها و حلتهم عيطت مفجوعة سكرلها فمها طول
امين: شبيك ياخي هبلت باش تفيق الدار
ترخفت بين يديه عينيه في عينيها شاف منهم قداش توحشاتو قداش موجوعة منو لمكلمهاش ومسألش عليها 
نحاتلو يدو من فمها
مرام:سيب
امين :هكا تستقبل راجلك؟
مرام: ماكش راجلي
امين:بلاهي؟
كتفت يديها وبعدت عينيها عليه
هي:واللاهي
هو:معندك وين تهرب ليل طويل وتو نشوفو راجلك ولا
غمزها وهي حمارت ڨحرتلو دخلوا يلقاو يمينة و سهيلة فاقوا يجريو
يمينة: مرام شفا...أميييين
عنقاتو يمينة فرحانة
امين:خالتي توحشتك
يمينة وهي تبكي:كان تشوف انا يا وليدي
سلم على أمو وباسها
سهيلة:علاش عطلت ياوليدي قلت موش جاي هذا
امين:كهو امي والله الخدمة شدتني الله غالب
سهيلة:جيعان يا روح امك تحب نطيبلك حاجة؟
باسلها راسها
_ لا أمي يعيشك براو ارقدو توى حتى يجي صباح انا زادة تاعب والله
_ باهي ولدي ارتاح
هذا الكل و مرام ساكتة كلمة لا
يمينة:افرح براجلك مرام شبيك ساكتة متوحشتوش ياخي
خزرتلو بلوم
هي:بالطبيعة باش نتوحشو حتى لو كان يكلم فيا كل يوم
هبط أمين راسو وفهمها لمتغششة عليه
هز الفاليز متاعو و طلعوا لبيتهم نحى أمين مريولو دورت وجهها طول
_ ياخي شبيك هبلت قلي باش تنحي حوايجك علقل
_ باش نحشم من مرتي ياخي؟
_ تبداش تجبد عليا بدم لبارد هاني نقلك
_ اي باهي أقعد هكاكا مالا خاتر باش نبدل سروالي
_كملتشي؟
_اي
ترمى على السرير فالوسط
هي: ميسالش تقرب غادي انا زادة عندي لحق نرقد راو
حل يدو باش تجي في حضنو الكرامة اهم🙂 نساها ملي روحت لتونس وباش تستسلم قدامو؟؟ لا بالطبيعة بعدتلو يدو و تكات حتى حست بنفس سخون في رقبتها و بدن لصق فيها من تالي
هي ونفسها متقطع: ابعد
هو:وكان منبعدش؟
هي:قتلك اب...
هو:ششش
دخل يدو تحت مريولها وقعد يدور في صوابعو على كرشها و يتلمس فيها بحنية باش تفقد اعصابها اما معندها حل كان تستسلم وترخف روحها زاد لز روحو ليها ووشوش في وذنها
_ توحشتك
بلعت ريقها غمضت عينيها وعملت روحها رقدت تبسم و رقد هو زادة.
سويعتين نوم هكاكا وفاق ملقاهاش بجنبو دخل عمل دوش لبس حوايجو وهبط يلقاهم ملمومين شافلو احمد بتشوحير
_اهلا بولد خالتي وينك بربي
وقف سلم عليه وسلم على لدايرين بيه لكل لين وصل لبنت عمو هناء
_هناء هاك كبرت فيسع مشالله
_ ولد عمي نذكرك لبينا عامين كهو راو🙂
عنقها على دخلت مرام عليهم وقفت في بلاصتها بقات تڨحرلهم حتى تكلمت يمينة:
_مرام شبيك وقفت غادي بنتي
_اه...ااا..لا شيء جيت باش نادي امين يفطر
دار أمين يلقاها واقفة تبسملها وهي حتى حركة وهناء موش عاجبها الوضع
امين:هاني جيت
دخل هو وياها للكوجينة
_ هاو فطورك وكان ستحقيت حاجة ناديني
جات ماشية شدلها يدها
_ اقعد
_عندي منعمل
_اقعد قتلك
تأففت وقعدت
_ اي شفما
_ شبيك تحكي هكا ماو لباس؟مقلقك جياني؟ انن عندك الحق كنت تبرتع كيما تحب وتشوف لتحب
_ اسمعني هوما كلمتين الكلام بالالغاز مايمشيش معايا
_ انا فهمت و انت فهمت
_ كملت ؟
_ لا
_ تفضل
_ افطر معايا نحبش نفطر وحدي
حطت ساق على ساق
_علاه شكون يونس فيك الايامات لفاتو
هو ياكل وهز عينيه وهبطهم
_بالطبيعة اسألتي ديما متجاوبش عليهم
دورت وجها تاكل في بعضها جبد كرسيها ليه وقربها ليه خزر لعينيها ودارلها
_ شتحب تعرف ملخر
_ش...شي
يخزر لشفايفها ومرة لعينيها
_ تكلم ولا نجم نعرف وحدي راو
على دخلة يمينة تبسمت و كحت باش يعرفو لجات خزرلها أمين
_ ااا خالتي
_ حبيت نقول لمرام البنات بداو يجو وباش نمشيو للحمام كان لاهيين نرجع مبعد🙂
قامت مرام بربثة من بلاصتها
_ لا امي يمينة انا déjà كنت ماشيا نجيب ساكي
_خالتي عيطلهم وهيا نوصلوكم
مشاو للحمام ثنية كاملة غناء و تزغريط كي وصلو دخلو لبنات بدربوكة و الجو وقفت مرام بحذى أمي كتفت يديها وقعدت تخزرلهم عاملين جو تكلمت والدمعة محصورة في عينيها
_ كنت حابة نعمل حتى انا عرسي هكا و نفرح اما الله غالب
خزرلها امين وحب يبدللها الجو
_ تحب نعاودو نعرسو؟🙂منقولش لا راني هوكا كل حاجة ناقصة ومتعملتش نعملوها😉
ڨحرتلو مرام
_ لا انتي هبلت والله
_ بيك يمكن🙂
ضربتو على كتفو
_ يلزمني نمشي البنات دخلو
_ لف على روحك مليح كي تخرج
تبسمتلو و مشات قعد يخزرلها لين دخلت
_ ااااه يا أمين شصاير فيك
هز تلفونو حط نومرو جديد و كلم
_ الو هبطت لتونس آمس في يدك نهارين وتجيبلي دوسي لقتلك عليه
_باهي سي أمين
علق تلفون ركب في كرهبتو وطار بيها direction مركز الشرطة دخل لي يشوفو يسلم عليه
_حاجتي بسي يوسف موجود
_ اي موجود
وقف قدام باب واقفين قدامو زوز رجال جهامة
_ قلولو أمين جاء
_تفضل الجنيرال  يستنى فيك
علطيه بكرسيه بالظهر راجل غامض برشا صوتو خشين يحكي وهو داير
_ مرحبا مرحبا عندي برشا نستنى فيك
_ كان مجيتش حلجتي بمعلومات معندي علاه باش نجي لهوني
_ تعرف لي يلزمك ديما تخلص كان حاجتك بحاجة هيا ڨر ڨر شنيا هالحكاية لخلاتك تتواضع وترجعلنا
_ عرفت شكون قتل بابا

_________________________________________
نشالله تعجبكم❤️